خلاص طفح الكيل بقدم استقالتي

31 thoughts on “خلاص طفح الكيل بقدم استقالتي”

1. تمي في وظيفتج ولاتودرينها مره

   استغرب اذا المواطنه ماتداني المواطنه وماتتحملها

   عيل منوه يتحملها

   الله يهديها

2. بعيد كلام الاخوان للتأكيد

   الصبر مفتاح الفرج

   لو تشوفين مشاكل غيرج بتهون عليج مشاكلج في الدوام..

   نصيحتي لج، لا تستعيلين..ابتدي من باجر واشتركي في مواقع توظيف على الانترنت ( اغلب الشركات تستعين بالسير الذاتية عن طريق شركات التوظيف اللي اغلبها عندها مواقع على الانترنت).

   وايد ناس مروا بنفس ظروف العمل واسوأ، الحل انج تبدين تقدمين وظيفة ثانية وان شاء الله اذا وقعتي عقد مع مكان ثاني عقب قدمي استقالتج. خلي العواطف على صوب وخلي العقل يحكم في هالشي. ما في بيئة عمل كاملة.

   مب شرط تغير مكان العمل هو الحل..راجعي الاشياء اللي تأثر على كرهج للعمل الحالي..حاولي تحصلين له حل..على سبيل المثال انتقال الى قسم ثاني اذا كان ممكن..او حاولي تكتسبين الناس اللي مكرهينج العمل حتى لو ما كنتي تحبين هالشي..في وايد اساليب..لكن اهم شي انج تستخدمين عقلج قبل العواطف.

   نتمنى لج كل التوفيق..

3. الأعضاء مابيقصرون بالنصيحة (الله يحفظهم جميعا)

   انتظري ياختي وخذي رأي الأعضاء وبعدها إعلني قرارج الأخير ،،، أهم شي انتظري وشوفي الردود

   وياختي ترى راجوو وكومار و تاجر زمان خان كل هذول ينتظرونج تستقيلي عسب ياخذوا مكانج

   فلا تخلين خططهم تنجح

4. كلامج صحيح اختي … ومحاولات التطفيش وايد
   رؤساء مجالس الادارات والاعضاء اغلبهم ما يدرون ولا هامنهم شو اللي يصير
   اهم شي عندهم المكافئات اللي يحصلونها اخر السنه وعلى حساب الموظف العادي
   الزعيم في هالمعمعه هو الرئيس التنفيذي … ” وكل واحد عنده خطه خاصه في راسه ويريد تنفيذها”

   صدقك اخي المصلحه الشخصيه على حساب المصلحه العامه و طبعا عقبها حق ربعهم و حبايبهم الي بيحطوهم فوق روسهم و ما بيزعلوهم موول

   بس شغلتهم من سينما لي سينما من سوق ل سوق

   و الي ما بيرابعهم و بيماشيهم في طريجهم بيبهدلوه و بيكون حاله من حال الكرسي الي ييلس عليه الفراش

   لكن الله فوق هم مسئولين لكن اشهد انهم مب قدها

   المسؤول المفروض يكون عادل من بين موظفيه في كل شي و ما يخصص المميزات حق ربعه

5. استهدي بالله واسمعي اخوج زييييييين
   ….

   شوفي انتي عليج اقساط سياارة .. اوكي … حاولي تقدمين في دوائر حكوومية لين ماتحصلين شغل .. وبعديين فري ورقة الاستقاالة في ويه المديرة .. وجذه بتكسبيين عصفوورين بحجر

   …………

Comments are closed.