دخيلكم ابغي دكتور يعالجني

19 thoughts on “دخيلكم ابغي دكتور يعالجني”

1. ما شاء الله عليك يا مايكروسوفت بصراحة انت رهيب …. بخصوص الشكوى اختي مثل ما قال لج مايكروسوفت وانا و احد عانيت من هالمرض من 11 سنة وعندي نفس المشلكة ، حيث اني كنت آخذ أدوية للظهر وعلى بطن خالية وسبب لي مشاكل في المعدة والتهابات دائمة والحين قاعد اعاني من نفس المشلكة ولو تدورين في المواضيع بتحصلين مشكلتي والشكوى والحل بإذن الله .

   ع العموم المشكلة ما تخوف وايد بس اهم شي الالتزام بالتعليمات وتاخذين ادوية الحموضة عسب ما تزيد الحموضة وتزيد الالتهاب في المعدة والمرئ واهم شي لا تاكلين وترقدين لازم عقب ما تاكلين تتمين اقل شي من ساعتين الا 3 ساعات وراجعي دكتور الدسك عسب يعطيج ادوية ما تأثر على المعدة مثل الادوية الحالية وكان من المفترض من الدكتور يعطيج مضادات للحموضة مع استعمال الادوية المسكلنة.

   هذا واتمنى لك الشفاء العاجل باذن الله.

   وبخصوص الاطباء انا بصراحة راجعت عند الدكتور عدنان أبو حمور ( مركز أبو حمور الطبي ) في مدينة دبي الطبية والدكتور بسام المصري في المستشفى الدولي الحديث في دبي في الجافلية ، وفي الشارجة عند الدكتور أسعد الدجاني ( عيادة أسعد الدجاني ) في البحيرة ، وبكل صراحة أنا ما حسيت بالراحة والادوية لائمتني إلا من سرت تايلند وفهمت مرضي بصراحة .

   ودمتي بود ….

2. صباح الخير اختي

   انا بعد احس انه سبب الم معدتج من الادويه اللي تاخذينها

   والدكتور اللي يعالجج لازم يفهم هالشي …. وياخذه بعين الاعتبار …

   كان ودي ادلج على دكتور بس انا من بوظبي ومااعرف دكاتره فدبي وان شاء الله الاعضاء مابيقصرون

   الله يشافيج ويعافيج ان شاء الله

3. ما تشوفين شر يا فطوم

   عقب ما شخصت حالتك اشوف انه سبب التهاب المعدة وارجاع المريء هو ناتج عن انك تاخذين ادوية الديسك
   شفتي شخصت حالتك من ورا الشاشة

   المهم شكلك كنتي تاخذي علاج الدسك على معده فاضية وهذا يسبب قرحة ومشاكل في المعدة بشكل خاص وفي الجهاز الهضمي بشكل عام.

   علاجك لازم تستخدمي ادوية علاج التهاب المعدة وعلاج للمريء وبعد لازم الدكتور ياخذ عينة عشان يتاكد انه السبب مش بكتريا في المعدة

   انصحك يوم تخي ادوية الدسك على معدة مليانة ووراها حليب بارد واقسمي اكلك الى 5 وجبات خفيفة (اكرر خفيفة) وما تضمن اكل جنك فود او مقالي او سبايسي

4. يزاك الله خير اخووويه ماقصرت

5. انا بعطيج دكتور ان شالله بترتاحين معاه

   كلي اشياء صحية من فواكه وعسل ولبن والحليب

   لان هالاشياء تغذيج بالاشياء اللي تساعد

   انا مرات احس ان بطني يغلي من داخل

   مهما اشرب ماي ما يفيد

   بس لما اشرب فواكه واكل لبن كل شي يمشي اوكي

   و الله يعينج

Comments are closed.