اهلين و سهلين و جمعة مباااركة
اقدم لكم السلسة الاولى من كتابي( كيف تقدر الموظف في 10 دقايق )
طبعا اكيد فيه حد بيقول لو رفض معاملتي بروح عند الاكبر عنه … اخواني ترى الموظف الصغير يسوي لك شغل اكثر من المدير العام .. و اللسان ما فيه عظم .. امدح .. و بس 
و بتوفر وقتك
وهذا الاصدار الأول ..
اليوم موضوع عن ( كيفية تقردين موظف لو كانت معاملتك عنده ) يعني لو سرت وزارة او شركة او اي مكان و كان المسؤول عن تخليص معاملتك …. …شو تسوي
الخطوة الأولى : طبعا توكل على الله و ادخل وانته مبتسم و سلم علية و حسسه انه هوه صاحب القرار وانه شخص مهم و انه بعض المراجعين دلوك علية و مدحولك اياه . واهم شي تقول له سير لو كان هندي بيموت من الوناسة
الخطوة الثانية : اول شي حاول تعرف جنسيته بطريقة غير مباشرة يعني مب تقول له شو جنسيتك على طول و هذا يعتمد على حدسك وعبقريتك ..
الخطوة الثالثة : قول للموظف انك سمعت انه في زيادة رواتب في الشركة او المؤسسة للي الموظف يشتغل فيها .
الخطوة الرابعة : طبعا بعد هالسوالف بتعرف جنسية الموظف و قول له انك سافرت بلادة كم مره وانك تمموت عليها او انك بتسافر بلادة قريبا و امدح بلادة حتى لو رحت لها ووصلها السما …
الخطوة الخامسة : عطة البزنس الكارد مالك وقول له لو عنده اي حد من أهلة او ربعة يبا يشتغل يتصل
فيك ..وحسسة انه واايد يتعب بس محد يقدرة وانك معجب بشخصيته واهم شي قول له انك سمعت انه بيعطون الوافدين جوازات الامارات
وبس .. جربوا هالطريقة و ردوا علي
ترقبوا الاصدار الثاني .. من مؤلفاتي و حقوق الملكية وماعرف شو محفوظة …
اذا جهة خاصه وانا عميل فمن واجبه يخلص معاملتي لانها شغلته… لكن بالطيب والكلمه الطيبه مب بهالطريقه …
مجرد وجهة نظر ..
أخويه..
والله الدنيا تعلم…
ومن عاشر القوم….صار شراتهم….!!!
صحيح أحيانا نطبقها
واحيانا ندخل بأمور ثانيه عسب تنسيه شغل
لانه يكون الموظف كاره شغل فلما يشوف واحد مراجع يخليه يطير بالكلام خارج الشغل بيستانس وبطول وياك يعني الكلام مب المعامله
ظبيانية وبس .. حلوة فكرة الدباسة او القلم … بعدني ما طبقتها