السلام عليكم
عندي مشكله
اتصل بي الاستشاري وقالي ديوا يبغون يحطون محول الكهربا في ارضك
وهالمحول بيغذي مجموعة بيوت في المنطقه شو الحل يا الربع؟
ما حصلوا عير ارضي يحطون فيها محول كهربا؟ وبعدين اذا في عطل او تمديد كهربا لازم يدشون البيت ولا شو السالفه؟
اذا حد عنده خبره او مرت عليه هالسالفه قبل يخبرني بليييييييييز؟
المقاول قالي ممكن اتسير واتحاول معاهم واذا اصريت يمكن يلغونه من ارضي؟؟
شو رايكم ؟
اخوي لاتوافق مهما سووبك الا اذا بيطلعونه من ارضك على حسابهم
بخبرك سالفتي
مره كنت بشتري ارض في بوظبي..الارض مكانها جدا مميز ولكن الغريب في الموضوع سعرها كان اقل عن سعر الاراضي في السوق يوم سرت اشوفها لقيت فيها محول على راس الزاويه فكلمت الوسيط قالي ياخي هذي مش مشكله تقدر تشله بخمسين الف وانته الربحان قلت خمسين الف مقدور عليها لكن مارتحت الين ماسرت هيئة الكهربا في بوظبي تخيل شو قالولي
-اذا بغيت تشل الكيبل انته بتتحمل تكلفة النقل والتكلفه بنص مليون درهم!!
-اذا رضيت انه يتم في الارض بالاضافه الى الكيبل لازم تخلي مساحه من اربع جوانب تسمح بدخول سياره في حالة حدوث عطل فني!!
طبعا ماناسبني المبلغ ولاحتى انهم ياكلون من الارض زياده وكنسلت الشروه
سير ضاربهم ولا تسكت عنهم وتحمل توافق
جيه من قلة الاراضي عشان يحطون المحول في أرضك
ولا أرضك سبيل مخلايه
ما عندى خلفيه عن الموضوع
بس من كلام الاعضاء ارفض الطلب
مشكورين على التفاعل
هذا للاسف في امارة دبي
الارض استلمتها وما فيها محول كهربا
الحين يوم سرت الكهربا وابا اطلع شهادة عدم ممانعه حق البناء عطوني الشهادة مع “substation required
للاسف سوء تخطيط
وين إستوت هذي !!!!!!!!!!
محول في أرض سكنيه !!!!
سوء تخطيط هذا ماسمعنا عن محول في أرض
سكنيه !!!!
كل كيبل يكون بعيد عن البيوت وين هذا أي إماره؟؟