مساكم الله بالخير صبايا و شباب
ممكن مساعده منكم الله يخليكم
لان دوره ضاربتني و انا ورايه معرض في البازار هالاسبوع…فلازم استجمع قواي
الفتره اللي طافت ما كنت اكل و لا اشتهي اكل..و لين وصل وزني 52 تقريبا
بس الحين من يومين راسي داير عليه من الخاطر ..و رديت اكل اليوم..بس بعدها الدنيا تدور
ما تتخيلون اشكثر مركزه عشان اكتب هالموضوع ..بس اركز على الشاشه و اللي حواليها يدور
لدرجه اذا كنت راقده على ينبي اليمين و بنجلب على اليسار تدور بي الدنيا
ساعدوووني رجااااء ورايه معرض و ابا استوي بخير
بلييييييييييييييييز
الله يسلمج الغاليه
ان شاء الله اطرش الدريول اييب لي حليب بوش مع انه مالح ما يعيبني
يمكن عندج ضعف من قلة الاكل او فقر دم
وممكن يكون السبب من الاذن الداخليه
الافضل تروحين المستشفى بدل ماكل حد فينا يفتي في الموضوع
سلامات وماتشوفين شر يابيبي
واضح انه عندج فقر دم
او نقص سوائل وفيتامينات
حاولي تاكلين واشربي حليب البوش يمدحونه ترا اكتشفوا انه علاااااج لفقر الدم
الله يسلمك اخووي
اذا شفت عمري مب صاحيه لين باجر بسير اكيد
سلاااامات وما تشووفين شر
انا اقولج روحي المستشفى وجيكي على عمرج احسن