دعوة سياحية في العين

61 thoughts on “دعوة سياحية في العين”

1. هلا اخوي دولار

   الله يسلمك المتوفر حاليا” بغبغاء الدرة المطوقة ( متوة العادي )

   وان شاء الله اذا توفر اي طير من الانواع اللي تقلد فالك طيب

2. هلا دولار إماراتي

   تفداك المزرعة واللي فيها ومرحبا بك ومن توصل شل اللي تباه وحمله من الحيوانات والطيور الموجودة بدون اي مقابل غير شوفتك .. شوه تبا بعد .. بس عندي شرط صغير والحاضريين شهود

   اباك تبدأ بتحميل النعام

   [IMG][/IMG]

   لا مش هذا

   [IMG][/IMG]
   ولا هذا

   [IMG][/IMG]

   هذا وبروحك ومن بعدها حلال عليك اللي تباه …. ها شو قلت

   هذا من طيبت اصلك يا الغالي ….
   بس طال عمرك انا ابغي بس …… ببغاء .. واذا عندك انواع اللي يرمس ^_^ باخذ انثى وذكر …… شو ابغي النعام .. وين تباني اركبهاا ^%_______________^

3. السلام عليكم ورحمة الله وبركاتة

   هلا أخواني

   وردتني رسالة على الخاص من أحد الاعضاء وحبيت اني أنشرها في العام ليستفيد منها الاخوان من الامارات الاخرى لتعريفهم بالاماكن السياحية في مدينة العين وذلك بعد اذن صاحب الرسالة واخواني المشرفين ومضمونها كتالي :

   سلام عليكم والرحمه …

   بوهزاع شحالك ؟؟…

   السموحه على الازعاج بس حبيت استفسر شوي عن العين لااني دوم
   ازورها بس ماعرف اماكن وايد غير العين مول والجيمي هههه
   عندي عدة استفسارات…
   اول كنا نروح مكان فيه ماااااي حار يقولون علاج لكل شي والله نسيت
   اسمه ؟؟ياليت لو تعرفه
   في مطعم الي يديرونه كلهم اقزااام نفس الكفتريا اظن تعرفه وين ؟؟
   وفيه مطعم ريال مسونه من مخلفات السياير يعني دبة سياره وجامه
   وجي ياليت لوتعرفه بعد ؟؟
   وان شاء الله بزور المزرعه قريــب.. وتسلم يالشيخ ماقصرت

   فيه اشياء للبيع صح؟؟ وفيه عندك لاما ؟؟ وكنغر؟؟

   الله يبارك في حلالك ويزيده ان شاء الله …

   السموحه

   وأحب ارد وأعلق على الموضوع ومنها فرصة ليستفيد منها جميع الاخوان كما أشرت سابقا”

   بالنسبة للمكان الذي يوجد فيه ماء ساخن وهو معروف لأغلب سكان الدولة وبعض الاخوان من الدول الخليجية ( مبزرة الخضراء )

   

   وأنا اعتبر من لم يزر مبزرة الخضراء في العين مازار العين لأنها متنفس طبيعي خلاب جمع بين شموخ الجبال وروعة الخضرة الخلابة وسخونة المياة الكبريتية الطبيعية التي تفيد الكثير من الامراض الجلدية

   

   

   

   

   

   

   وهذه صورة الشيخ زايد الله يرحمة ويغفر له أثناء أحدى زيارتة الى مبزرة الخضراء وقد تم بنيان قصر له في نفس المكان لكي ينعم بالراحة والهدوء

   

   وبالنسبة لمطعم الاقزام كان بالفعل يوجد مطعم كل العاملين فية من الاقزام وكان خلف الاتصالات القديمة في السوق حتى اذكر اني كنت امر عليه مع عيالي ويقولون لي ابوي ليش هالرياليل صغار !!

   بس تم اغلاق المطعم او نقلة الى مكان أخر لانه من فترة مغلق موقعة الحالي ومادري اذا تم افتتاحة في موقع اخر او لا

   اما بخصوص المقهى المميز اذكر اني زرتة قبل حوالي 3 سنوات ان ماخانتني الذاكرة في السوق شمال الجسر وهو عبارة عن مقهى تقدم فيه الشيشة مع المرطبات والمشروبات الغازية وبعض الااكلات الخفيفة وتم تصميم ديكورة الداخلي من مخلفات السيارات والاطارات والابواب وعند أعلى مدخل المحل يوجد هيكل سيارة … وحسب علمي انه لاحد الشباب المواطنين الذي كان يدرس في امريكا وشاهد هذا المقهى هناك فنقل الفكرة وطبقها في العين ولاقى اقبال واسع من روادة والمقيمين في مدينة العين .

   وانا اعتبر نفسي اسكن في حديقة كبيرة وهي العين وذلك لخضرتها في جميع الشوارع والاسواق ولايكاد يخلو شارع او بيت او سوق او سكة من اللون الاخضر الذي عكس بدورة طيبة اهل المنطقة وكرمها
   ولااي استفسار اخر في مدينة العين انا حاضر

   سمحولي اخواني على الاطالة والسموحة

4. لا ولللللللللللله …………………..؟ صدق …. ناصر بوهزاااع …؟
   انا احب جي
   بس بشرط ^_^ انيي يوم بيي لازم تعطيني شي من الحيوانااات …… ^_________________^

   شو قلت …؟

   هلا دولار إماراتي

   تفداك المزرعة واللي فيها ومرحبا بك ومن توصل شل اللي تباه وحمله من الحيوانات والطيور الموجودة بدون اي مقابل غير شوفتك .. شوه تبا بعد .. بس عندي شرط صغير والحاضريين شهود

   اباك تبدأ بتحميل النعام

   [IMG][/IMG]

   لا مش هذا

   [IMG][/IMG]
   ولا هذا

   [IMG][/IMG]

   هذا وبروحك ومن بعدها حلال عليك اللي تباه …. ها شو قلت

5. ان شاء الله بزور العين قريب ويعلك تسلم ماقصرت

   هلا وسهلا اخوي أوقاتـــ

   يعلك سالم ومرحبا فيك من سرت لين ييت

Comments are closed.