بسم الله الرحمن الرحيم
اليوم سرت عند دو ولقتهم فاتحين باب الاشتراك في خدمة الانترنت السريع
المشابهه لخدمة “E Life” من اتصالات
لكن الاسعار رووووعة جداً
لاحظو الاسعار كيف خيالية ومحطمة بقوة لاسعار اتصالات
في اتصالات انا مشترك بسرعة 1 ميقا ب250 “خدمة الشامل”
لكن في دو ازود فقط 9 درهم على 250 واحصل على 16 ميقا
تخيلو اسرع عن اتصالات ب16 مرة
خدمة الشامل هي الاقدم عن “E Life” واغلى عنها ما ادري ليش
اتصلت في اتصالات صارلي فوق 6 شهور اسالهم ان إذا ممكن احول لل”E Life” قالو ان بنايتك ما تدعم الخدمة اتريا شوي
بس لم خبرت دو قالو ممكن تشترك معانا المهندس بيجي بيركب كل شي
فالحين ابي اشترك بس بصراحة دو تخوف شوي
والكل يعرف السبب
لانها جديده وفي الموبايلات كل يوم تطلع مشكلة نفس الارسال والخ…
صحيح ان حسنو شوي لكن ما زالت في مشكلة
فشو رايكم اخواني ؟؟ اشترك ولا اتريا اتصالات الا ان تدعم خدمة الإي لايف عندي ؟
وشو رايكم عن الخدمة هذي والاسعار بشكل عام ؟؟
وشو رايكم عن الخدمة هذي والاسعار بشكل عام ؟؟
والسموحة
الاسعار حلوة
بصراحه الي اعرفه انه في مناطق بعدها ما وصلت لها شركة دو
العروض افضل واحسن
لكن اتوقع من اتصالات المنافسه
وتقديم عرووض مشابهه عما قريب
وان شاء الله نحن كامستخدمين
نستفيد من ها العرووض
الاسعار روعه
بس شو عن جوده الانترنت عندهم ؟ حد جربه من قبل ؟ يقطع ولا لا ؟
مرحبا أخوي بوصقر.. بصراحة أسعارهم وايد زينه.. والخبر هذا شجعني أشارك وياهم
خدمات الاتصال ومعاملتهم مب شي
حتل تضيف هذي الاشياء
قالو تدفع 400 درهم اول شي ( 200 تامين يرجعونها لم تلغي الاشتراك معاهم وترجع الاجهزة + 200 للاشتراك )
ولازم تضل 12 شهر ( إذا بتلغيه قبل 12 شهر تدفع 100 )
ألف مبروك .. لقد سعدت بهذا الخبر
شـكــ وبارك الله فيك ـــرا لك … لك مني أجمل تحية .