:::دو وخدمتهم الأرف :::

19 thoughts on “:::دو وخدمتهم الأرف :::”

1. انا عندي بلاك بيري خذته عن طريق دو
   وابصراحه ما استخدمه إلا في بعض الاحيان شهر سته تفاجأت باتصال من شركه لتحصيل الديون يقول انت عندك فاتورة تيلفون تابعه لدو المهم رحت واحتشرت وياهم لانه قالوا الخدمه مجانيه بالنهايه دفعت وقلت للموظف اقطع الخدمه والرقم
   قال لا ليش تقطع انت عندك خدمه مجانيه 6 شهور مسوين عرض قلت له اكيد قال اكيد ومرة الايام وانا والله نادر ما استخدم التيلفون واغلب الاحيان مغلق ونفس الشي قبل اسبوع ياني تيلفون من نفس الشركة لتحصيل الديون ويقول عليك فاتوره لليلفون قلت له كيف قال انا ماادري نحنا بس مختصين بتحصيل الديون
   ابصارحه طنشته وتم كل يوم يتصل لين هاك اليوم قال هذا اخر يوم عندك ولا بنقدم شكوى المهم احتشرت وياه ورحت لهم الفرع وسويت لهم حشره ما بعدها حشره وقدمت شكوى وانتظر ردهم..

   السلام عليكم ورحمه الله وبركاته

   انته اكيد مشترك في بطاقه دو الشهريه Elite وفي منها 3 فئات

   الفئه البرونزيه = التزام شهري 200 درهم
   الفئه الفضيه = التزام شهري 500 درهم
   الفئه الذهبيه = التزام شهري 1000 درهم

   لنفترض انك اشتركت ب الذهبيه مع اشتراك 6 شهور بلاك بيري مجاني … لو سكرت البطاقه شهرين مثلا راح تحصل فاتورتك 2000 درهم لان عليها التزام شهري والرقم مميز .. (حتى لو ما تكلمت)

   تحياتي

2. هلا اخواني شحالكم

   عندي مشكله بخصوص خدمه بلاك بيري من شبكه دووو
   
   انا من يوميين جددت الخدمه وحطيت رصيد 130 درهم عشان التجديد كانت مقطوعه وردت الخدمه ولين اليوم الخدمه شغاله
   
   اتفاجات اليوم بمسج منهم بخصوص التجديد طبعا بالانقليزي ماقريته ومسحته وعقبها على طوول انقطعت الخدمه *_* شو السالفه ماعرف المهم اتصلت على 155 رد علي واحد يرمس انقليزي قالي دقيقه ونقعني ع الخط ساعه,,,, قلت ماشي الا اسيرلهم وفعلا سرتلهم قالي نحن مانروم نسوي شي لازم انتي تدخلين ع الوب سايب وتسوين اعاده تفعيل لانه بطاقتج مدفوعه قلت اوك ماعليه يييت البيت وسجلت ودخلت وسويت اعاده تفعيل واونه حطي 130 درهم عشان الخدمه تشتغل @@ كيف ارد اعبي 130وانا امسات معبيه حضراتهم يتمصخرون علينا ولا شو
   
   المهم رديييييييت اتصل مره ثانيييييه والله ياجماااعه ان ساعه وانا اتريا عشان يردووون ولا حياه لمن تنادي

   والله مب حاله

   خبرووووني شو الحل كيف اقدر اتصرف ؟؟؟

   والسموحه منكم هذربت وايد

   السلام عليكم ورحمه الله وبركاته

   انا بتكلم عن تجربتي مع اتصالات وكيف يحسبون خدمه البيانات الشهريه على البطاقه المدفوعه … واحتمال كبير دو تستخدم نفس الطريقه لخدمه البلاك بيري ….في البدايه انتي قلتي التلفون مقطوع … يعني التلفون كان في الماينس الرصيد لنفترض 130 درهم (سالب) …
   
   طبعا بمجرد الاشتراك في خدمه شهريه النظام يحسب 130 درهم كل شهر تلقائيا بغض النظر اذا كانت الخدمه شغاله او غير شغاله …

   اذا افترضنا ان النظام سحب 130 بالمينس على حسابج المدفوعه وانتي مادفعتي وسكرتي البطاقه … بعد مرور 28 يوم شغلتي البطاقه مره ثانيه ودخلتي 200 درهم واصبح الرصيد 70 درهم …. طبعا بعد مرور يومين بس راح يوصلج مسج يطالبونج ادخلين 130 درهم غيرهم واذا ما دخلتي بينقطع وبيرجع ماينس او في حالتج هم قالوا يمكن هيه ماعندها فلوس للاشتراك الشهري بنلغي عنها الخدمه ولازم ترجع تشترك مره ثانيه من خلال selfcare اذا حبت تكمل.

   بالمختصر المفيد اذا اشتركتي في اي خدمه عليها ايجار شهري لازم تتدفعين اول بأول عشان ما تمر ايام بدون خدمه وتتدفعين فلوسج على الفاضي ولو حولتي اتصالات ترى نفس القصه بس بتتدفعين 185 درهم على نفسه الخدمه.

   تحياتي

3. غريبه يا جماعه،

   أخونا x_uae_x ما أدلى بدلوه في الموضوع.

   أحيده في كل موضوع ينطرح يدخل و يسوّي دعايا لـ دو. ههههههههه

4. انا عندي بلاك بيري خذته عن طريق دو
   وابصراحه ما استخدمه إلا في بعض الاحيان شهر سته تفاجأت باتصال من شركه لتحصيل الديون يقول انت عندك فاتورة تيلفون تابعه لدو المهم رحت واحتشرت وياهم لانه قالوا الخدمه مجانيه بالنهايه دفعت وقلت للموظف اقطع الخدمه والرقم
   قال لا ليش تقطع انت عندك خدمه مجانيه 6 شهور مسوين عرض قلت له اكيد قال اكيد ومرة الايام وانا والله نادر ما استخدم التيلفون واغلب الاحيان مغلق ونفس الشي قبل اسبوع ياني تيلفون من نفس الشركة لتحصيل الديون ويقول عليك فاتوره لليلفون قلت له كيف قال انا ماادري نحنا بس مختصين بتحصيل الديون
   ابصارحه طنشته وتم كل يوم يتصل لين هاك اليوم قال هذا اخر يوم عندك ولا بنقدم شكوى المهم احتشرت وياه ورحت لهم الفرع وسويت لهم حشره ما بعدها حشره وقدمت شكوى وانتظر ردهم..

5. الله يعينكم

   مالكم غير الصبر

Comments are closed.