ديكور للحجرة و الحمام ° ساعدونــــــي

34 thoughts on “ديكور للحجرة و الحمام ° ساعدونــــــي”

1. ما شاء الله عليك ……. امبيّن خبير و فاهم، الله يزيدك علم و فهم.

   انزين خلنا نبدأ خطوة خطوة

   { الحمام }

   نوع السيراميك: اسباني ؟ هل تقصد الأرضية مع الجدران الداخلية ؟ هل أحط حزام أو بدون ؟ حجم السيراميك 20×20 للأرضية حسب ما فهمت .. و الجدران بأي حجم ؟

   الخلاطات: قروهي ” ممتاز ”

   الشاور: شو يعني اخليه عادي ؟ انا ما احب الحوض الصراحة !!

   { الغرفة }

   السيراميك: سيراميك رأس الخيمة ” ممتاز ” و الحجم 50×50 ” حلو ”
   الجدران: أصباغ ؟ ” امم بفكر ” لأن نحن مسوين الصالة أصباغ و طالعة باهته شوي !
   الإطارات: أعتقها ” جيد ”

   بالنسبة للأبواب .. أبا باب للغرفة و باب للحمام …… شو تنصحني؟ و من وين اشتريهن؟

   :

   و ألف ألف شكر ………… و ربي يجزيك الخير

   الله يبارك فيج اختي
   نعم الأرضية مع الجدران لازم نفس النوع و الموديل 20×20
   الفاتح فوق و الغامق تحت + الأرضية

   الأكل صار جاهز !
   راجع

2. عمّوه
   حطي في بالج بأن كل الألوان ما تصلح لغرف النوم
   سواء الهادئة أو الصاخبه

   لأن بعض الألوان إذا حطيتيها في غرفة النوم بتييب لج الكآبة و الضيج !

   بخصوص الإضاءة لازم تكون هادئة قدر الإمكان

3. مساء النور اختي

   أولاً : بالنسبة لورق الجدران فأنا ما أنصح فيه لأنه موضه جديمه !
   إن كنتي بتحطين ورق الجدران عشان عندج رطوبه فبإمكانج معالجة الجدران عندج
   بمادة إسمها ( إمباسل كوت )
   فكري في الأصباغ الإيطالية ( ماس ) مثلاً موديل ( ليلون )
   أو أصباغ ليدي من جوتن أو ستوكو ماربل جوتن
   المهم في حال حبيتي تصبغين ، بما أن الغرفة عندج صغيرة نوعاً ما 16 متر مربع
   خبري الصباغ بأنه يسوي الخطوط ( أفقية ) فالخطوط الأفقية تضيف مدى أوسع و عمق ممتاز للمساحات الصغيرة
   أروع الألوان اللي تناسب غرف النوم سواء الأصباغ أو ورق الجدران :
   الأخضر( لون الحياة و الأمان ) و يتناغم مع هذا اللون : الليموني ، الأصفر ، و الأزرق
   و يتناقض مع الأخضر : الأحمر ، البني و البنفسجي
   الألوان المتناقضة تضفي الحيوية على الغرف اللي بمساحة غرفتج

   إذا ما عيبج اللون الأخضر
   إختاري اللون البنفسجي ( لون الترف و الرفاهية )
   اللون هذا يعمل لج جو غير إعتيادي في الغرفة
   الألوان المتناغمة معاه (( سواء لون الجدار الثاني أو إختيارج للأثاث فيما بعد ))
   : الأزرق ، الأحمر ، و الرمادي
   المتناقضة : الأخضر و الأصفر

   الألوان اللي حطيتها لج كمثال شوفي إنتي أي لون يعيبج و خبريني عنه
   و بخبرج عن التركيبة المناسبة له

   بخصوص الإطارات أو الكرانيش ( البوردرات ) إذا كانت بحجم 15 سم – 17 سم خليها مكانها
   بإمكانج تعتيقها بالوود شيلد من جوتن رقم 9004

   الأرضية خليها جرانيت رأس الخيمه ( بس لازم القطع تكون 50×50 ) ما تكون أكبر
   أو جرانيت صيني ( فل بدي ) نفس الحجم
   الناشفه على قولتج ما يحطونها في غرف النوم

   بما أن عندج الحمام صغير
   ما أنصحج تحطين فيه لا شور روم و لا شاور كابين
   خليه عادي أحسن

   أفضل أنواع السيراميك للحمامات ( الأسباني )
   بالنسبة لحمامج لازم تكون القطع 20×20 ما تكون أكبر بأي حال من الأحوال
   الخطوط اللي في السيراميك إختاريها أفقيه و اللون لازم يكون هادي

