السلام عليكم و رحمة الله و بركاته
مساؤُكم طيب و ريــــاحين، و كل عام و أنتم بخير
القصة و ما فيها أني زرت بيت قوم عمي أمس، و ما شاء الله ع التجديدات لي سوًوها في بيتهم
الصالة راقية جداً بألوان عصرية، و الأثاث فخم بأشكال رائعة و متناسقة مع لون الديكور
و الزوايا فيها حركات حلوة ما شاء الله
و مسووين بعد مغاسل للضيوف رخامية مع مرايا معشّقة و مزخرفة ” تبارك الله “
من الأخير عجبني بيتهم و ما رمت أرمس و لا ببنت شفة
:
الحين أبا حد يقولي و يساعدني لأني أبا اسوي تجديدات في غرفتي الخاصة مع الحمام
فياليت تساعدوني بالأفكار و الأهم شو هي المحلات المتخصصة بالفخار الصيني أو السيراميك
و لوازم الحمام و إلخ
لا تخيبون ظني فييييييييييييييكم و فزعتكم
عمّتكم
حياكم الله يا عود معطر و الكعبي ………… و ان شاء الله نستفيد كلنا و نتشارك الافكار الحلوة
و ما قصر فارس بلا جواد .. الله يجزيه الخير
موضوع حلوه وبالتوفيق اختي
ولي عودة عشان ابغي استفيد من الجماعة
لأني أبغي اعدل البيت خلال الفتره الياية ان شاء الله
فارس بلا جواد
مشكووووووووووووور ع المعلومات ومنكم نستفيد
وانا ناوية اغير غرفتي بعد وان شالله بستشيرك
صدق بياض ويه الساع و ما قصرت
نخدمك في عرسك إن شاء الله
بالنسبة للأوان .. أنا أحب ألوان الباستيل .. و درجات البيج و أحس أنها تظل جديدة مهما تغير عليها الزمن .. يعني ما تجدم !
انا حاليا الألوان عندي أخضر على بيج على بطيخي ” بصراحة وايد حلو ” و هو عبارة عن ورق جدران مع سجاد ع الأرضية
الحين أكيد أبا شيء غير …. بس اللون الحالي وايد مرتاحه عليه.