نبي حد يفيدنا ماهي شروط الزواج من الامارات

وجم المهر وتكاليف الزواج

دعوة للنقاش

42 thoughts on “دعوة للنقاش / ماهي شروط الزواج من الامارات”

  1. كل واحد يمد ريوله على قد لحافه

    مب واحد فقير وعلى قد حاله يسير يطالع له بنت أهلها كبارية
    و ماعتقد انه فيه بنت من مستواه بتطالب بمهر وااايد و اذا طالبت شي مليون بنت غيرها
    وكثير من العوايل الي يدورون الستر حق بناتهم و لا تهمهم هالايام المهور واللي يهتم بالمهر والفخفخه هذا اللي مب شايف خير
    أخويه يوم عرس عطاهم مهر 100 ألف (المهر والزهبة) وطبعا ابو العروس ماطاع رد له نص المهر (*_*)
    بطايق العرس كان على أم العروس (هدية لبتها)
    شهر العسل كلفهم في حدود 40 ألف
    بغوا عرس حق الحريم بس هو من نفسه سوى للحريم والرياييل كلفاه تقريبا 60 ألف
    الشبكة في حدود 20 ألف …… هدية من عندي
    التصوير ماشي لان اخوي مطوع ……. التصوير حرام
    وخذنالهم مندوسين فيه ثياب وعطور وشنط في حدود 20 ألف ……طبعا هدية من الوالدة ومني

    لاديون ولاشي والحمدلله عايش مرتاح

  2. أعتقد صاحب الموضوع يسأل عن القوانين أيضا وليس فقط المصاريف

    حسب مانعرفه يُسمح بزواج مواطني دول مجلس التعاون من مواطنات دولة الإمارات ومن دون مواقفة الديوان أو أي جهة أخرى حكومية ويعاملون معاملة الإماراتي تماما

    أما من الدول الاخرى فلا بد من موافقة الديوان

    هذا والله أعلم

  3. ارقام تقديريه ..لعرس متوسط التكاليف

    • المهر 25الف
    • الزهبه80- 100الف
    • عرس الريايل 50-70 الف اختياري طبعا للي يقدر
    • عرس الحريم50-80الف
    • شعر العسل35الف اختياري طبعا للي يقدر

    واكيد في مصاريف ثانيه لازم تسالون الحريم عنها

    وخواتنا مابيقصرن وبيخبرونكم وين تظهر المصاريف الزايده للاعراس

    والسموحه

    بوخليفة

Comments are closed.