توكل على الله اخوي
الاستعمال في المدينة : استعمالها اوكيه بس تحسها ضخمه وما يكفيها مكان صغير
الاستعمال خارج المدينة : بالنسبه للخط ماعليها كلام ماشاء الله
صرفية البترول مقارنتا بالاستيشن : اكثر من الاشتيشن بوااايد وخاصه بالمدينه
المشاكل الميكانيكة مثل الجير والحرارة والتكييف وغيره : ماشي وحط ف بالك شي ان السيارات حظوظ وان شاء الله يكون حظك طيب وتستخدمها بدون اي خراب
يالربع انا عندي سؤول
هل فيه 4 ابواب بس الحوض ايي صغير شوي يعني مب طويل ورا؟
مشكورين وبيض الله وجيهكم على كل هالمعلومات القيمة والله يجعلها في ميزان حسناتكم
نفس كلام شاعر الجزيره ….. بس ازيد عليه في ان استخدامها في البر صعب شوي مقارنه بالاستيشن …. بسبب شاصيها الطويل ….
و لك مني أجمل تحية .
السلام عليكم ورحمة الله وبركاته
مشكور يا صاحب الموضوع على الطرح الطيب و ان شاءالله الكل يستفيد
انا بتكلم من باب التجربه لان عندي كبينه و نص 2010..مش من باب الدعايه
السياره مثل ما قالوا فالباركنات و المولات تتلعوز فيه شوي بس عادي
خارج المدينه ما في احسن منه من ناحية الراحه
صرفية البترول: اذا اتفوله و هو خلاص مصفر على 110 دراهم..مثل ما قال سعيد التانكي صغير و هذا من شروط السلامه
في السيارات الامريكيه..و يمشيك التانكي من 450 الى 500 كيلومتر اذا استخدامك نظيف مش دعاس..
المشاكل ما اتوقع لانه تويوتا دقه سلف واتوكل..و تقدر اتجيكه في الفطيم ولا دينا تريد و في كم قراج معروف بعد
استخدام البر..الحمدلله السياره صار لي اسوقها شهر تقريبا و من كم من مره سرت فيها الورقا.. الحمدلله بدون ما اربخ عالتواير ادخل واطلع عالراحات
و اي حد من الشباب يبا يجرب سواقت الموتر حياه الله
و السموحه عالاطاله