دخيل الله،، و بعد الله،، دخيلكم

السلام عليكم و رحمة الله و بركاته

أخوكم المتعني كان عنده برنامج AutoCAD 2003 (إييييييه، زمان والله).
البرنامج هذا، يستخدمه أغلب (إذا مب كل) المهندسين و المصممين، وخصوصا اللي يشتغلون في التصميم المعماري، من بداية تصميم المبنى الى أدق التفاصيل من ديكور و خلافه.

من خلال تعاملي مع أحد المصممين، خذت البرنامج عنه و إشتغلت عليه. بصراحه البرنامج قمه في الروعه. و أنا من طبيعتي أحب أنفع نفسي بنفسي. طبعا هالمصمم خسرني كـ عميل يوم عطاني البرنامج، لأني من يومها ما تعاملت وياه و تميت أصمم بروحي.

وين المشكله ؟

المشكله إني فرمت كمبيتري و إنلغى البرنامج. و من يومها و أنا متلعوز. الفايلات اللي عندي لمختلف المشاريع ما منها فايده. بصراحه صرت ما أقدر أستغني عن هذا البرنامج.

مره، خذت AutoCAD 2007 من واحد من الشباب، بس إخترب لأني كنت مشغّل خدمة التحديث. و بما إن النسخه كانت شخصيه، الشركه بنّدت البرنامج من كمبيوتري ! << مادري كيف، أنا مب ضليع في هالمسائل.

و المطلوب ؟ خلصنا مب فاضين لك.

طالبنكم يا جماعه تعطوني نسخه من هالبرنامج، بس تكون حديثه (من 2003 الى 2008، وإذا فيه 2009 خير و بركه) و السيريال مالها شغّال تمام التمام. طبعا أبغي النسخه الكامله، مابغي نسخة الديمو. و أوعدكم إني ما بستعمل خاصية التحديث، تبت بصراحه.

و يا ريت لو تكون النسخه مخزنه على موقع عدل و سريع. الربدشير ما باه، مب ناقص رفع ضغط.

أدري إن المفروض يكون الموضوع في قسم الكمبيوتر، بس زوار القسم العام أكثر بوايد. و بهذا تكون الفائده أعم و أشمل إن شاء الله. و بعدها بطلب من المشرفين نقل الموضوع هناك.

يزاكم الله خير.

و اللي يبغي سلف أو يطلب وظيفه أو عنده عيال مب عارف شو يسويبهم، يقولي، لأني ناوي أفتح قسم شحاته في نفس الموضوع.