   لون سيراميك الأرضية خلّيه مثل النصف السفلي من الجدار
   و أفضل طريقة للتركيب إكس ×

   بالنسبة للدبل يو سي و المغسله
   نسبة لصغر حجم الحمام
   فأفضل الموديلات اللي تركب من غير ما تسبب لج إزعاج و ضيق
   هي : كومباكت / شارلتون / ليوا / أورينت / كارلا / إيمي
   من منتجات سيراميك رأس الخيمة نخب أول
   الخلاطات : غروهي في المركز الأول أو كلودي من مصنع سيراميك رأس الخيمة
   ما أنصحج في الصيني لو عطوج إياه ببلاش !

   بالنسبة لترتيب الأولويات :
   أول شي إبدي في الحمام و انتي بكرامه
   و بعدين أرضية غرفة النوم و السقف
   و آخر شي الصبغ

   أتمنى أني أكون أفدتج و الإخوة القراء الكرام

   تحياتي

   كما أني أتوجه بالشكر الجزيل لأخوي المتميز خَلقاً و خُلُقاً

   العميمي لثقته الغالية

   ما شاء الله عليك ……. امبيّن خبير و فاهم، الله يزيدك علم و فهم.

   انزين خلنا نبدأ خطوة خطوة

   { الحمام }

   نوع السيراميك: اسباني ؟ هل تقصد الأرضية مع الجدران الداخلية ؟ هل أحط حزام أو بدون ؟ حجم السيراميك 20×20 للأرضية حسب ما فهمت .. و الجدران بأي حجم ؟

   الخلاطات: قروهي ” ممتاز ”

   الشاور: شو يعني اخليه عادي ؟ انا ما احب الحوض الصراحة !!

   { الغرفة }

   السيراميك: سيراميك رأس الخيمة ” ممتاز ” و الحجم 50×50 ” حلو ”
   الجدران: أصباغ ؟ ” امم بفكر ” لأن نحن مسوين الصالة أصباغ و طالعة باهته شوي !
   الإطارات: أعتقها ” جيد ”

   بالنسبة للأبواب .. أبا باب للغرفة و باب للحمام …… شو تنصحني؟ و من وين اشتريهن؟

   :

   و ألف ألف شكر ………… و ربي يجزيك الخير

4. أخيرا يا الفرج ……………. أولا مشكور على ردك و فزعتك جزاك الله خير

   أول شيء الغرفة صغيرة نوعاً ما 4×4 m و الحمام 3 12 × 2 12 m تقريباً

   اللي ابا اسويه تغيير كامل ……… الجدران أبا أسويلها ورق جدران بس ما أبا اسوي تنزيل أحب السقف يكون عالي مثل ما هو … كان عندي جبس اطارات من فوق السقف و الشباك و الباب لكن أبا ألغيه تماما … الأرضية أبا ابدل لها السيراميك أو أحط فخار صيني أو شو رايك ؟ و ما اريدها تكون زلقه يعني ناشفة شوي أحسن ….. أو مادري شو أحسن ؟

   بالنسبة للحمام أبا اشل كل اللي فيه و بدله ……. حجر حجر …… يعني تغيير كامل للكاشي الجدران و الأرضية و لوازم الشاور و المغسل و إلخ ……… حتى ما أعرف شو المناسب … بس صدق أبا اغير

   بليييييييز ساعدني بأفكارك و قولي من وين اشتري و كيف أرتب أولوياتي و من وين أبدا ؟

   و لك دعوة { دعاء } طيب إن شاء الله

   مساء النور اختي

   أولاً : بالنسبة لورق الجدران فأنا ما أنصح فيه لأنه موضه جديمه !
   إن كنتي بتحطين ورق الجدران عشان عندج رطوبه فبإمكانج معالجة الجدران عندج
   بمادة إسمها ( إمباسل كوت )
   فكري في الأصباغ الإيطالية ( ماس ) مثلاً موديل ( ليلون )
   أو أصباغ ليدي من جوتن أو ستوكو ماربل جوتن
   المهم في حال حبيتي تصبغين ، بما أن الغرفة عندج صغيرة نوعاً ما 16 متر مربع
   خبري الصباغ بأنه يسوي الخطوط ( أفقية ) فالخطوط الأفقية تضيف مدى أوسع و عمق ممتاز للمساحات الصغيرة
   أروع الألوان اللي تناسب غرف النوم سواء الأصباغ أو ورق الجدران :
   الأخضر( لون الحياة و الأمان ) و يتناغم مع هذا اللون : الليموني ، الأصفر ، و الأزرق
   و يتناقض مع الأخضر : الأحمر ، البني و البنفسجي
   الألوان المتناقضة تضفي الحيوية على الغرف اللي بمساحة غرفتج

