=====> دار بي قلبي وفي عقلي أفكار <=====

[poem=”font=”simplified arabic,5,royalblue,bold,normal” bkcolor=”white” bkimage=”” border=”solid,4,gray” type=0 line=1 align=center use=ex num=”1,black””]دار بي قلبي وفي عقلي افكار = وارسلت روحي اشارات الحنين
ياحبيب القلب فرحت الديار = يوم تطلع كنك البدر المبين.
صرت من ليل الهوى برمشك اغار = وقمت اغار من النجوم الآفلين.
لأنهم وياك في نفس المدار = بس ماحازوا غلاك المستبين.
المحبة مابها كر وفرار = المحبة روح تسكن عاشقين.
للهوى في مهجة العشاق دار = لاحروب ولا تجارب آخرين.
بس هالغيرة مثل قدح الشرار = لا تصيب ولا تخيب ولا تبين.
وخوف قلبي لا تزيد الغيرة نار = نار تآكل كل شي فينا زين.
لكن فوادي أنا قرر قرار = واستباح أنه يخونك مرتين.
مرة مع طيف سهرني …وطار= مثل نفحة من زهور الياسمين.
طيفك اللي مرني البارح وزار = في خيالي كان لي نعم الضنين.
ومرة مع عاشق وسط الديار = صاحبي والشاهد الله من سنين.
افتخر به وهوه أكبر من الفخار = وانتخي به في الهزيلة والسمين.
اجتمعت وياه مع صحبة اخيار = في دبي الحي دار الحالمين.
ودارت إما بيننا ندوة وحوار = من سلام ومن تعارف ساهرين.
أنت يالصاحب ترى شوفك قرار = للنفوس الضايقة والمتعبين.
لك تحية مخلطة بعود ووقار = ولك معزة في قلوب العارفين.
لوتغيب سنين وأيام كثار= مانسينا طيبتك والله يعين.
للنفوس الطيبة تبقى آثار= وندعي لك كل لحظة وكل حين.
يعل قبرك روضة من الإخضرار = ونطلب الله يدخلك في الآمنين.
ويحفظك من نار محفوفة بشرار = يوم كل ظالم يدان ويستكين.
وفي جنان الخلد يعلك في قرار= مع عباده الطيبين الصالحين.
كان ودي الوقت يوقف بس طار =العمر يمضي وتتبعه السنين.
رحلة الدنيا ..مثل رحلة اسفار = تونا كنا ….وصرنا مفارقين.
كلنا نمضي على نفس المسار = والمصاير بيد رب العالمين.
أطلب الله يزيدنا تقوى ووقار = ونجتمع يوم التنادي مؤمنين.

[/poem]