السلام عليكم ورحمة الله وبركاتة
شحالك يالربع عساك بخير وسهالة
بدخل بالموضوع على طول
انا قررت اني اييب موتر من برع … ويلست هالفترة اقرا مواضيع وادش مواقع واستفسر وماخليت شي
لاكني بعدني فحيرة من امري
عندكم مثال موقع exporttrader
شوه رايكم فيه … اتمنى من مَن تعامل ويا هالموقع يقولنا شو تجربتة ؟؟
وهل هم مضمونين والضامن الله سبحانة وتعالى
وعندكم مواقع اخرة من مثل :
copart.com
autotrader.com
cars.com
auctionexport.com
الي شفتة من هالمواقع انصدمت الصراحة …
لانة اغلب الاسعار شرات الاسعار لي عندنا فالدولة وفوق هذا مرات يوم بتحسب قيمة الشحن والتكاليف بيظهر عليك الموتر اغلى
مع اني ظهرت بطاقة Prepaid card من بنك ابوظبي الوطني
وسويت حساب بالباي بال .. ورتبنا الامور
فما اعرف شسالفة الصراحة ؟؟
طبعا ً بتقولون لي شوه الي كادنك تاخذ من برع وتلعوز عمرك ..
تبون الصدق ملينا يا جماعة الخير من النصب لي عندنا وللصبر حدود
والمشكلة يوم اسمع انه حد يايب موتر من برع برخص واجوف الاسعار انصدم ..
فياليت فزعتكم وتدلونا على الطريج الصحيح وكيف نييب موتر من برع بطريقة مضمونة وبسعر معقول
واتمنى لي خاض هالمواضع وله تجارب يخربنا عسبة نعرف ونتحذر … واتمنى انه يكون الشرح بالتفصيل
والسموحة طولنا عليكم
نصيحة لوجه الله تعالى ابتعد عن ان تفكر باستيراد سيارة
1- تدفع فلوسك وتنتظر اقل شئ شهرين
2- تشتري سيارة بدون ما تشوف …ولا تغرك صور السيارات الحلوة …تراك تستلم غير الصور
3-كلفة السيارة اكثر من الموجود حالياً
4- احتمال وصول السيارة مع بعض الاضرار جراء الشحن
5-
6-
7-
8-
وكثير من السوالف
ارجع واذكرك اشترى من هنا احسن وابرك…واذا هنا الغش موجود بس قليل ..ترى هناك الغش بلاوى .
والله يوفقك وييسر أمرك
مجرد راي عن تجربة أستيراد سابقة لمدة 3 سنوات
تسلم ياخوي بودانة على ردك
والنعم فيك
ونعم بخوي بوغنيم
لاكن ياخوك مادريبة هل يقدر ييب لنا مواتر بسعر اقل عن سعر السوق بشكل واظح يعني .
لاني اعرف شباب يابو لكزيات موديل 2002 نص الترا بحدود 38 تخيل والسياير نظيفة هب سلفاج او مدعومة
ونتريا افادات الاخوان
تسلم شيخي على الرد
ياخوك كلنا مقتنعين انه المواتر الامريكية افضل .. لاكن وين المشكلة ؟؟
انا بخبرك من خلال تصفحي المواقع الامريكية هاليومين الصراحة ا جفت انها اسعارهم شرات اسعارنا واغلا بعض المرات … فما عرفت شقايل الشباب ييبيون سيايير بسعر رخيص وبشكل مضمون عسبة جذة بغيتهم يفيدونا الله يجزاهم خير
وبخصوص الشحن منوه خبرك انه يكلف 20000 ؟؟؟ غلط
الشحن فيه نوعين شحن محلي داخل امريكا … وهذا يعتمد على مكان الموتر فاي ولاية وعلى المينا الي بيظهر منة … بالعاده ما يكلفك اكثر من 300 الى 500 دولار
اما الشحن البحري يكلفك بحدود 1300 الى 1500 ومرات اكثر ويعتمد
وبعدين اا حبيت تامن الموتر خوفا من السرقة او اي شي ثاي شرات الاضرار
نسبة التامين 0.09 بالمية من جيمة السيارة بيظهر عليك بحدود 200 الى 300 درهم اماراتي
يعني الامور طيبه لاكن المشكلة وين ؟؟
انة اغلب هالمواقع الامريكة اللي ندخلها .. ماتبين السعر الحقيقي للسوق الامريكي
اتمنى انه الاخوان ما يقصرون ويانا
تسلم ياخوي ضاحي وان شاء الله الاخوان بيفيدونا
اخوي شوف العضو DUNHILL-1 سالم السويدي
وهذا رابط صفحته
طبعا موجود فأمريكا ويشتري سيارات
وريال والنعم فيه وربي يشهد