احم احم..
وانا يالسه عند باب الستي اتريا اختي تسحب من ماكينه الصراف الالي والا اشوفلك هاك الشاب الكاشخ طالع بكرتون -رسيفر- بدون كيس اقول في خاطري جيه متعب عمره..
مر موقف ثاني …
الاخت طالعه بغرشتين زيت طبخ
الله كيف جيه ؟
الاخ اللي بعده.. شال Pampers ,وكمن لبس اطفال
ضربت راسي بدريشة السياره عنبو شو بلاهم الجماعه والا انا احلم !
المهم ركبت اختي السياره جان اقولها شو رايج مدامنا في الستي خليني اخذ اغراض البيت وافتك
المهم نزلنا وتميت 3 ساعات اشرى مزرت 2 ترولي والا انصدم عند الكاونتر اقوله ليش محد ايجيس
قالي الاخ: لا مدام خلاص مافي اذا انته تريد اشتري الكيس ب نصف درهم خلاص مافي كيس بلاستك
بطلت عيني اقوله بس انا شاريه وايد وين بحطهن قالي خلاص هذا قرار جديد يريد اشتري كيس
ودرت كل شيء وروحت
وقررت اسير بلا عوده !
ماهو السبب يا ترى !
هل هو بسبب الحفاظ على البيئة ام الازمة المالية خلتنا انشل كشارنا في العربانات بدون اجياس !
بس على فكره الدرهم ترجع لك اذا رديت الترووولي من اتحطون الحديد تعفد الربيه
الله المستعان
~*¤®§(*§*)§®¤*~ˆربي ايوفقكم °ˆ~*¤®§(*§*)§®¤*~
صح كلام الاخ
هيه مب سالفة بخل
سالفة استغلال
ترا بسوالفكم ورمستكم هاي وردكم هذا مايسمونه بخل هذها استغلال فتح مخك اليوم نص وباكر درهم والله اعلم كم بيكون عقب