شحالكم
شخباركم
عساكم بخير وسهاله
^_________^
الموضوع باين من عنوانه راح اختار عضو /ه وي/تجيب ع الاسئله التاليه وبعده يختار العضو/ه إلي بعده
بس اترك الاختيار اول عضوو /ه ي/تدخل بالموضوع وي/ترد ع الاسئله
واتمني وان شاء الله انه ينال ع اعجابكم بالموضوع
1- عرف الاعضاء بنفسك ؟؟
2- اول مره صمت في رمضان كم كان عمرك ؟؟وهل افطرت خفيه ؟؟
3 – لماذا الكل يجمع على أن رمضان قديما كان الاجمل ؟؟
4 – قدر استطاعتك .. ضع لنا برنامجك اليومي في رمضان .. ؟؟
5- ما الذي فقدته في رمضــــــان ؟؟
6- أكلتك المفضله في رمضان ؟ ؟؟
7- اذا سمحت لك الفرصه لدعوة أي شخص على الفطور او السحور
فمن تختار من اعضـــــــــــــــــــــــاء المنتدى ؟؟
8- اختـــــــــــار ولا تحتـــــــار : في رمضــان تفضل .
..السهر او النوم مبكر ..
..التلفزيون او اللانترنت..
..الإجتماع مع الأهل والأصحاب او الجلوس لوحدك ..
.. السمبوسه او الشوربـــة ..
9 – أجمل رسالة وصلتك للتهنئة في رمضان..كانت مِن مَن ؟؟
و هل ترى أنها كافية للتهنئة بقدوم شهر رمضان ؟؟
10- رمضان شهر للعباده .. وللاسف الفضائيات تتسابق لجذب المشاهدين
فهل نجحت الفضائيات لجذبك لهـــــــــــــــا ؟؟
وما المسلسل أو البرنامج الذي تحرص على متابعته في رمضان ؟
11 – تقريباً من عشرين سنه مضت كنا في رمضان نصوم ونحن في صفوف الدراسة
واما الان وفي عشر سنوات قادمة تقدريباً باذن الله نصوم رمضان بعيداً عن الدراسه
ماالفرق وهل الصيام في الدراسه يساعدنا اكثر على العبادة ام في الاجازة اكثر ؟؟
12 – المساحة الأخيرة لك لتقول ما تريد , تفضل.. ؟؟
وأختار أنا أول عضو ويكون
متعني ومتصرف
(^________^)
ملاحظه هو نفس موضوعنا السابق الي كان في رمضان الماضي وشفت ان كان موضوع رائع وقمت بادراجه مره ثانية وكل عام وانتوا بخير
1- عرف الاعضاء بنفسك ؟؟
اسمي محمد يعني ما له خص بالنك مالي موليه
ومن راك الحبيبة ,,
وانسان من ها البشر ,,,
2- اول مره صمت في رمضان كم كان عمرك ؟؟وهل افطرت خفيه ؟؟
ما اذكر طبعا عشان ما اقول الصدق هههه
بس الي اذكره ان يوم بدينا نصوم كان ارمضان شرات هذه السنه في القيض .. حر موت
واحنا اصغار الصوم هه مال نص نهار ومن هذي العلوم
3 – لماذا الكل يجمع على أن رمضان قديما كان الاجمل ؟؟
والله اعتقد انه اجمل لان صرنا نفتقد روحانيات رمضان ,, الالفة واليمعه والبساطه في الحياة
الحين المشاغل كثيرة ,,, والاشياء التي تشغل الواحد مثل المسلسلات وهذي السوالف وايد
وبعد اعتقد انه نفتقد ناس كانوا معانا في السنين التي قبل ,, ناس نحبهم ونعزهم ,,,,,,
4 – قدر استطاعتك .. ضع لنا برنامجك اليومي في رمضان .. ؟؟
النص الاولي في رمضان كنت دوام ::: دوام الصبح ورجعه حق البيت وصلاه عصر وشويه قران وبعدين رقاد للمغرب
وبعدين فطور ,,, وصلاة ,,, وفي الليل قعده الشباب كالعادة
النص الثاني ::: اجازة ,,, وما يحتاج اخبركم شو البرنامج معروف للجميع هههه
5- ما الذي فقدته في رمضــــــان ؟؟
اشياء كثيرة كنا نسويها في رمضان ,,, الحين خلاص كبرنا عليها ,,,
كان برنامج رمضان حافل خاصه من بعد الفطور ,,, خبال للصبح ,,,
6- أكلتك المفضله في رمضان ؟ ؟؟
طبعا رمضان لازم هريس ومن يد الوالدة يطول بعمرها ,,, ماشي مثله ,,,
7- اذا سمحت لك الفرصه لدعوة أي شخص على الفطور او السحور
الي يقدر يقرب يا مرحبا به ,,, كلكم اخوان اعزاء علي ,,
8- اختـــــــــــار ولا تحتـــــــار : في رمضــان تفضل .
