خوصه بوصه ,,احد البرامج الكرتونيه ,,مخرجته اماراتيه (نجلاء الشحي )
ينقل لنا شخصيات اماراتيه كشخصية حمامه ووديمه
شخصية المرأه العفويه اللي افتقدت عفويتها نوعا
ما المرأه الاماراتيه
طبعا نجلا ء انا حاولت ان لا ارى نص الكوب الفارغ
كعادة الناس
حاولت ان اجد لك ايجابيه في المسلسل ,,
تجسيد الشخصيات بنظام الابعاد الثلاثي ممتاز 
الصوت ايضا واضح
لكن نجلاء ,,بدون اي هجوم لشخصك كأماراتيه
مواطنه طرقت مجالا جديدا وتحاول اثبات نفسها فيه
ما الهدف من المسلسل ؟؟
والله سؤال برئ لا اقصد منه الا الفهم ,,او دعوتك للتأمل
كل حلقه احاول ان اجامل فيهااطفالي حتى
النهايه ,,دون ان ترتسم اي علامه على وجهي
ووجهم البرئ
الا علامة الاستفهام !!!!
نجلاء ,,ما الفائده من الردح باللهجه المصريه اللي كل يوم نسمعه من شخصية نفيسه او حلاوتهم ؟؟
ما الفائده المرجوه من شخصية درابوكه وهي
تمشي ترقص وتتكلم وهي ترقص ,,هل اختزلت الطفوله في
رقص دربوكا
ولا في مريم سياكل
او امينه نمكي
او عووش ليش
!!!!!!!!!!
لا معلومه هادفه ,,لا ابتسامه ,,لا ترابط في الاحداث
-
هل وصل بنا المستوى لنعلم اطفالنا !!!
وحتى استفسارات عووش ليش ليس لها هدف
وليس لها اجوبه !!!
نجلاء
صدقيني انا لا اتحامل عليك ,,انتي بنت الامارات
اللتي نفتخر بها
لكن
رجااااااااااااء اعيدي النضر في استكمال الطريق بنفس الاسلوب ,,
اعيدي النضر ان كان هذا هو عملك الاول
ضعي اهدافا
ضعي حوار راقي وليس سوقي
بخلاف الشعبي المقبول نوعا ما كحوار فريج او شعبية كرتون
سوقي بمعني رخيص لا نقبل ان يحفظه ابنائنا
ولا ان تردده بناتنا مثل انا مش اي اي ولا زي زي
!!!!!!!!!!!
نجلاء
اعيدي النضر كذلك في الموسيقى الراقصه اللتي لا
تخلو حلقه منها في حين المساجد تصدح بأذان
العشاء !!!!!!!!!!!!
نجلاء رسالتي من محب اتمنى ان تصلك وتقرأيها بتمعن
يا جماعه
اللي يقولون انها اول تجربه
اول شي هاي مب اول تجربه لها
لانها كانت كانت كاتبه عدة حلقات في فريج
ثاني شي اللي يحس ان اول تجربه له مفروض يحرص على نجاحها و يستشير اهل الخبره في المجال
مب يوم تيه الانتقادات يقول العمل الناجح لازم ينتقدونه الناس !!!!!!
هذا كلام !!!!!!!
يعني ما خذتنها العزه بالاثم
بدل ما تسمع الاراء و تدرسها و اتفكر فيها اترد بها الطريقه
آخر شي اونه الجرأه في الطرح !!!!!!!
يا بوي خلونا صايمين بس
سلام
احب فيك تحكيمك لعقلك .. في المواضيع..
وشكرا لقلمك الراقي..
تقبل تحياتي ..
اخوك..
قرصان بوظبي..
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين شـكــ وبارك الله فيك ـــرا لك … لك مني أجمل تحية .
باااااااال احس الكلام طالع من الخاطر . مانطرلج عرج
فولك خيتوو . ترى الناس عندها عيال وتبى تربي وتبى تعلم .
وتخاف عليهم من اي شي يعوق تربيتهم
انا الصراحه مع اختي تحدي . واتمنى توصل هاي الرساله الى اختنا نجلاء الشحي .
عشان تتفادى الخطاء اذا كان يوجد خطأ . وحتى لو ماكان موجود . عشان تركز على الماده المطروحه اكثر بالمرات اليايه .
والله يوفقها ان شاء الله وانشوفها توصل للعالميه
في البداية .. شكراً لطارحة الموضوع .. على رقي أسلوبها .. وفي نفس الوقت.. جاسني صداع لبعض الردود اللي خرجت عن النص..
الموووووهم .. انا مع الاخت اللي طرحت الموضوع خوفاً على عيالها.. لانه في بعض الاحيان يخاطب عقول البالغين..
وضد اللي يفكرون انه مشاركة نجلااء الشحي في فريج يعتبر في نفس مقياس خوصة بوصة..
لسبب بسيط جداً ..
هناك هي كانت مشاركة .. بعدد معين من الحلقات .. لكن في خوصة بوصة.. هي العامود الفقري للمسلسل بكبره..
رسالة .. لكل من إنتقد نجلاء..
هل عندك إمكانية أنك توفر حوار لمسلسل مدته شهر كامل.. وبدون ما تغلط..
وبالمرة يا ليت.. تخبروني .. كم شخص دخل في أول تجربة.. ونجح فيها.. إهني أبغي النسبة..<< ما ابغي واحد يقول انا تعلمت أسوق سيكل من أول مرة بدون التواير الصغار خخخ .. << للترفيه هالتشبيه البليغ خخخخخ واتمنى محد يزعل منه..
خفوا عليها.. واللي ما عيبه البرنامج.. عادي.. يغير القناة.. ويحط توم اند جيري..
ــــــــــــــــــــــــــــــــــــــــــ
بصراحة في ردود مشجعة للغاية وفي ردود.. لو وجهت لأصحابها لإنتحروا ..
عموما إستمعت في الموضوع والردود وأشكركم جميعاً..
ــــــــــــــــــــــــــــــــــــــــــــــــــ ــــــــــــــــــ
سمعت انه شيبس عمان غلا هاليومين صج هالمعلومة خخخخخخخخ