السلام عليكم
انا ابغي مساعدتكم في عمل دراسة جدوى لمشروع حلاق رجالي في دبي
لاني ماعرف كيف يسوون دراسة الجدوى
يعني ابا اعرف كم بيكلفني كاااااامل وشو الجهات اللي لازم اروحلها لتنفيذ المشروع
يعني اللي بيخبرني كل شي من طء طء للسلام عليكم بيسوي فيني خير
وفي ميزان حسناتكم
لان دخلي بسيط وابغي اخذ قرض وابدأ حياتي
تعبنا من الرواتب الضعيفه والمعيشة الغالية ،،
الايجار و يفضل ايكون رخيص و فيه مواقف كثيره
زيارة دائرة الترخيص لاصدار الرخصه الاوليه و الحصول علي تصريح الديكور
من اتخلص من الديكور ، تحتاج زيارة المفتشين من الدفاع المدني و الدائره الاقتصاديه
تعين الموظفين من العمل و المال (تعدد الجنسيات ،شي مهم)
الاسعار راح اتحددها من البلديه
اغراض المحل لاتشتريها كاش (اتعامل مع محل غازي في الشارجه بالتقسيط) و عند بعد محل نزيه للمعدات ، انصحك اتسير شارع جما عبد الناصر وفيه اكثر محلات بس اتعامل معاهم بالتقسيط الشهري
و عليكم السلام ورحمة الله و بركاته
اخويه :
طريقة دراسة المشروع لازم تحسب كل شي من الاف الى الياء .:::
1- تكلفة الرخصة .
2- اجار المحل .
3-عدد العمال يلي بيشتغلون في المحل , و مصروف استخراج فيزة العمل ,, و اعتقد انه بيكون 7500 درهم لكل عامل .
4- الديكور بالكامل مع الكراسي ,, علما انا الكرسي قيمتة 3000 الف درهم …
5- ادوات الحلاقة .
ــــــــــــــــــــــــــــــــــــــــــــــــــ ــــــ
هاذي طريقة دراسة المشروع ..
ــــــــــــــــــــــــــــــــــــــــــــــــــ ــــ
اما بنسة للربح , انا ما انصحك انك تفتح الحلاق لنه صعب جدا جدا انك تدير المحل لنا عندي صديق فتح لمحل و ماقدر بديره لابي كامرات ولا بي محاسب ..
يلي يفتح حلاق لازم يكون شغال فيه …
اما بخصوص حلاق الياقوت يلي في ابوظبي ,, يتعامل بايجار الكرسي اول الغرفه لكل حلاق ………
و سامحنا على القصور
و ربي يوفقك بكل شي … تحياتي لك ..
اذا حاب تاخذ افكار مشاريع راسلني على الخاص و انا بعطيك الافكار ………..
تحياتي لك
ربي يوفقك اخي الكريم
الحلاق فكره جيدا كما تفضلت
ولكني ارى الدوبي او المغاسل افضل
من ناحية امكانيه التوسع
و بالنسبه للحلاق
اخي الكريم
اول شي تزور الدائرة الأقتصاديه وتسال عن التكاليف
ثاني شي تشوف الحلاق اللي تحلق معه
او اي حلاق تعرفه او تتعرف عليه
وتساله عن الأثاث اللازم و المستلزمات الضروريه
وتمر تسال عند محلات الحلاقه
و كما تفضلت أختي تشوف محل جاهز و تأخذه رغم بعض السلبيات
عموما لا بد من تكوين فكره طيبه قبل البدء بالمشروع
والله يسهل امورك
و انتبه ان يكون الحلاق متمرس ويعرف يجذب الزبائن
لأنه هو راسمال المحل بكل تأكيد
وبالتوفيق ان شاء الله
لان اذا انت بديت بالمشروع ف ياخذ وقت
هذي من وجهة نظري وبالنهاية القرار لك
اخوي عشان اتطلع رخصه لازم المحل يكون جاهز و يكون فيه تفتيش على المحل اذا كان مناسب لاستخراج الرخصه بالنشاط الفلاني و تطلع الموافقه
اما بخصوص الحلاق و طريقة الارباح
ما يباله تاخذ مبلغ شهري ليش
حط كيمرات في المحل نفس الياقوت و مراقبه على الطالع و الراد
و تعطيه راتب و نسبه اذا ياب اكثر من المبلغ الي انت حاطنه في بالك
والحين في نظام حلو و قرار يديد انه لو تبا توظف حلاق لازم يدخل دوره اجباريه مع شهاده للحلاقه
بدال ما يخربون ويوه خلق الله
والله يوفقك