السلام عليكم رحت يوم الخميس الى وزارة شوون الرئاسة عقب ما قالي واحد من الشباب انهم حاطيين خيمة حق الطلبات .
وصح والله رحت وحصلت خيمتين للرجال والحريم بس ما كنت اوراقي جاهزة .
الي عنده مديونية يقدم والله يوفق
63 thoughts on “خيمة وزارة شوون الرئاسة”
Comments are closed.
رد في الصميم كفو عليك
.
والله شي غريب
عيل يوم البعض هب اتكالي ممكن يتنازل عن الارض السكنية و يشتري له ارض، و يتنازل عن الضمان الصحي و يتعالج على حسابه و يتنازل عن بدل الاطفال و يصرف على عياله و يتنازل عن بدل السكن المضاعف للمواطن , وياخذ راتب الوافد، و يتنازل عن منحة صندوق الزواج، و يتنازل عن المزارع و التسويق و يبيع روحه، و نباه بعد يشتري البترول بقيمة السوق العالمية. و يتنازل عن التعليم المجاني في المدارس و الجامعات (ترى هالاشياء كلها تعتبر اتكاليه). و يدفع قيمة الماي و الكهربة (قبل الدعم الحكومي) و يدفع جزء من راتبه للشرطة و المطافي و البلديات و الاشغال على الخدمات اللي يقدمونها.
سبحان الله كيف البعض يضيقون على المواطنين و الدنيا سعه و الخير يغطي اهل الامارات و الدول المجاورة و البعيدة، الحمدالله انه المسؤولين صدورهم وسيعه و يحبون الخير للمواطنين.
الله يرحمك يا الشيخ زايد، كان يعطي المواطن الارض و يبني له البناية و يأجرون له الشقق و يحصلون الاجارات و يودعونها في حسابه و هو في بيته، شو المشكلة لو كل مواطن يكون عنده بناية و شركات و احسن سيايير و يكون شعب الامارات اغنى شعب في العالم، يستاهلون كل خير يوم الخير مغرقنا و لله الحمد، لكن المشكلة لو وصلوا بعض الناس الى مراكز لها تأثير و يكون طبعهم من طبع “اشحفان القطو”
و على فكرة كل رجال الاعمال المواطنين و شركاتهم قامت على دعم الدوله للمواطنين، و المناقصات كانت ترسي على المواطن لو سعره اعلى و خبرة شركته قليله
بالتوفيق للجميع و الله يديم الخير على الامارات و شعبها
المفروض انكون سند للدولة مو كل واحد سار وطلع له سلفية موتر ولا سافر كل سنة ببلاد ومن هالأمور وعقب يلس يصيح من الديون
ياااخي محد ضرب راسك وقالك سير وتسلف على اشياء لا تعتبر ضرورية وهي تعتبر من الكماليات
انا عندي سلفية أخذتها للبيت ولكني مستحيل اسير حق الديوان واطلب أن يسددوها
وللعلم تراني متقاعد وانا اتحمد ربي على هالنعمة اللى نحن فيها مو كل شي انطالب الدولة اتسويه لنا
اتمنى ان نغير من نظرتنا الأتكاليه هذه ونسعى الى الأعتماد على أنفسنا ,, ولا نعتمد على الدوله بكل امورنا .
هذه وجهة نظري احتمال الكثير بيخالفها ولكني على يقين بأن الأغلبيه له نفس نظرتي لمصحلة الدولة والتي لن تبخل علينا بشي عسى الله يطول بشيوخنا وولآة امورنا وأن يسدد خطاهم لما فيها خير للوطن والمواطن ان شاء الله ..
لنتامل خير ان شاء الله
هذي خطو تشكر عليها الحوكمه وان شاء الله نتأمل خير