السلام عليكم و رحمة الله و بركاته
اخواني تذكرون قصيده ماسات مواطن يدور وظيفة ….
والله هالحال ما تغير لين الحين … و مثل ما قلت دام في الموارد البشرية ميسون و طوني اسمحلي يا ولد بلادي مالك وظيفه زينه …
عنبو معظم الوظايف المعلنه للمواظنين يا صراف , يا استقبال ولا ضيافة … و بأدنى الرواتب …
اخواني انتوا يالمواطنين يالي قسم الموارد البشرية ارحموا اخوانكم الي اييون المقابلات وظفوهم و بالنسبه للخبره تراه بيتعلم من الميسون و الطوني الموجودين عطوهم الفرصه …
أكيد بعض الأعضاء بيقول بلاه هذا محتشر بسببب الوظايف …
هذا ردي : من حقي أحتشر مواطن و ادور على حقوقي كيفي وين معورنك … ادور على حقوقي الي ما تم وافد في هالبلاد ما كلا منها و انا مالي نصيب فيها …
أنتوا يالي في الموارد البشريه فكروا في اخوانكم الي ما توظفوا و بدوهم على غير المواطنين و صدقوني بيبيضون الويه.
والي عنده مداخله يتفضل
الله يعينا يا خووك …
مشكور على المعلومه
الطـلب ع الوافـد لأنه معــاشه أقل !!
تـذكرت اللي صــار في قسمنـا في الصيــف !!
القسـم محتــاج موظفيــن زيــاده ،، يعــني حــوالي 20 موظــف عشــان يمشــي الشغــل بدون أي مشــاكل وضغــط على الباجيــن !!
المهم ،، مسؤولــتي ،، تقـدمت بطــلب موظفيــن ،، وكــان من ضمن طلــبها مواطنــات (( بحكم إنه مجال تخصصي ،، ماشي منه شباب مواطنين )) ،، والخريجــات قـدموا ال CVs ،، لكن للأســف ردوا عليــها بالرفض !!
سألتها ليش !! قـالت ،، والله المواطنــات معاشهم أكثر ،، وقالولهــا وظفــي وافديــن أحسـن !! <<< أتمنى يخيب ظني بالنسبه لهالكــلام !!
والحين صدقوا إنه 10 هنــود بيتوظفــون عنا في القسـم !! وغيرهم 5 متوظفين من كم شهر !! يعــني مجموع الهنود والجنسيات الأخـرى يتعــدى ال 40
لكن الحمد لله ،، بعد عــدة محاولات مع مسؤولتي وإقنــاعها ،، خــذيت CVs من كم بــنت اتخرجــوا في الصـيف وقــدمته للمســؤوله ، والحمد لله تم توظيف 2 منهــن
وفي النهايــه ،، الأرزاق مكتــوبه ،، ولله الحمــد والمنه
فـــــــــــهد معتوق
تبا الصراحه انا يوميا اسمع هل القصيده يوميا
حتي مرات احطها منبه ولا رنة تلفوني حتي في السياره اشغلها
والله عيني تدمع يوم اسمع القصيده
حراااااااااام الي قاعد يستوي
والوافد والاجنبي والهندي بسهولة يتوظفون والمواطن يخيس ويعفن لين ما يتوظف
وغير المميزات الي يحصلونها
والمواطن مسكين
بدون تعلليق
والله من القهر كتبتها علي السياره
يليت حد يذكرني باسم كاتبها
توطين