السلام عليكم
بالاول عيدكم مبارك ولو انها متاخره واتمنا للكل ايام سعيده.
موضوعي هو عنا نحن اعضاء هالمنتدى الكريم ..وسامحوني بالبدايه لو كان الطر ح هب ولابد.
طبعا السالفه كلها تخيل لكن مع امكانيه تحققها بالواقع.
مثل ما نعرف انا ولله الحمد عايشين بنعمه واغلبنا نشتغل بوظايف معينه غالبيه سواد المواطنين يشتغلون بها وما يحيدون عنها..مثل الدواير الحكوميه والشرطه والجيش وادنوك والشركات الخاصه ذات الرواتب المرتفعه والشبه حكوميه بالاغلب..وبالطرف الثاني شي مهن قليل ما تلاقي مواطن يمتهنهن طبعا لطبيعتهن المجهده الى جانب مردودهن المادي اللي لا يسمن ولا يغني من جوع….وطبعا الشغل هب عيب وين ما كان الواحد دام انه يكد ععمره.
السؤال اللي يطرح نفسه لو افترضنا انك هب لاقي شغل ولقيت فرصه انك تشتغل بوحده من هالوظايف سواء كشاب او شابه….وراتبك بيكون مرتفع… شو من المهن بتختار؟؟ وليش اخترت هالمهنه بالذات؟؟ وكيف تظن عمرك بتبدع بها دام انها هيه اختيارك؟؟
طبعا شي اخوان وخوات حاليا يشتغلون ببعض المهن اللي بتنذكر مثل محلات العطور لاني شفت اخوات مواطنات بباريس غاليري..او موظفين ببداله او بريسبشن والله يبارك لهم وهم فخر لنا …لكنهم بشركات كبيره ومعروفه ..
و انا بحط مجموعه من المهن كمثال لا على سبيل الحصر واتمنا انه الكل يشارك ونتذكر دوم انا بنكون عمال هب مدرا ولا مالكين فقط موظفين.
حلاق_سايق تكسي_خياط_ بمحل عطور_بملحمه_سايق شاحنه_سايق خاص لعايله_محل تغيير ايل وتواير_راعي_مزارع_موظف بمحل عطور_ميكانيكي_عامل بمحطه غسيل سيارات_نجار_عامل بكفتريا_عامل بسوبرماركت_محل تصليح تلفزيونات__صباغ_خطاط_موظف تحصيل تذاكر بباص مواصلات_محل بيع خضار وفواكه_محل تصليح كمبيوترات_نجار_بمطعم توصل طلبيات_عامل بدوبي.الخ
طبعا البنات نفس الشي ونذكر على سبيل المثال..كوافيره_محل عطور_خياطه_موظفه بمحل ملابس جاهزه_الخ
اتمنا مشاركه الكل .
اشكرك يا خويه عمرورك ومشاركتك الطيبه.
وبخصوص الميكانيكا فعندنا شريحه كبيره من الاخوه ما شاء الله عليهم دخلو هالمجال كاستثمار وعندهم كراجات مشهوره.
لكن!!!
هل بتقدر يا خويه انك تقسم وقتك بين البوش والكراج وانت هب راعي الحلال مثل ما افترضنا؟
طبعاً..
الحمدلله على كل حال .. وفي كل الاحوال..
ســـواء مقتدر أم لا .. غني أم فقير..
اللي متوظف.. الله يباركـ له ويزرقه بـ الحلال..
واللي مب متوظف.. شراتـي..
الله يرزقنا كل من خيراته .. وان شاء الله نتوظف قريــب..
أنا عن نفســي..
لو انحطيت في هـ المكان ..
بـ شتغل .. شغلتيــن ..
وحدة صبـــح ووحده مســاء..
عسب أوفـر.. لقمة العيش…
” مثل اللي يداوم الصبح ويدرس المسا”
أنا أحب انـي.. ادخل مجال الكراجـات.. يعني بـ عدل المواتـر.. تزويد ودعــاس وميكانيكـ وكهرباء سيارات .. وبرمجــه ..
لأنــها.. من هواياتـــــــــــــــي.. واحس انه بيمر يومـي.. بلا تعب أو ملل ..
وكل يومـ بتعلم وبكتشف شي يديد.. من شغل الكراج ..
وفـوز موتر من المواتر اللي اشتغلت عليهن .. بـ علي من أسمـي.. وأسم الكراج .. وان شاء الله بـ يفتح عليه باب الرزاق..
وكذلكـ .. بدخل مجال..
البـــوش والرجــاب.. وان شاء الله بنزلهن في الريــس..
والحمدلله عندي خلفية بهن .. خاصه انه الوالد وعمومـي.. راعيــن حلال..
وبــرعــاهـن وبـ ضمرهن ..
وهـ المهنة بـ تعلمنيه الكثير من المزايــا .. وكذلكـ بـ تكسبنيه الرزق الحلال.. اللي بـ تكل به على الله ثم عليه ..
أدري انه نظريتــه مستقبليه ! ربحيّـه !
بس هذي نظرتيه .. والسموحه على الفلسفة!
والله الواحد ود وده يكون مدير عمره ويدير شغله الخاص..بلا مذلة ولا اجازة 30 يوم بالسنة ولا ترتبط بالدوام يوميا من الصبح لين العصر..
مشكور اخوي على هالطرح..
موضوع مميز
السلام عليكم ورحمة الله وبركاته ..
اول شي .. الحمدلله على كل حال .. ~
المتوظفين الله يبارك لهم في وظايفهم .. ولي
مب متوظفين الله يرزقكم كل الخير وتتوظفون ..
اول شي أخوي .
.
في ظل الغلا المعيشي لي نعيشه نحن في
دولة الامارات ..
طبعا هالوظائف ما تأكل عيش .. ~
مثلا خلنا نفرض أنه رب اسره اماراتي
يعمل صباغ ..
وتقريبا في الشهر يحصله 5000 درهم ..
وطبعا الاسره الاماراتيه تحب البذخ والترف . .
يعني لو قلنا الاسره فيها 5 اشخاص ..
وكل واحد عنده موبايل .. صدقني ال 5000 درهم ما بتسد
فواتير المكالمات فما بالك بالكهرباء والسياره والمواد الغذائيه …. الخ ..
السموحه اني شوي طولت لكن هذا مجرد تفسير ..
وبصراحه عني انا لو ماحصلت اي شغله ابد ..
بشتغل “راعي غنم” .. يعني بالمحلي .. هوش وبوش .. لوول ..
الحمدلله هالشغله تعلمك الكثير
مثل الصبر .. الرحمه .. التحمل ..
وأخير شكرا لك اخوي على الموضوع ..
واتمنى تفاعل الاعضاء .. ~
بن سعيد
~