دوره تدريبيه على المضاربه في البيع والشراء في المنتدى

108 thoughts on “دوره تدريبيه على المضاربه في البيع والشراء في المنتدى”

1. السلام عليكم ..

   ماشاء الله عليك يالنوخذه .. لااله الا الله عين الحسود فيها عود وجندل بعد ..

   معاك حق وهذا درس جديد .. انا ماتكشف خططنا جدام اللى انحس انهم بيستغلونا..

   انزين الحين فى رقم 2 انا مااقصد العشر دراهم فرق فى فروق ثانية

   مثلا انا حسبتى جذيه
   الربح فى شعاع 4755
   الربح فى دبي للاستثمار 2880
   الربح فى العربية 21027.50

   على حساباتى عندك الحين

   اجمالى مبلغ الاسهم المشتراة 933162.50

   الكاش 116450

   عندى تعليقات ثانية وخاصة على الاخ درهم وايضا جدول الصريح بكتبها على مهلى يوم افضي شوي لان عيالى عندهم امتحانات ويادوب اصرق الوقت.

   تمنياتى لك بالتوفيق باجر باذن الله فى التداول الحقيقى اولا والوهمى ثانيا.

2. ماشاء الله عليك ..
   تعرف تحسبها صح .. وهذا دليل على انه
   مؤشر السينسيتيف عندك ممتاز ..
   وعقبال يارب لما نصير شراتك ..
   فيه عندي سؤال ..
   من متى وانت تتعامل مع الاسهم ؟
   هل من زمان والا توك جديد شراتنا ؟؟
   وعندي بعد فضول … امممم … خاطري افهم هالجمله
   ” وطبعا في المنتدى يختلف الوضع واذا لعبنا باوراقنا على المكشوف وكشفنا كل شي ..الجانب الثاني من الهوامير لكبار اللي يطرشون وسطاهم بينا للتحري والمتابعه او هم يدخلون نفسهم ويقرون الموضوع ويلاحظ طريقتي في المضاربة قد يستغلها ضدي في العمليات الحقيقية اليوم الثاني وبالتالي شيبتج بيكون خسران في العمليات الحقيقية والحمد لله الاخوان اهنيه في المنتدى فاهمين شيبتهم وما يرضوله بالخسارة. “
   انا معاك في اخذ الحذر والحيطه لانه مثل ما قلت .. فيه من الناس الله يسامحهم
   يستغلون حب الخير الموجود عند الاخرين اللي يكشفون اوراقهم بغرض تعميم الفايده
   فيستخدمونها لصالحهم دون الاخذ بالاعتبار تدمير خطط الاخر الطيب
   بس … بعد فيه ناس تحتاج انها تتعلم من اللي عندهم خبره
   فباعتقادك شو افضل طريقه لتعليم الاخرين بعض الطرق المكتسبه بالخبره
   من غير ما يكشف الشخص نفسه اوراقه قدام تلك النفوس الانانيه ؟؟؟
   فهمت شي ؟؟؟ :rolleyes:
   شكلي هذربت وايد
   بس شسوي خاطري اتعلم واستفيد 🙂
   يعطيك العافيه يا نوخذانا
   :^25:

3. عمليات البيع والشراء الوهمية لدورة المضاربة تاريخ29/3
   1- شعاع شراء امس 50000 سهم على 10.35 بقيمة 5220087.5
   2- بيع شعاع اليوم 50000 س على 10.55 بقيمة 522375
   الربح 2287.5 درهم صافي
   3-شراء دبي للاستثمار 10000 على 10.80 بقيمة 108540
   4-بيع دبي للاستثمار 10000 على 11.20 بقيمة 111440
   الربح 2900 صافي
   5- شراء العربية للانشاءات 100000 على 5.31 بقيمة 533655
   6- بيع العربية للانشاءات 50000 عاى 5.55 بقيمة276112.5
   7-بيع العربية للانشاءات 50000 على 5.60 بقيمة 278600
   الربح 21057.5 درهم صافي
   8- شراء دبي للاستثمار 50000 على 10.95 بقيمة 550237.5 لم يباع بعد
   9- شراء اعمار 30000 على 12.70 بقيمة 382905 لم يباع بعد

   اجمالي الربح اليوم 2900دبي للاستثمار + 2287.5شعاع+ 21057.5 العربية للانشاءات= 26245 درهم

   ملاحظه : جميع اجمالي الشراء والبيع محسوبه من غير 10 درهم البركه في الحسيبه
   تحياتي صح مبلغ الربح شويه لكن هذا السوق وحظ شيبتكم هالاسبوع

