خلاص انا قررت يا جماعة الخير !! بس ابا فزعتكم ..هااااام

20 thoughts on “خلاص انا قررت يا جماعة الخير !! بس ابا فزعتكم ..هااااام”

1. شوف يا اخوي

   اول شيء يعتمد سعر السياره على الموتر اللي تباه

   اذا تبا ياباني انا اقولك ماشي فرق يذكر

   اذا تبا مثلا مرسدس “بعض الانواع” مثل السي ال و الاس و السي تلقى الفرق

   بينه وبين الخليجي يوصل 80 وفوق

   وعندك الرنج انا سألنهم عن سعره 2011 قالولي الاوتوغرافي 490

   انا لقيت الاوتوبغرافي وارد امريكا على 360 وشويه

   يعني الفرق هب رخيص ؟ خاصه في سيارات اللي اسعارهن مرتفعه بتلقى فرق

   اما في خاطرك سياره 150- 200 انا اقولك خذها من هنيه وريح راسك

   لان مابيكون فرق والديلر يختلف سعره

   وانا مره سأل عن شحن ضد سرقه ضد الغرق وضد الحوادث واصل لين الامارات 20 وشوي وكان

   الموتر سي 63 و الشحن الداخلي اغلبهم يحطون سعره من ضمن سعر السياره المعروض

   وتقدر تكاسرهم وهم يشحنونه لك على حسابهم لين اقرب مينا لك

   فهمت يا طويل العمر يعني في بعض المواتر مايختلف سعرها عن هنيه وفي بعض يسوى ونص

   السعر وارجع واكرر الديلر مايقدر يضرك لان سمعته اهم ماعنده ولازم تسأله

   وبعدين اللي يقول الصور غير عن الموتر ترى هو في الصور يرفق رقم الشاصي وبيوصلك بنفس رقم

   الشاصي المعروض كيف بيغشك ؟!

   انته قبل ماتسوي صل استخاره واستخير ربك وان سهلها لك كان بها وان شفتها تتأزم شل من راسك

   ودور لك هنيه والمواتر وايد

   بالتوفيج

   تسلم شيخي على الرد

   والله ياخوك … انا فكرت اخذ موتر استخدام لي
   وثاني شي فكرت بالتجارة قلت يمكن ربك يوفجنا بهالشي
   بسنا من اصحاب املارض لعنوا صيرنا لعان … من صوب الوكالات حرامية ومن صوب ثاني المعارض …
   و المصيبة والادهى … انهم ييبون المواتر من امريكا برخص … ويوم انته تحاول تييب ماشي منه ربك كريم

2. موفق بإذن الله … لك مني أجمل تحية .

   امس ياييبين جمس يوكن 2007 فرق عن السوق عشر الاف تقريبا

   ومستانسين فيه فقرننا انه نسويله سيرفس

   بدلنا السفايف وطلعت الدرامات تعبانه وفدربك

   غسيل وبوليش

   سيور وزيوت

   كهربائيات شويه

   وتواير 4 يدد

   وما حصلت الا ان ال10 الاف روحن ولو مشتري من هني ابرك لي واحسن

3. تسلم شيخي على الرد

   ياخوك كلنا مقتنعين انه المواتر الامريكية افضل .. لاكن وين المشكلة ؟؟
   انا بخبرك من خلال تصفحي المواقع الامريكية هاليومين الصراحة ا جفت انها اسعارهم شرات اسعارنا واغلا بعض المرات … فما عرفت شقايل الشباب ييبيون سيايير بسعر رخيص وبشكل مضمون عسبة جذة بغيتهم يفيدونا الله يجزاهم خير

   وبخصوص الشحن منوه خبرك انه يكلف 20000 ؟؟؟ غلط

   الشحن فيه نوعين شحن محلي داخل امريكا … وهذا يعتمد على مكان الموتر فاي ولاية وعلى المينا الي بيظهر منة … بالعاده ما يكلفك اكثر من 300 الى 500 دولار

   اما الشحن البحري يكلفك بحدود 1300 الى 1500 ومرات اكثر ويعتمد
   وبعدين اا حبيت تامن الموتر خوفا من السرقة او اي شي ثاي شرات الاضرار
   نسبة التامين 0.09 بالمية من جيمة السيارة بيظهر عليك بحدود 200 الى 300 درهم اماراتي

