السلام عليكم ورحمة الله وبركاتة
شحالك يالربع عساك بخير وسهالة
بدخل بالموضوع على طول
انا قررت اني اييب موتر من برع … ويلست هالفترة اقرا مواضيع وادش مواقع واستفسر وماخليت شي
لاكني بعدني فحيرة من امري
عندكم مثال موقع exporttrader
شوه رايكم فيه … اتمنى من مَن تعامل ويا هالموقع يقولنا شو تجربتة ؟؟
وهل هم مضمونين والضامن الله سبحانة وتعالى
وعندكم مواقع اخرة من مثل :
copart.com
autotrader.com
cars.com
auctionexport.com
الي شفتة من هالمواقع انصدمت الصراحة …
لانة اغلب الاسعار شرات الاسعار لي عندنا فالدولة وفوق هذا مرات يوم بتحسب قيمة الشحن والتكاليف بيظهر عليك الموتر اغلى
مع اني ظهرت بطاقة Prepaid card من بنك ابوظبي الوطني
وسويت حساب بالباي بال .. ورتبنا الامور
فما اعرف شسالفة الصراحة ؟؟
طبعا ً بتقولون لي شوه الي كادنك تاخذ من برع وتلعوز عمرك ..
تبون الصدق ملينا يا جماعة الخير من النصب لي عندنا وللصبر حدود
والمشكلة يوم اسمع انه حد يايب موتر من برع برخص واجوف الاسعار انصدم ..
فياليت فزعتكم وتدلونا على الطريج الصحيح وكيف نييب موتر من برع بطريقة مضمونة وبسعر معقول
واتمنى لي خاض هالمواضع وله تجارب يخربنا عسبة نعرف ونتحذر … واتمنى انه يكون الشرح بالتفصيل
والسموحة طولنا عليكم
متااااااااابع بصمت
انا اعرف وايد عندهم وارد مايشكون منه واللي كمل عنده الموتر 5 و 6 سنين ويا كثر الرنجات و المرسدسات الوارد هنيه مافيهن مشاكل شوف يالطيب هالموقعين افضلهم autotrader.com
cars.com
اما كوبارت حراميه وتحذر منهم ودام الدفع عن طريق الباي بال ماعليك شر ان شاء الله بس جيك على الموتر الكارفكس وحاول تكاسر راعي المعرض واحسب 5% جمارك و تقريبا 20.000 الف شحن
وفعلا بسنا نصب الفرق بين الرنج الخليجي والامريكي 100.000 ليش عسى ماشر ؟! عشان الضمان باخذه بـ25 وكان الله غفورا رحيم والباقي بأمن الموتر فيه وبيتم بعد لي مبلغ بحطه على طرف للسفر ولا غيره
موضوع مفيد للنقاش والفائده وعندي سؤال للخبراء … هل السيارات المستورده من برع تنفع لجو الخليج دائما ولا كيف؟
وبالنسبة للضمان الوكالات عندنا تقبل سيارات من برع وعمل وتمديد ضمان ؟؟
تسلم ياخوي الخبير العيناوي
وفي انتظار ردودكم يالربع
موفق بإذن الله … لك مني أجمل تحية .