دردشة مع ع ـضو ~ فـي رمضـــان ~

89 thoughts on “دردشة مع ع ـضو ~ فـي رمضـــان ~”

1. 1- عرف الاعضاء بنفسك ؟؟

   اخوكم احمــــد
   عمـــــري 21 سنه ..
   انا دخلت من طرف واحد من الاعضاء يقربلي
   شو بعد ..
   عندي كبسوله جديم خخخ
   احب اسوي مقالب فربعي والاهل وخاصه اللي خبروني عن المنتدى
   انا شاعر واحب الشعر
   بسكم على ما اظن

   2- اول مره صمت في رمضان كم كان عمرك ؟؟وهل افطرت خفيه ؟؟

   مــــــاذكـــر بس فطرت خفيه كلت مره بطاطس عمان
   الوالده الله يحفظها كانت تقولي شكلك هب صايم ههههه انا اسوي روحي معصب اونه عاد صايم حمود

   3 – لماذا الكل يجمع على أن رمضان قديما كان الاجمل ؟؟

   مادريبهم ..

   بس انا العكس عندي

   منو الكل؟؟

   4 – قدر استطاعتك .. ضع لنا برنامجك اليومي في رمضان .. ؟؟

   اوووه لا تتخبرون

   عندنا فالبيت الوالد مسوي دوار وكبير شوي (هب ناقصين دواوير فالعين بس شكله تاقلم خخخ)

   وايلس ارتب فالبيت واييب عمال يساعدوني (واحد شغيل ) فالدوار حطيت نافوره بصورلكم اللي مسونه عقب ان شالله
   ومسوي فالدوار حوض سمج زينه وماشالله تكاثرن وقمت اوزع منهن الحين بسوي مدرج ورود ومن اخلص بعد براويكم

   هذا الصبح وفليل اتعبل

   والظهر اقرا قران وارقد يلين العصر وعقب افطر وهكذا

   5- ما الذي فقدته في رمضــــــان ؟؟

   بالعكس حصلت اشياء وايد الحمدلله

   6- أكلتك المفضله في رمضان ؟ ؟؟

   ماحب الاكل وايد .. بس يمكن دياي وعيش ابيض مع صالونه غليظه مب رفيعه

   7- اذا سمحت لك الفرصه لدعوة أي شخص على الفطور او السحور
   فمن تختار من اعضـــــــــــــــــــــــاء المنتدى ؟؟

   لا جيه ويا الاهل احلى هههه

   8- اختـــــــــــار ولا تحتـــــــار : في رمضــان تفضل .

   ..السهر او النوم مبكر ..
   ..التلفزيون او اللانترنت..
   ..الإجتماع مع الأهل والأصحاب او الجلوس لوحدك ..
   .. السمبوسه او الشوربـــة ..

   كل شي ماعدا السمبوسه والشوربه

   9 – أجمل رسالة وصلتك للتهنئة في رمضان..كانت مِن مَن ؟؟

   كلهم واحد وتراها تهناه .. بالنسبه لكافيه او لا عادي اهم شي المرسل عندي

   10- رمضان شهر للعباده .. وللاسف الفضائيات تتسابق لجذب المشاهدين
   فهل نجحت الفضائيات لجذبك لهـــــــــــــــا ؟؟
   وما المسلسل أو البرنامج الذي تحرص على متابعته في رمضان ؟

   انا حتى لو اطالع بقولج لا هههه استوى فيها جذب ما جذب خخ

   اطالع مال يابر نغموش جان تعرفونه

   12 – المساحة الأخيرة لك لتقول ما تريد , تفضل.. ؟؟

   ام صبوع ملونه (فالصوره) مشكوره على الموضوع

2. تسيرين وترجعين بالسلامة ،، بإذن الله

   وتقبّل الله صالح أعمالنا وأعمالكم ..

   وادعي لي الله يتمم لي مرادي

   تسلمين حبوبي

   الله يسلمج الغلا ان شاء الله حياتي بدعليج وانا هناك ويوم برد بس خبريني شو استوى

3. موضوع حلو الصرااحة

   أعجبني رد صاحب الموضوع تونه و قشطة هههههههههههههههه

   الله يعطيكم العافية

   الموضوع يحلو بتواجد الناس الطيبه فيه

   نتريا مشاركتكم ويانا والرد على اسئلتنا البسيطه

4. – عرف الاعضاء بنفسك ؟؟

   احمد , عمري 28 سنة موظف
   
   2- اول مره صمت في رمضان كم كان عمرك ؟؟وهل افطرت خفيه ؟؟

   ما اذكر والله خخخخ
   
   3 – لماذا الكل يجمع على أن رمضان قديما كان الاجمل ؟؟

   جيل البلاكبيري ومكتوب شو تتريا منه
   

   4 – قدر استطاعتك .. ضع لنا برنامجك اليومي في رمضان .. ؟؟

   اصلي التراويح واعقب ادش النت الين 11.30 ارقد واصلى الفير وعلى فكرة انا اتعشى ولا اتسحر لاني اذا تسحرت بارقد عقب الصلاة ويمكن اتأخر عن الدوام ! والدوان شفتين واخلص 8.30 فليل وهكذا !
   
