خيمة وزارة شوون الرئاسة

63 thoughts on “خيمة وزارة شوون الرئاسة”

1. أنا سمعت بهالخيمة وإسغربت لأن المديونية ما يبيلها لا خيم ولا شياته، يصدر قرار من سيدي صاحب السمو الشيخ خليفة بن زايد آل نهيان ( الله يحفظه ) بتسديد كل ديون المواطنين على حد سواء، والطريقة إن البنوك تقدم أوراق كل المديونين من المواطنين فقط لوزارة شؤون الرئاسة ويتم التسديد بشكل تلقائي ومنظم .

   .

   لا يا اختي …. مب كل المديووووووونية بيدفعوون عنهااا .. يعني واحد راتبه … 15 الف وسار ياخذ له سيارة ب 500 الف … يروح لهم يقولهم تعالو ادفعوو لي …؟؟؟؟؟؟؟؟

   لا طبعاا في اشياء اساسية يدفعونهاا مثلا زواج … حاجات انت انجبررت تدين عشانهاا

   هذا ولله اعلم

2. .

   .

   .

   انا استغرب من الاعضاء اللي يقولون لا لسداد المديونيات

   اذا بوسلطان طوّل الله عمره قرر هالشي، ترى ماراح يضركم هالقرار

   و لله المثل الأعلى

   يوم يغفر للمذنبين و يدخلهم الجنة

   هل يزعلون أهل الجنة اللي دخلوها من البداية !!!

   يعني انت جزاك الله صبرت على نفسك وما تسلفت و اقتصدت وما تبطرت ولا عمرك صرفت درهم بالغلط

   ولكن ش يضرك لو اتسددت مديونياتنا !!!

3. انا ضد فكرة سداد المديونيات

   لان فيها اكبر ظلم للمواطنين

   انا ريال من اتعينت وانا ماسك نفسي لا مديونيات ولا سلفيات .. وماسك عمري على الاخر
   واذا اتسلفت ارد ديني في اقرب وقت .. ما اخلي غيري يدفعلي

   اما اللي سحب مليون ومليونين وسار ولعب فيهم بين هذا وذاك
   وعلى البراااده يسددون مديونيته ؟؟

   ظلم وأكبر ظلم

   اذا كانت في مساعدات ماليه ؟؟؟ … ممكن

   بس سداد مديونيات … لالالا

4. السلام عليكم ورحمة الله وبركاته ..
   للإخوان اللي ما يعرفون القصه ..انا بخبركم ..
   الجماعه في شؤون الرئاسه مداومين عادي …والخيم اللي مسوايه بيكون مصيرها شرات خيمة الوثبة …
   واللي مش فاهم كلامي يفهمه عدل ..
   يالربع .. اللي عنده مديونيه يسدها بروحه ..ولا يعتمد ع كلام الخلق ..
   وهالكلام انا اقوله من مصدر رسمي ف الوزاره نفسها ..
   وياليت ما تأملون عماركم وايد ..
   ناموا واستريحوا واحلموا … والله يعين …
   المواطن ساكن في بيوت للأجار ..والحكومه ما تدري عنهم ..
   المواطن صح انهم زادوا راتبه …بس متوهق مع غلاء الاسعار مع زيادة الرواتب ..يعني رجعنا للصفر ..
   المواطن يركض ويصيح ويتريا هالقرض لين ما ينزل عشان يبني ارضه … لين ما يوصل اليوم اللي ينسى فيه مكان ارضه ..
   المواطن يتم واقف جدام دواوين أصحاب الشان ..ومثل ما سار يرد بيته…هو والطلب اللي في يده ..ولحد درابه ..
   المواطن يدش ويرمس بللي في خاطره .. ويطلع من ( الديوان ) ويقولوله ..سلم على ابوك ..
   يعني ..( مافيش حاجه يفندم )
   الله المستعان …

5. انا اقترح يرشون كل خلاصة قيد بمليون درهم كاش في الحساب و الامور طيبه، مع الزام المواطن بتسديد على الاقل نصف قيمة اي قرض على العائلة

   لو وايد بس يلغون مخالفات الرادار، و خلنا نبدأ صفحة جديده مع المرور

   ترى والله المواطنين يستاهلون

   أعترض أعترض أعترض ( والله ومحد درى عنج ) يعني إلي عندهم خلاصة يستفيدون والعوانس مالهن رب ؟ أنا بغيت مليون درهم تعويض عن أضرار نفسية ( بطالة / عنوسة / شوف وحرق يوف ….. إلخ )

   .

Comments are closed.