   إذا ما عيبج اللون الأخضر
   إختاري اللون البنفسجي ( لون الترف و الرفاهية )
   اللون هذا يعمل لج جو غير إعتيادي في الغرفة
   الألوان المتناغمة معاه (( سواء لون الجدار الثاني أو إختيارج للأثاث فيما بعد ))
   : الأزرق ، الأحمر ، و الرمادي
   المتناقضة : الأخضر و الأصفر

   الألوان اللي حطيتها لج كمثال شوفي إنتي أي لون يعيبج و خبريني عنه
   و بخبرج عن التركيبة المناسبة له

   بخصوص الإطارات أو الكرانيش ( البوردرات ) إذا كانت بحجم 15 سم – 17 سم خليها مكانها
   بإمكانج تعتيقها بالوود شيلد من جوتن رقم 9004

   الأرضية خليها جرانيت رأس الخيمه ( بس لازم القطع تكون 50×50 ) ما تكون أكبر
   أو جرانيت صيني ( فل بدي ) نفس الحجم
   الناشفه على قولتج ما يحطونها في غرف النوم

   بما أن عندج الحمام صغير
   ما أنصحج تحطين فيه لا شور روم و لا شاور كابين
   خليه عادي أحسن

   أفضل أنواع السيراميك للحمامات ( الأسباني )
   بالنسبة لحمامج لازم تكون القطع 20×20 ما تكون أكبر بأي حال من الأحوال
   الخطوط اللي في السيراميك إختاريها أفقيه و اللون لازم يكون هادي

   لون سيراميك الأرضية خلّيه مثل النصف السفلي من الجدار
   و أفضل طريقة للتركيب إكس ×

   بالنسبة للدبل يو سي و المغسله
   نسبة لصغر حجم الحمام
   فأفضل الموديلات اللي تركب من غير ما تسبب لج إزعاج و ضيق
   هي : كومباكت / شارلتون / ليوا / أورينت / كارلا / إيمي
   من منتجات سيراميك رأس الخيمة نخب أول
   الخلاطات : غروهي في المركز الأول أو كلودي من مصنع سيراميك رأس الخيمة
   ما أنصحج في الصيني لو عطوج إياه ببلاش !

   بالنسبة لترتيب الأولويات :
   أول شي إبدي في الحمام و انتي بكرامه
   و بعدين أرضية غرفة النوم و السقف
   و آخر شي الصبغ

   أتمنى أني أكون أفدتج و الإخوة القراء الكرام

   تحياتي

   كما أني أتوجه بالشكر الجزيل لأخوي المتميز خَلقاً و خُلُقاً
   العميمي لثقته الغالية

5. شوفي اذا مب متفيجه شي محل روعه شوي عليه اثاثه فرنسي ايطالي شرات اللي اتشوفينه في قصر فرساي وهم ايصممون لج الغرفه والملحقات ، بس جهزي بيزاتج بتفلسين من بعدها هههههههههه

   اما اذا متفيجه صدق حطي في بالج تصميم معين ودوري على القطع في الامارات، يمعي الاثاث قطعه قطعه ، بتحصلين كل الاثاث موجود بس مب في كل المحلات ، شوفي هل الصور اللي عندي شفت القطع موجوده في اماكن مثل ايكيا ، اوت لت ، السوق الصيني ، مركز السجاد (مب متأكده من الاسم بس ورا لامسي بلازا) ، زارا هوم ، سيراميك راس الخيمه ، الخ ،،

   

   

   

   

   

   

   

   

   

   الصراحة الصور حلوة و الأفكار وايد خصوصا في النت .. و أنا كتبت الموضوع عندكم عشان ما شتت مخي و آخرتها ما اسوي شيء لووووووول

   لا الحمد لله … بحاول أتفيج زين و امخمخ راسي للموضوع لأني طفشت من الروتين من عام çç لين الحين ما غيرت شيء في حجرتيه ……. خلاص ابا اجدد من الداخل للخارج و نفسي بعد أرتب الحديقة المطلة على شباك حجرتيه و ازرعها ورود و قرنفل و ياسمين و ياس

   الله كريم

   المهم خطوة خطوة و إن شاء الله خير

Comments are closed.