   5- ما الذي فقدته في رمضــــــان ؟؟

   والله الصراحة ما فقدت شيء بالعكس احس انه الناس صار يتولفون اكثر وعلاقاتهم صارت اقوى عن قبل
   

   6- أكلتك المفضله في رمضان ؟ ؟؟

   كل الاكل خير وبركه نعمه من الله , وsubway ما يقصر
   

   7- اذا سمحت لك الفرصه لدعوة أي شخص على الفطور او السحور
   فمن تختار من اعضـــــــــــــــــــــــاء المنتدى ؟؟

   والله اهلا وسهلا بالكل باي وقت
   

   8- اختـــــــــــار ولا تحتـــــــار : في رمضــان تفضل .

   ..السهر او النوم مبكر ..
   ..التلفزيون او اللانترنت..
   ..الإجتماع مع الأهل والأصحاب او الجلوس لوحدك ..
   .. السمبوسه او الشوربـــة ..

   .. السمبوسه و الشوربـــة ..
   

   9 – أجمل رسالة وصلتك للتهنئة في رمضان..كانت مِن مَن ؟؟

   ما وصلني شيء لاني يديد مع اني اصلا عضو قديم بس علي ختم ايقاف ههههه
   

   و هل ترى أنها كافية للتهنئة بقدوم شهر رمضان ؟؟

   ما عندي فكرة والله
   

   10- رمضان شهر للعباده .. وللاسف الفضائيات تتسابق لجذب المشاهدين
   فهل نجحت الفضائيات لجذبك لهـــــــــــــــا ؟؟
   وما المسلسل أو البرنامج الذي تحرص على متابعته في رمضان ؟

   انا ما اتابع مسلسلات الصراحة
   

   11 – تقريباً من عشرين سنه مضت كنا في رمضان نصوم ونحن في صفوف الدراسة
   واما الان وفي عشر سنوات قادمة تقدريباً باذن الله نصوم رمضان بعيداً عن الدراسه
   ماالفرق وهل الصيام في الدراسه يساعدنا اكثر على العبادة ام في الاجازة اكثر ؟؟

   اوووه رمضان في وقت الدراسة ما تحس انك ماخذ راحتك فيه يعني العبادة يكون وقتها قليل والذهن مشغول اغلب الاوقات خصوصا للي يدرسون برع البلاد الله يعينهم , احلى شيء يوم الواحد يقص له تذكره ويبركن في الحرم
   

   12 – المساحة الأخيرة لك لتقول ما تريد , تفضل.. ؟؟

   شكرا للجميع وشكرا لاختي lonley girls اللي شاركتني بالموضوع
   

5. 1- عرف الاعضاء بنفسك ؟؟

   محمد عمري 34 سنه موظف
   

   2- اول مره صمت في رمضان كم كان عمرك ؟؟وهل افطرت خفيه ؟؟

   مااذكر بالضبط بس فطرت يومها وماخبرت حد اني فاطر

   3 – لماذا الكل يجمع على أن رمضان قديما كان الاجمل ؟؟
   
   والله صراحه بسبب التواصل الاسري بالاول اكثر من اللحين اللحين كل واحد مشغول بشي
   

   4 – قدر استطاعتك .. ضع لنا برنامجك اليومي في رمضان .. ؟؟

   برنامجي برمضان كالتالي
   اصلي الصبح وانام (اذا قدرت طبعا ) وان ماقدرت ع النت اظل قاعد لين اسير الدوام ارد من الدوام الساعه 3 واصلي العصر وارقد لين موعد الفطور افطر واصلي المغرب واقعد ع النت لين صلاه العشا
   

   5- ما الذي فقدته في رمضــــــان ؟؟

   القهوه الصبح

   6- أكلتك المفضله في رمضان ؟ ؟؟

   كل الاكل خير وبركه نعمه من الله

   7- اذا سمحت لك الفرصه لدعوة أي شخص على الفطور او السحور
   فمن تختار من اعضـــــــــــــــــــــــاء المنتدى ؟؟

   والله اهلا وسهلا بالكل باي وقت

   8- اختـــــــــــار ولا تحتـــــــار : في رمضــان تفضل .

   ..السهر او النوم مبكر ..
   ..التلفزيون او اللانترنت..
   ..الإجتماع مع الأهل والأصحاب او الجلوس لوحدك ..
   .. السمبوسه او الشوربـــة ..

   
   التلفزيون او اللانترنت.

   9 – أجمل رسالة وصلتك للتهنئة في رمضان..كانت مِن مَن ؟؟

   كانت من شخص غالي على قلبي

   و هل ترى أنها كافية للتهنئة بقدوم شهر رمضان ؟؟

   لا صراحه

   10- رمضان شهر للعباده .. وللاسف الفضائيات تتسابق لجذب المشاهدين
   فهل نجحت الفضائيات لجذبك لهـــــــــــــــا ؟؟
   وما المسلسل أو البرنامج الذي تحرص على متابعته في رمضان ؟

   انا مالي في المسلسلات

   11 – تقريباً من عشرين سنه مضت كنا في رمضان نصوم ونحن في صفوف الدراسة
   واما الان وفي عشر سنوات قادمة تقدريباً باذن الله نصوم رمضان بعيداً عن الدراسه
   ماالفرق وهل الصيام في الدراسه يساعدنا اكثر على العبادة ام في الاجازة اكثر ؟؟
   
   من 20سنه كنا اطفال ومانعرف قيمه وثواب الصوم مثل اللحين بس كنت اتمنى انه يكون رمضان اجازه حتى نحاول نتقرب من الله اكثر واكثر

   12 – المساحة الأخيرة لك لتقول ما تريد , تفضل.. ؟؟
   
   شكرا للجميع وشكرا لاختي lonley girls اللي شاركتني بالموضوع

Comments are closed.