دعوه لمقاطعة محلات العبي!!

41 thoughts on “دعوه لمقاطعة محلات العبي!!”

1. اختي بنت السلطان في البدايه اشكرج على هذا

   الموضووع لانه بالفعل الي صاير بمحلات العبي شي عجيب…

   الاسعار مضرووبه دبل ومرتفعه زياده عن حدها ….

   وانا ما ألوم التجار ألووم المستهلك اختي الله اكرمنا بالعقل وسبحان الله البعض عده العقل زينه..

   عباه 4000 او 5000 مب حراام عليكم يا بنات…..والله اعيد واكرر نحن محتاجين لتوعية المستهلك..

   انا عندي علاقه مع كذا صاحب محل عبي وخاصه بالشارجه يقوول لي والله البنات هم ابنفسهم الي

   يرفعون سعر العباه..قلت له كيف يقوول انا يوم سوي عباه جديده طبعا اضرب سعر التكلفه 5 او 6 مرات

   وابيع يقوول نادر ما ألقى حد يقوول نقص السعر او يحاول ينزل من السعر هذا الشي يقوول

   الي فاتح لنا الباب نحن نلعب بالاسعار ….

2. العباه يستخدمونها قبل للستر

   اما الحين فيبالغون في الزينه نقشات وفصوص

   تلاقي هالمبلغ دافعينه بس عشان مكتوب على

   طرف العباه ديور

3. العبي الفاضحه الفاشلة هذي اسعارها 3000 الي 5000 الف درهم

   ———————-

   لو تاخذين العبي المتستره بتحصلينا ما تتجاوز ال 250 درهم

   والله يهدي الجميع

4. والله ياختي صعب صعب انا نحن نقاطع…

   اذا قاطعنا شو بنلبس؟؟

   اولت البارحه سايره المحلات اللي صوب سوق زايد في بوظبي ابي افصلي عبي للعييد..

   فصلتلي عباه ساده كريب سعودي..هذا قبل كم كان؟؟؟ كنت افصله ب180 الحيين يقولي اقل شي 240؟؟!!!!

   ليش؟؟ ..ارباب يقول لازم يسوي زياده..انا ينقص فلوس..هوه يشل من معاش مال انا….

5. اختي بارك الله فيج وكلامج عين الصواب
   لكن وين اللي بتسمع الكلام ؟
   حرام حرام حرام التبذير
   ناس هنا عندنا في الامارات ما محصلين لقمة عيش يأكلون
   لا تروحين فلسطين وعراق يا اختي
   اتمنى من الله انج دوم تقاطعين اشنط الماركات وكل اللي ما منه فايده
   بارك الله فيج وكثر الله من امثالج

Comments are closed.