السلام عليكم
مبارك عليكم الشهر
شو سالفة الزحمة في بوظبي
انا في الايام العادية اخذ 20 دقيقة من البيت لين الدوام
الحين من اول رمضان اخذ ساعة ونص واليوم الظهر ساعتين
كل الوزارات في وقت واحد الساعة تسع المفروض يطبق نظام الساعات المرنة
او حد يداوم 7 وحد8 ود9 او تسع ونص
يوميا الصبح اشوف من 3 ال8 حوادث لين متى
لين ماتسوي كارثة لاسمح الله يعني لازم يستوي حادث يفنقشون فية 20 شخص عشان ينتبهون
هب عيب انة الانسان يغلط العيب انة يوم يعرف انة غلطان ويستمر بالغلط
تعديل نظام ساعات العمل بيفيد البلاد والعباد
وبتكون نقطة ايجابية حلوة للمسئولين
عاااااااااد الشارجة حدث ولا حرج
كأنه الزمن واقف …
لا إلي داخل الشارجة مب مرتاحين ولا إلي رايحين دبي مرتاحين …
وقت الظهر نفس القصة
لين متى؟
معقوله مافي حسن تدبير
الله المستعان
تعال شوف حال الشارجه بتهون عليك مصيبتك
الزحمة بتزيد في بوظبي الضعف خلال سنتين
كلامك صحيح بو عسكور ..وأزيدك من الشعر بيت … حوادث بالجملة … وخصوصاً عالكورنيش بسبب الزحمة ونحن في بو ظبي مو متعودين عالزحمة ..
وتلاقي واحدنا ..RPM واصل 7 آلاف دروة … لما تصير الإشارة خضراء ..
والسبب أن الدوامات تخلص مابين الساعة 2 والساعة 3 وكل الموظفين يطلعون بهالوقت ..
وبعض الناس صعب الصيام عليهم ..تلاقيهم مدوخين مو عارفين يقودوا سيارتهم بحذر ..
والله اليوم لولا ستر رب العالمين ..كان دعمت واحد بسبب عدم إلتزامه بخط السير .. يروح يمين وشمال ..
الله يحفظ الجميع …
والله كلامك صحيح والله يعين
نحن ربعنا يحبون الروتين الممل