4. السلام عليكم
   شكرا يا اخت ام عيسى على الحضور والمتابعة .. وبصراحة لاحظت انج انسانة من اسئلتج تبغين تستفيدين فعلا,, وان شاء الله تكونين من افضل المضاربات في السوق …لكن انتي بعد اعطيني عذري لانه خبرتي في المضاربة متواضعه والحمد لله نادر ما اخسر ,, وطبعا في المنتدى يختلف الوضع واذا لعبنا باوراقنا على المكشوف وكشفنا كل شي ..الجانب الثاني من الهوامير لكبار اللي يطرشون وسطاهم بينا للتحري والمتابعه او هم يدخلون نفسهم ويقرون الموضوع ويلاحظ طريقتي في المضاربة قد يستغلها ضدي في العمليات الحقيقية اليوم الثاني وبالتالي شيبتج بيكون خسران في العمليات الحقيقية والحمد لله الاخوان اهنيه في المنتدى فاهمين شيبتهم وما يرضوله بالخسارة.
   جوابي على اسئلتج كالتالي
   بالنسبة للفرق انتي صادقه بالنسبة للعشرة درهم لكن بنيمعهن آخر شي وانا متأكد انه يوجد اخوان بعد يحسبون ويانا وبيعطونا الحسبه وعندهم برامج سريعه وما بيقصر الاخ الصريح الله يخليه
   جواب السؤال الثاني .. بالنسبة للمضاربة لابد من التواجد في السوق وكمبيوترات السوق تختلف عن النت العادي عندهم برنامج خاص تشوف على طول كم الطلبات واذا واحد حاط طلبية او سحبها بعدين دائما الاحظ كميات العروض والطلبات وتحتاج عمليات متابعة دقيقه للارقام ومثل ما قلتي احيانا يعتمد على اسهم الشركه واحيانا كلهم مع بعض.واحيانا على الاشاعه والعامل النفسي للمضاربين واتجاهاتهم
   جواب السؤال الثالث.. بالنسبة كم احطي في بالي الخسارة .. انا ما حطي في بالي الخسارة مول وان حطيتها ما اشتريت ..احطي في بالي الخسارة اذا اشتريت عشوائي بدون دراسة او اكون بعيد من السوق او حشر مع الناس عيد اهنية تستوي مجازفه ولا بد تكون خسران ولا ربحان وانا هب من هذا النوع اللي يجازف
   والسموحه
   تحياتي

5. السموحة منك يالنوخذه اتأخرت عليكم البارحه ..
   اول شي بخبركم عن حسبة المليون وبعدين بعلق شوي

   طبعا يوم راجعت على عمرى مرة ثانيه اكتشفت انه عندى غلطه صغيرونه بس اتسوى مشاكل عوده وهى انى قريت بالغلط كمية شعاع 20000 ناقصه صفر واحد بس وحسبتها على اساس انها 2000 فقط يعنى بس ماشفت نقطه اصغيرونه يعنى فعلا كان المفروض اراجع بدقه اكبر وانشاء الله المرات الياية بكون حريصة اكثر صفر على اليمين مب لعبة (ماعليه ارباب انا جديد)..

   يعنى بتكون حسب اول امس جذيه

   اجمالى مبلغ شراء الاسهم 197995

   و 801755 كاش

   انزين بالنسبة لأمس عندك

   اجمالى مبلغ شراء الاسهم 520097.5

   و 500852.5 كاش

   اتحمل عن تتورط وتشترى على المكشوف.

   وماشاء الله المليون يالس ايزيد مع انه السوق احمر والتداول ضعيف بس عندما تتكلم الخبره يسكت الباقون.

   بالنسبة للتعليقات:-

   1- لاحظت انه فيه فرق بالحساب عندى وعندك شوف منو الصح

   فى سوق دبي مثلا على سهم شعاع

   50000*10.35= 517500

   عمولة الوسيط

   517500*0.005= 2587.5+ 10 = 2597.5

   وسوق بوظبي بدون ال + 10

   صح ولا انا غلطانه لانى الاحظ انه فيه فرق شوي بين حساباتى وحساباتك

   2- كيف اتعرف انا الان فى مرحلة تجميع ولا تصريف يوم اتكون فى البداية .. يعنى لازم اعرف اجمالى عدد اسهم كل شركة .. ولا اشوف حجم التداول .. ولا التنفيذ ايكون على العروض او الطلبات .. ولا كلهم مع بعض.

   3- وبعدين كم اتحط فى بالك حدود لخسارتك قبل ما تاخذ قرار انك تتطلع من السهم.

Comments are closed.