السلام عليكم ورحمة الله وبركاته
طبعا كل البنات والسيدات يلاحظون اسعار العبي كيف طارت خلال السنتين اللي فاتوا
بدون مبرر
والموديلات اللي تغيرت ,,عموما هذا مب موضوعنا
للاعراس والاعياد الكل يحب يكشخ
من يومين قلت بسير بدور لي عبايا للعيد
مريت توشيه اللي في جميرا
انا اعرف انه اسعاره غاليه
بس هالمره بالزياده ,,,وتحس انه استهبال للبنات
المهم اقل عباه ب 4000 الاف درهم والاحلى ب6000 والوسط ب5000
شو رواتب موظفين بقيمة عباه ,,انا اقدر اشتري لكن عندي مبادئ
انا يلين الحين مقاطعه الشنط الماركات
كل وحده ب6 وب 5 واخوانا في العراق وفلسطين مب قادرين تغمض لهم عين
الحين الكل مركز على زيادة اسعار المواد الغذائيه
وغاضين الطرف على ها الزياده والتفاهه وللاسف اصحاب ها المشاريع
مواطنات (سيدات اعمال )
ياليت لو بناتنا تكون لهم مبادئهم مب امعه
ياليت لو سيدات الاعمال هايلا يكون لهم خدمات مجتمعيه
ويحسون بالناس خاصه طالبات الجامعه الل مب قادره تشتري لاب توب للدراسه
وتحاول توفر لتشتري عبايه للكشخه
عشان ما تكون اقل من ربيعاتها
اسمحيلي توني واعيه من الرقاد وما اسوعيت الموضوع…^_^
على العموم مشكوره
عزيزتي ,,فيه فرق بين انج تقاطعين المحلات الغاليه للعبي وبين انج تعقين العباه
لا تغيرين المعنى اللي انا اقصده
العباه للستر وفيه محلات رخيصه بس البنات ما يقربون صوبها
انتي فاهمه شو اقصد انا
العبي الغاليه مال المناسبات اللي البنات هابين فيهن هبه
عموما شكرا على الموضوع وخليج على العبي الكريب ارخص واستر
انا ويا في المقاطعة والله يهدي بناتنا.
انا قبل فصلت عبي عند هذيله اللي اللي ترمس عنهم بس اكثر سعر كان الف وخمس..
المهم والله انه قطعهن ماتسوى مووووووووووووووول..بسرعه تتقطع وما تتحمل شي…
اللي شكلها تدش بخاطري آخذ فكرتها و اروديها عند خياط هندي..يضبطلي اياها ..وسعره انقص عن هذيله يمكن اكثر عن النص …والقطعه زينه وتم…
والله قمت جييه اسوي ..
بالنسبة لي أنا شخصيا …
للدوام والأسواق … العبي تكون سادة ما فيها شي يعني ما تكلف أكثر من 230 درهم .
بس للمناسبات … بعد الغلا اللي نشوفه في محلات العبي .. صرت أصمم عبي … وأشتري من القطع الماركة ( ربع وار … أو نص ) وما تكلفني شي … وأدخلها في العبايه … حتى قمت أشتري قطع الشيل
وايد أرخص ….وتسوين لج طقم عباية وشيلة ( إذا تبين ).. يعني بخبرج هم شو يسون … إلا يحطون لج من هالقطع في العبي … أو الشيفون … عادي ترومين تسوين إنتِ كل شي بس يباله بارض …
ومشكورة الغالية على موضوعج الرائع …