السلام عليكم
حبيت افيدكم واستفيد منكم عن تصرفاتنا في البرد اللي يانا ها السنه ؟!؟
شو الشراب الي يعطيك احساس الدفا ويقيك من نزلات البرد الشائعه ؟
عن نفسي
شرابي المفضل الزعتر
شو اللبس اللي يعطيك او يعطيج احساس الدفا ؟
بما ان البرد يتسلل دائما من الاقدام فأحرص انا لا تفارقني جواربي الشتويه
احذر من فتح النوافذ اثناء النوم واستعيض عنها بالمكيف ان كنت من محبي النوم في الجو البارد
لان التيار الهوائي يصيب العضلات بالتشنجات كما يؤثر على الاعصاب
يالله حابين نسمع وجهات نضركم في البرد اللي يانا السنه ؟؟
وسلامتكم
عنـــي أنـــا أحــب أشرب جــــــاي كرك بالهيل ……واحب بعد مشروب الشوكولاتا الساخن ….
وعن الملابس ..انا احب البس الكنادير الملونه ….والسفره الحمدانيه .. والشال..واتخشش بعيد عن الهوى …
وبخصوص الأكل …ع الغدى يا انه مظبي دياي ع الفحــم .او اي شي مشاوي نار نار …مع الشوربه طبعا ..
وما ادري انا ها الاسبوعين ما ادري شو بلاني خرمان وايد للباونتي والسنيكرز …ما اعرف شو السالفه …
كل يوم لازم اسير آخذ منهن ..حاس اني ادمنتهن شوي ……….
واحلى شي في البرد الشوربات الساخنه …….يممممممممممممممم
البرد والله عندنا انا توني راده من دبي يوم الاحد وكان الجو رائع جدآ مطر وبرد خفيف ويوم وصلت الرياض اول مانزلت من الطياره كان يكفخني الهوا البارد بغى يشق وجهي نصين لا والدخان يطلع من حلقي تقول شكمانات تريلا ومن يوم وصلت الرياض وانا تحت البطانيه والدفايه شغاله ليل نهار والزنجبيل والحليب الدافي ابريق يروح وابريق يجي غدت رضعتنا منه متواصله والملابس فوق بعض لدرجة اذا جيت اطلع من باب الغرفة اطلع على جنب من كثر ماني مكدسه هدوم علي صدق صدق وش هالبرد اللي جانا الله يستر ما نفطس.
بطرش لك دلة زعتر اسهل في الاعداد والتوصيل
هذا انا يوم اصغير لاحظي العيون ماشاء الله زرق
المهم
امي الله يرحمها اظاربنا دوم اتقول هب زين كذية اتخلون ريولكم قريب الضو
انسدح في الصالة واطالع التيلفزيون قبل الدش- بس العصر فية رسوم
وحط ريولي قريب الظو وأكل 20 صحن محلبية بر مال كويكر اتكون حارة تصلخ اللسان
وعيش حياتك يابو كرشة