توني ياي من دبي مول
مول كبير جدا وضخم بمعنى كلمة ضخم وهذي مفخرة لدبي والامارات لكن المحلات بعدها مافتحت لي فتح
يعتبر بسيط لكن الواحد يزورة .
لكن انطباعي الشخصي ارضية المول عادية وديكوراتة عادية حيث ان سكان الامارات سيشعرون بالملل منه
ولي اشوفة ان مول الامارات احلا من دبي مول وارقى منه من حيث الارضية ومن حيث الديكور لكن الفرق
هو الضخامة فقط والاشياء الثانية واذا عن الاكواريوم اعتقد ان الاعلام ضخم الموضوع وقال انة اكبر اكواريوم
في العالم بما ان اكواريوم اتلانتس اعتقد انة اكبر منه واجمل منه
وانا مستغرب ان مول بهذي الضخامة مب عاطي للكافيهات اي اهتمام حيث انهن صغيرة الحجم وبيكون
عليهن زحمة .
فنصيحة لكم لا تنسوا مكان موقف السيارة ورقم الطابق الانكم بتضيعون وراسكم بيعوركم وانتوا تدورون .
رحت المول وياين انه بيكون شي روعه بعد ما يفتتحونه بشكل كامل
والمحلات الي فيه حلوه
وبالنسبة للمواقف شي طبيعي ان بعض الناس يضيعون ومع الوقت الناس بيتعودون وبيعرفون المكان بشكل اكبر
أنا أقول المول يكون عملي أكثر من أنه يكون منظر مثلا
يوفر تسهيلات للسكان القريبين من المول مثل فرع إتصالات وبنوك وغيرها من التسهيلات مثل مول
وتر فرونت في دبي فيستفال مرت سنة يمكن وأكثر وبعدهم يشتغلون فيه وشيء أقسام مابطلوها
أظني الذهب والسينما نقطه مهمه هذي أنهم يسون محلات تخدم جميع شرائح المجتمع مب ماركات
عالميه تخدم شريحه وحده وهي الطبقه الغنيه كم فرصه وظيفيه بيحصلها المواطن في المول أكيد وايد
القصد مايسونه مكان للمنظر ومحلات للماركات فقط
ليش مايحتوي المكان على فروع للدوائر الحكومية مثل الطوار سنتر فيه الدائرة الاقتصاديه وفيه
هيئة الكهرباء والمياه وغيرها من الفروع للدوائر الحكومية وجذيه المكان يخدم شرائح عده
حرام هذي الضخامه كلها تضيع في ماركات ومطاعم وأماكن ترفيه فقط
حلو يوم المواطن أو السايح يعمل شيئين في مكان واحد يخلص المعامله الحكومية والترفيه والتسوق إن شاء
الله
ماغفلوا عن هاي النقطة
UAQ-moon
اختي الكريمة فكرة وايد اوكية وانا اايدج تسوينها بأنج تسيرين للمول عقب شهرين الان المحلات بعدهن مافتحن يعني تمشي تمشي ففي الفاضي .
زين الزين
ان شاء الله يصطون الاخوان صور للمول .
عن نفسي برجع لمولي المفضل مول الامارات اكيد في مواقف وايد .
ممكن تحطون صور للمول للي زاروه
والله سمعت ان المول وايد وايد كبير وامس في الافتتاح وايدين ضيعوا اماكن سيياييرهم
انا عن نفسي بنتظر شهرين لين الكل يمل منه بعدين بروح يمكن تخف الزحمة