السلام عليكم يا شباب

أريد أغير تواير السيارة تويوتا إستيشن 2003 ومحتار بين دنلوب و بريدجستون أيش رأيكم

عندي سؤال ثاني لو تسمحون

السيارة ماشية والحمد لله 220 ألف ونظيفة ومافيها شيئ بس أريد أسوي لها صيانة شاملة إستعداداً لموسم الصيف وللمحافظة عليها وناوي على التالي

– غسيل داخلي وبوليش خارجي
– تغيير التواير وعمل ميزان للتواير و رود
– تنظيف الإنجكتر
– تنظيف المكينة
– تغيير كل الزيوت والفلترات
– تشحيم شامل كامل مسمار مسمار زنقة زنقة
– تغيير الدرامات والسفايف

أيش رأيكم لازم أسوي كمان مادام وأنا رايح الصناعية

تحياتي

9 thoughts on “دنلوب أو بريدجستون”

  1. الدنلوب احسن من بين البريدجستون والندلوب ولا خذلك ميشلان بتفك عمرك

    وبخصوص الصيانه لو انته في بوظبي سير وكالة البوش في شارع الخليج العربي

  3. بريجستون افضل من الدنلوب وطبعا المشلان احسن ولاكن غاليه ، والصيانه اهم شي سير المكينه والمكيف ولاتنسي البلكات والبوشات والايل للمكينه والقير وايل البريك والبور ستيرنق بالاضافه للحاجات الي ذكرتهن انته و موفق بإذن الله … لك مني أجمل تحية .

  4. وعليكم السلام
    اخوي بخصوص التواير لا دانلوب ولا بريدجستون ركب ميشلان احسن فرنسي او تايلندي

    والصيانة نظف الراديتر وحط ماي الوكالة الاحمر
    وبدل البوية اذا كملت اكثر من سنتين
    والبلاكات وفلتر البترول
    والله يحفظ الجميع
    موفق بإذن الله … لك مني أجمل تحية .

Comments are closed.