   يعني الامور طيبه لاكن المشكلة وين ؟؟

   انة اغلب هالمواقع الامريكة اللي ندخلها .. ماتبين السعر الحقيقي للسوق الامريكي

   اتمنى انه الاخوان ما يقصرون ويانا

   شوف يا اخوي

   اول شيء يعتمد سعر السياره على الموتر اللي تباه

   اذا تبا ياباني انا اقولك ماشي فرق يذكر

   اذا تبا مثلا مرسدس “بعض الانواع” مثل السي ال و الاس و السي تلقى الفرق

   بينه وبين الخليجي يوصل 80 وفوق

   وعندك الرنج انا سألنهم عن سعره 2011 قالولي الاوتوغرافي 490

   انا لقيت الاوتوبغرافي وارد امريكا على 360 وشويه

   يعني الفرق هب رخيص ؟ خاصه في سيارات اللي اسعارهن مرتفعه بتلقى فرق

   اما في خاطرك سياره 150- 200 انا اقولك خذها من هنيه وريح راسك

   لان مابيكون فرق والديلر يختلف سعره

   وانا مره سأل عن شحن ضد سرقه ضد الغرق وضد الحوادث واصل لين الامارات 20 وشوي وكان

   الموتر سي 63 و الشحن الداخلي اغلبهم يحطون سعره من ضمن سعر السياره المعروض

   وتقدر تكاسرهم وهم يشحنونه لك على حسابهم لين اقرب مينا لك

   فهمت يا طويل العمر يعني في بعض المواتر مايختلف سعرها عن هنيه وفي بعض يسوى ونص

   السعر وارجع واكرر الديلر مايقدر يضرك لان سمعته اهم ماعنده ولازم تسأله

   وبعدين اللي يقول الصور غير عن الموتر ترى هو في الصور يرفق رقم الشاصي وبيوصلك بنفس رقم

   الشاصي المعروض كيف بيغشك ؟!

   انته قبل ماتسوي صل استخاره واستخير ربك وان سهلها لك كان بها وان شفتها تتأزم شل من راسك

   ودور لك هنيه والمواتر وايد

   بالتوفيج

4. السلام عليكم

   اغلب اللي يشترون سيارات وهم في بيوتهم عن طريق النت ، لازم يعرف احد في امريكا

   لان الواحد لازم يتاكد من حاله السياره صح

   واغلب الاسعار اللي يقولونها لك الشباب ، تكون للسيارات اللي فيها دعمه

   في امريكا ، حتى لو الدعمه بسيطه ، يشترونه الشباب باسعار ناااااااااااازله جداً وصلحوها في الامارات او يبدلونها

   اما اسعار السيارات النظيفه ، فهي من الاساس مرتفعه وممكن تحصل سعرها اغلى من اللي عندنا

   لو تعرف احد في امريكا يشوف لك من السيارات يكون لك افضل وتعطيه عموله كويسه

   وعسى ربي يوفقك

5. نصيحة لوجه الله تعالى ابتعد عن ان تفكر باستيراد سيارة
   1- تدفع فلوسك وتنتظر اقل شئ شهرين
   2- تشتري سيارة بدون ما تشوف …ولا تغرك صور السيارات الحلوة …تراك تستلم غير الصور
   3-كلفة السيارة اكثر من الموجود حالياً
   4- احتمال وصول السيارة مع بعض الاضرار جراء الشحن
   5-
   6-
   7-
   8-
   وكثير من السوالف
   ارجع واذكرك اشترى من هنا احسن وابرك…واذا هنا الغش موجود بس قليل ..ترى هناك الغش بلاوى .
   والله يوفقك وييسر أمرك
   مجرد راي عن تجربة أستيراد سابقة لمدة 3 سنوات

   تسلم ياخوي samir على ردك وعلى مشاركتك

   وانا وياك بهالكلام وانه هالشي يستوي ..

   بس ياخوي الواحد يسال نفسة شقايل الاخوان ييبون مواتر من برع .. مع الذكر انه بعضهم ييبيون الموتر وهم فالبلاد بدون مايكون شي طرف ثاني فامريكا يعاين ويفحص الموتر

   هل برايك لازم يكون شي طرف ثاني بامريكا عسبه يفخص ويتاكد ؟؟ اذا جذة ..عيل رحنا وطي وبنتم طول عمرنا تحت رحمة قطاين الطرق ( اصحاب المعارض ) الا من رحم ربي

   ونتريا مشاركات وخبرات زيادة اخواني

Comments are closed.