السلام عليكم ورحمة الله وبركاته…..

عندي رقم خماسي أزرق مرتب على شكل 1xx1x للبيع ….الصراحه آنا كنت ماخذتنه لي وعشان أحطه على سيارتي اليديده…وانتظرت ألاقي حد يسويلي التنازل فتره طويله جداً ولا شي فايده!! الكل يوعد ويتصل ويحرق الفون وآخرتها ما يسوي شي!!!!!!!!!!! وغيره وغيره وقصص وايده وإحراجات وإزعاج لدرجة أني غيرت رقم فوني أكثر من مره!!! والي يطلب بيزات وياخذهن وعقب ما يرد عالفون!!! والي خلاني أسير لطريف وللعين وبدون فايده!!! وظلت سيارتي اليديده برقم عادي طول هالفتره…لين آخر مره سايره عسب التنازل وهم بعد رفضوا !!!! حن علي ظابط يزاه الله خير كان شايفني كذا مره اسير واجي المرور عسب نفس الموظوع…ولمن خبرته بالسالفه وشوي بـصـيـح من القهر كسرت خاطره جان يعطيني رقم خماسي رمادي مرتبXYYYZ…يعني بهالطريقه 56667 صح إنه رمادي بس المهم إنه حلو… وربي ولد أصل وولد حلال ربي يوفجه وين ما يسير …خدمني وساعدني دون مقابل ودون مصلحه وحتن لما رجعت أشكره قالي بس إدعيلي ربي يستر علي وعلى بناتي وبنات المسلمين……الله يستر عليه وعلى هله دنيا وآخره..

المهم الحين خلاص عفت الرقم الأزرق وأبغي أتخلص منه لأنه نحس علي……

ببيعه ب 25 ألف والتنازل عالشراي…يعني أنا ما أعرف حد يسوي التنازل!! الي بيشتري يدبر التنازل….

رجاءا الشخص الجاد بالشراء يتواصل معاي عالعام او عالخاص…وبخلي صاحب الرقم يجي ويتنازل له في المرور…أنا ما بجي ولا بظهر بالصوره أبداً … بس بستلم المبلغ وبنرتب كيف بستلمه..

شكراً للجميع

15 thoughts on “خماسي أزرق مرتب للبيع 1xx1x..بسعر حلو”

  1. وعليكم السلام ورحمة الله وبركاته ,, الله يعينج اختي على سالفة التنازل الي ماتصير الا اذا عندكم فيتامين واااو عود غيرج ايــيــبــوون التنازل بمكالمة وحده وناس تراكض من مكان لمكان وماشي فايده !.. الرقم مزيون خاصتا اذا كان 17717 ’ 19919 , 16616 , 12212 ’ 13313 ويستاهل بحدود 17 الى 25 الف يزيد وينقص بشوي .. موفق بإذن الله … لك مني أجمل تحية .

    والله صدقت يا خوي وللأسف “””واااو””” ناقص عندي وتعبت وأنا أدوره وحتى ببيزات ما طاع ألاقيه!!!!

    تصدق في وحده وافده عندنا في الدوام (دون ذكر الجنسيه) إشترت سياره عليها رقم رباعي رمادي وسوولها التنازل عادي!!!! ولمن سألتها كيف قالت لي عادي من الكاونتر ودون واسطه!!!
    فعلاً الأسعار الي إندفعت للحين بهالحدود. بس للحين محد كان جدي في الشراء!!!
    مشكور يا خوي على تعليقك ومشاركتك وربي يحفظك ويوفقك

  3. وعليكم السلام ورحمة الله وبركاته ,, الله يعينج اختي على سالفة التنازل الي ماتصير الا اذا عندكم فيتامين واااو عود غيرج ايــيــبــوون التنازل بمكالمة وحده وناس تراكض من مكان لمكان وماشي فايده !.. الرقم مزيون خاصتا اذا كان 17717 ’ 19919 , 16616 , 12212 ’ 13313 ويستاهل بحدود 17 الى 25 الف يزيد وينقص بشوي .. موفق بإذن الله … لك مني أجمل تحية .

  5. السلام عليكم ورحمة الله وبركاته

    انا شراي ب 8000 والتناازل علي

    واذا السعر مرضي تواصلي ع الخاص

    والسموحه

Comments are closed.