دوره تدريبيه على المضاربه في البيع والشراء في المنتدى

108 thoughts on “دوره تدريبيه على المضاربه في البيع والشراء في المنتدى”

1. النوخذه ما نبا نتعبك
   هذا ملف تحسب فيه كل عمليات البيع والشراء وانا سويتلك اول يوم وانت عليك تسوي الايام اللي بعده

2. عينى عليك بارده يالنوخذه .. ماشاء الله ..

   هذا والسوق احمر دخلت 3343.75 من ورا تبريد العنيد ..

   ووقتك اللى فعلا تبذل فيه مجهود مابين تفكير وتركيز واللى من الممكن انه ايضيع عليك احيانا فرص حقيقية فى السوق تأكد انه الله بييازيك عليه كل خير ولاتنسى انه من علمنى حرفا صرت له عبدا وانا من اول يوم لك ابتديت اتعلم ..

   المهم الحسبه اعتقد بتكون جذيه

   انت صرفت 721107.50 وتم عندك 278892.50

   وبعدين بعت تبريد باجمالى 140285 بربح 3343.75

   الحين انت عندك اسهم بـ 530398.75

   ومبلغ 419177.50 كاش

   انشاء الله الحسبه اتكون صحيحه .. بس لو حد ايراجع وراي لانى صدق ابا اتعلم

   بنت الامارات جزاكم الله خير على هذه المسابقة اللى اعتقد انا صدق بنتعلم منها وايد خبرات وتجارب

3. افا عليج الاخت بنت الامارات كل شي يهون علشان خاطركم وعلشان خاطر المنتدى
   لكن هذا الاسبوع واللي عقبه اعتقد المستثمرين وبالاخص المضاربين محتاجين للسيولة للاكتتابات اليديده, بنحاول نقتنص الفرص ان وجدت.لانه السوق راقد في العسل
   ملاحظه: اليوم هب يوم مضاربه بالنسبه للمليون واول مره ادش به . لانه لو دشيت مضارب بتم مستثمر وبجمد لفلوس لانه احتياطي ضعيف . دائما تكون مضاربتي بمبلغ كبير وعلى شركه او شركتين بالاكثر , بس لاجل تفهم بعض الاخوه المبتدئين كيفية طرق الشراء والبيع وحساب العموله واستخدام الاحتياط من السيوله .. الخ
   لكن ما شوف حد دش وسأل الظاهر طلاب الدوره المتدربين والاساتذه والابلوات لاهين ويمعون حق الاكتتابات اليديده,, …. من باجر خصم وتبدأ الانذارات
   تحياتي

4. اسمحلنا يشيبتنا كان عفسناك بس كل شي عشان خاطر المنتدى يهون والله يخليك ذخر لنا

   وماشاء الله عليك ما قصرت شريت وبعت بربح وان شاء الله هالارباح تكون كل يوم

5. السلام عليكم ورحمة الله وبركاته
   اليوم اول يوم وعفستوني بمليونكم … راسي دار وما استفدت شي اليوم في العمليات الحقيقية, لانه السوق هب مال مضاربه خلق الله متحذره لكن دخلت طلبات المليون الوهمي وطلباتي الحقيقية بس هب كثر المليون مالكم والعوض على الله

   الحين بخبركم بالتفصيل شو صار لي اليوم
   الصباح الساعه 10.20 طلبت اعمار 15000 سهم على 12.65
   طلبت الاتصالات 500 سهم على 393
   طلبت تبريد 5000 سهم على 27.25
   صار عندي اجمالي مبلغ الطلبات 522500 من غير العمولات
   وقلت بحتفظ بباقي المبلغ احتياط يمكن استوى الاحتياط 477500
   السبب لطلب هاذي الشركات اعمار لكثرت التداولات عليه والكميه الكبيره من اسهمها متوفره في التداول ,, ودائما اناور فيه في العمليات الحقيقيه ب 30 فلس او 50 فلس زايد ناقص
   الاتصالات .. لتوقع الجميع بارتفاعه وثقتي الشخصيه بهذا السهم وتوقعي بارتفاعه غدا
   اماتبريد .. دخلت الصباح وشفت كمية الطلب عليه مرتفعه واحساسي انه بتكون عليه مضاربه .. وآه يالتيني طلبت زياده بس علشان انتقم منه زين وانتقم للاخ المساهم الاماراتي وياي والله يرده النا بالسلامه من العمره ودعواتك اخوي جن تسمعني الحين
   المهم
   اعمار تنفذ الشراء على 12.65 عدد 15000 سهم بقيمة 190698.75 بالعموله من غير 10 درهم
   اتصالات تنفذ على 393 عدد 500 سهم بقيمة 197482.5 بالعمولة من غير 10 درهم
   تبريد اسرع واحد تنفذ على 27.25 عدد 5000 سهم بقيمة 136931.25 بالعموله من غير 10

   قدمت عرض بيع تبريد على طول على 28.20 وتنفذ الطلب
   5000 *28.20 = 141000 -705=140295-136931.25=3363.75 فايده اليوم من تبريد
   بالنسبه لسهم اعمار لم اتمكن من بيعه لانه لاحظت السهم في نزول والانتظار لغدا افضل
   بالنسبه لسهم اتصالات ايضا كان في نزول في آخر التداول وتقدمت بطلب فوري وعاجل للتعزيز وسحبت شي من الاحتياط
   الطلب 500 سهم بقيمة 390 درهم = 195975 بالعموله
   اصبح عندي 1000 سهم اتصالات
   500 على 393
   500على 390
   متوسط الشراء يعني ظهر السهم على 391.5
   وان شاء الله باجر اول الصبح بينباع
   وهذا والسلام .. لانه اذن العصر ولين الحين ما تغديت ولا صليت والسموحه
   وارجوا من هل بالحسبه او مدققين الحسابات عندنا يخبرني باجمالي الحسبه وكم باجي من المبلغ .. واذا شي ملاحظات بعد تنفع يزاكم الله خير

Comments are closed.