السلام عليكم ورحمة الله وبركاته
طبعا كل البنات والسيدات يلاحظون اسعار العبي كيف طارت خلال السنتين اللي فاتوا
بدون مبرر
والموديلات اللي تغيرت ,,عموما هذا مب موضوعنا
للاعراس والاعياد الكل يحب يكشخ
من يومين قلت بسير بدور لي عبايا للعيد
مريت توشيه اللي في جميرا
انا اعرف انه اسعاره غاليه
بس هالمره بالزياده ,,,وتحس انه استهبال للبنات
المهم اقل عباه ب 4000 الاف درهم والاحلى ب6000 والوسط ب5000
شو رواتب موظفين بقيمة عباه ,,انا اقدر اشتري لكن عندي مبادئ
انا يلين الحين مقاطعه الشنط الماركات
كل وحده ب6 وب 5 واخوانا في العراق وفلسطين مب قادرين تغمض لهم عين
الحين الكل مركز على زيادة اسعار المواد الغذائيه
وغاضين الطرف على ها الزياده والتفاهه وللاسف اصحاب ها المشاريع
مواطنات (سيدات اعمال )
ياليت لو بناتنا تكون لهم مبادئهم مب امعه
ياليت لو سيدات الاعمال هايلا يكون لهم خدمات مجتمعيه
ويحسون بالناس خاصه طالبات الجامعه الل مب قادره تشتري لاب توب للدراسه
وتحاول توفر لتشتري عبايه للكشخه
عشان ما تكون اقل من ربيعاتها
اقل عباءه بـ 4000 درهم؟؟؟ خيييبه…
من اسبوعين فصلت 11 كندورة منهن 6 صوف بـ 3 الاف وشوي!
صدق شغل نصب واحتيال …هذي نتيجة تسليم المحلات لغير المواطنين..استغلال وجشع!!
انا احب الاستايل الهادي وهم يضبطونلي اياها…
بعطييك اسمي ثلاث محلات ,,,
فانتسي.فصلت عنده عباده ساده ما ادري شو نوعها بس حلوه 150 وشفت عنده كمن عباه حلوات. وظابطنهم…
الابره الذهبيه..حلو تفصيله,, هذيله صوب سوق مينه زايد ورا مخبز سلطان
سيمفونيه في حامد سنتر..الطابق الثالث
.فصلت عنده عباده كريب سعودي مع دانتييل وفصوص وشكلها فخم..كانت 700 خليته 550 وبعد لو يبتله تصامييم صدق يظبهاا…
هذيله الي اذكرهم الحين..لو اتذكرت برد وبقولك … ^_^
لو تبون اماكن الشنط التقليد والساعات التقليد رقم واحد في بوظبي بعد بقولكم..اللي يشوفهم يقول صدق اصلياات.. واسعارهن ما يتعدن 400 درهم
بس بعد اختي القماش مايكوون سيئ الانترنت معروف…
بالفعل الطريقه الي تسوينهاحلوه …
ممكن تعطينا عنوان الهندى هذا لانه كذا مره يت في بالي هاي الفكره…
أنا أفصل العباة سادة دايما ما بين 150 لين 200 درهم فقط لا غير . وما أداني العباة المزركشة أستحي ألبسها أصلاً ما اعرف كيف يلبسنها البنات, جنها فستان من كثر الخرز والكرستال والشغل اللي فيها وبعضها مول ما شمت ريحة الذوق .
شكرا لج عالتنبيه يا ريت لو البنات يسون مقاطعة بس شهر واحد , يوم بيلاحظون أصحاب المحلات إنه ما شي إقبال على بضاعتهم غصبن عنهم بينزلون الأسعار , انا ألاحظ بعد العيد دايما أصحاب المحلات ينزلون الأسعار لأنه ما يكون شي إقبال وايد مثل قبل العيد وبالذات محلات العبي والشيل .
والله تبين الصدق اختي انا مقاطعه مثل هالاماكن بالغلى واذا الناس بيقولون بخيله بعمره ما همني رايهم الي شايف الخير يبين عليه والحمدلله ما مقصره بعمري لكن ضمن المحدود وفيه اولويات احسن من هالامور الي انظر لها شنطي والساعات كلها تقليد وبعمري ماشتريت عبي بهالسعر باجر ببلبسها كم مره واخر شي يتنعق حرام والله
ومشكوره اختي هالمبادره طيبه منج اشجعج على هالشي