عندي مشكله بخصوص خدمه بلاك بيري من شبكه دووو
انا من يوميين جددت الخدمه وحطيت رصيد 130 درهم عشان التجديد كانت مقطوعه وردت الخدمه ولين اليوم الخدمه شغاله
اتفاجات اليوم بمسج منهم بخصوص التجديد طبعا بالانقليزي ماقريته ومسحته وعقبها على طوول انقطعت الخدمه *_* شو السالفه ماعرف المهم اتصلت على 155 رد علي واحد يرمس انقليزي قالي دقيقه ونقعني ع الخط ساعه,,,, قلت ماشي الا اسيرلهم وفعلا سرتلهم قالي نحن مانروم نسوي شي لازم انتي تدخلين ع الوب سايب وتسوين اعاده تفعيل لانه بطاقتج مدفوعه قلت اوك ماعليه يييت البيت وسجلت ودخلت وسويت اعاده تفعيل واونه حطي 130 درهم عشان الخدمه تشتغل @@ كيف ارد اعبي 130وانا امسات معبيه حضراتهم يتمصخرون علينا ولا شو
المهم رديييييييت اتصل مره ثانيييييه والله ياجماااعه ان ساعه وانا اتريا عشان يردووون ولا حياه لمن تنادي
والله مب حاله
خبرووووني شو الحل كيف اقدر اتصرف ؟؟؟
والسموحه منكم هذربت وايد
السلام عليكم ورحمه الله وبركاته
اخويه انا يوم انقطعت الخدمه عندي ف نفس اليوم حطيت رصيد 130درهم واشتغلت الخدمه وعقبها بيومين انقطعت لابعد مايخبرونك بيوم ان الخدمه بتنقطع
بس انتي قلتي وصلج مسج بالانجليزي ما تعرفين شو مكتوب فيه ومسحتيه … يعني ما يستوي نظلمهم يمكن المسج تحذير البطاقه بتنقطع…
السؤال الاهم ما سكرتي التلفون مده طويله .. اسبوعين الى 4 اسابيع ؟؟؟
السؤال الثاني يوم تتدخلين selfcare يطلع عندج في نص الشاشه كم باقي من البيانات ؟؟
مثل الصوره
وعليكم السلام ورحمه الله وبركاته
اخويه انا يوم انقطعت الخدمه عندي ف نفس اليوم حطيت رصيد 130درهم واشتغلت الخدمه وعقبها بيومين انقطعت لابعد مايخبرونك بيوم ان الخدمه بتنقطع
يعني المشكله مب من عندي من عندهم
طبعا سرت وقدمت شكوى وقالولي اتريي اسبووووع بيردون يكلمووونج الماليه
قلت مايسوى علي كل ها
ويوم قلتلهم برايه برد احط 130 درهم قالي الموظف انصحج لاتحطين لان كل مابيوصلج شي ع البيبي مسن بينخصم من رصيدج مممم مافهمت عليه
ولين الحين اترياهم وجان ماردوووا علي بحول ع اتصالات ^^
مرحبا متعني ومتصرف نورت الموضوع
انا متابع الموضوع من البدايه لاكن قلت بنتظر شوي عشان اشوف كم واحد عندهم مشكله مع دو… تصدق طلعوا معدودين على الاصابع والباقين كلهم مستانسين
الحين لو افتح موضوع عن اتصالات جيش المعارضه من الاعضاء بيدخلون وبيحشون في اتصالات حش… وبتشوف 1000 رد وعدد الزوار 1500 ههههه
اهم شي ما شفت عرض اتصالات اليديد .. يقولك دخل رصيد 240 درهم واحصل على رصيد 45 درهم ينتهي في 10 ايام
(ذالين المشتركين ينتهي العرض تاريخ 15 يناير)
الله يعز دو عن اتصالات لان كل ما ادخل رصيد 200 درهم تحصل رصيد 60 درهم رصيد اضافي لمده 60 يوم قابله لللتجديد
(هذا ليس عرض لمده محدده من دو)
تحياتي
السلام عليكم ورحمه الله وبركاته
انته قلت الخدمه كانت اوكي وفجأه قامت تقطع وترجع …. يعني المشكله من جهازك .. احتمال يكون طاح عنك على الارض واخترب الارسال فيه… ولو ركبت بلاك بيري ثاني عشان تجرب ما راح يشتغل لان تحتاج انك تتدخل موقع دو لخدمه البلاك بيري وتغير ال pin عشان يتعرف على التلفون الجديد او فيه خطوات لازم تتبعها على البلاك بيري عشان تعيد برمجته.
صراحه انا مستغرب من ردود البعض … لان انا اعرف ناس عندهم خطوط دو 24 ساعه على البلاك بيري ومحد فيهم اشتكى من شي
تحياتي