اهم شي لمه الفطور ويا الاهل والحشره في البيت ,,, وناسه والله
9 – أجمل رسالة وصلتك للتهنئة في رمضان..كانت مِن مَن ؟؟
كل الربع ما قصروا ’’’ ربي يجزاهم خير ,,, ويعيده على الجميع
و هل ترى أنها كافية للتهنئة بقدوم شهر رمضان ؟؟
يا الله ما يحتاي ,,, ربي يحفظهم كلهم يا رب
10- رمضان شهر للعباده .. وللاسف الفضائيات تتسابق لجذب المشاهدين
فهل نجحت الفضائيات لجذبك لهـــــــــــــــا ؟؟
وما المسلسل أو البرنامج الذي تحرص على متابعته في رمضان ؟
ولا شي من هذي السوالف ,,, هذا رمضان بيخلص ولا تابعت ولا مسلسل ولا غيره
11 – تقريباً من عشرين سنه مضت كنا في رمضان نصوم ونحن في صفوف الدراسة
واما الان وفي عشر سنوات قادمة تقدريباً باذن الله نصوم رمضان بعيداً عن الدراسه
ماالفرق وهل الصيام في الدراسه يساعدنا اكثر على العبادة ام في الاجازة اكثر ؟؟
الصوم في كل وقت له طعم مميز ,,, صح في الدراسه اتعب بس تحس فيه وتلاقي المدرسين يخفوا الضرب شويه ههههه
اما الشغل ما في صايم ما صايم شغل واتخلصه وانت ساكت ,,,,
12 – المساحة الأخيرة لك لتقول ما تريد , تفضل.. ؟؟
السموحه منكم انا جيت متاخر للمشاركه في الموضوع
واخص اخوي العزيز ومشرفي الفاضل (( متعني ومتصرف )) لاني وعدته اشارك في الموضوع
وخفت ان رمضان يخلص وانا ما وفيت بالوعد ,,, بس شويه ظروف كانت تمنع الواحد
والحمد لله تيسرت الامور
والاخت مشرفتنا بنت الامارات ,,, الله يبارك فيها رايتها بيضه ,,
والحبيب اخوي فارس بلا جواد ,,, السموحه منه مقصر في حقه ,,,
وحق الباقين كلهم بدون تحديد ,,,
واسمحوا لي طولت عليكم ,,, وايد شكلي رمست
شي مكان في الشيرة بعده ,,, ولا شو صار فيها ؟؟؟
تسلمي غنااااتي ^_^
والله لااااا يحرمنااااا من هالطله الحلوه ^_^
أهنيكم على هالتعاون الجميل..!
فديتج والله خذي الامور بروح رياااااضية ^_^
وانت اخت عزيزة وغاااالية على قلوبنااااا
مااافي شكر بين الاخوه غنااااتي
تسلم على مرورك الطيب يالغالي..
ومنور الموضوع بردك ويانا ..
ومشكؤوؤووؤره على تلبية الدعوه .. وعلى انك شاركتنا معلوماتك الطيبه ..