السلام عليكم
عندي مشكله
اتصل بي الاستشاري وقالي ديوا يبغون يحطون محول الكهربا في ارضك
وهالمحول بيغذي مجموعة بيوت في المنطقه شو الحل يا الربع؟
ما حصلوا عير ارضي يحطون فيها محول كهربا؟ وبعدين اذا في عطل او تمديد كهربا لازم يدشون البيت ولا شو السالفه؟
اذا حد عنده خبره او مرت عليه هالسالفه قبل يخبرني بليييييييييز؟
المقاول قالي ممكن اتسير واتحاول معاهم واذا اصريت يمكن يلغونه من ارضي؟؟
شو رايكم ؟
شو انته مينون توافق
يابوي هذي سرطانات وامراض خبيثة من ورى خطوط الضغط العالي والمحولات
نصيحتي لك تسوي بحث في الانترنت عشان تتاكد واذا لقيت معلومات تاكد هالشي قدمها لهم وقولهم الله يفتح عليكم
اخوي ارباب المشكله الان بوضع المحول في الارض
يعني لازم اسير لهم وارفض هالشي وبالنسبة للكهربا مثل ما قال الاخ احمد يوم البيت بيجهز وبسير بطلب توصيل الكهربا ما بيعطوني كهربا لين ما يحصلون واحد يضحي ويرضى انهم يحطون المحول في ارضه
على العموم بسير لهم مع الاستشاري يوم الخميس وان شاء الله بتتيسر الامور
دعواتكم
ممكن اعرف كم حجم المحول
هذه المشكلة مرت علي في بناية لي لاكن تم حلها من قبل المهندسين بعد رفضي بمد كيبل من محول قريب وتحملت تكلفة الكيبل
انته عليك بلذهاب الى الدائرة والاستفسار من قبل مهندسين التوصيل ان اقرب مجمع كهرباء وانك تتكلف بقيمة الكيبل الاضافية
ارباب
ههههههههههههههههه الله يسامحك الريال شكله كان بيوافق على المحول لكن عقب ردك ماعتقد يوافق ابد عقب سالفة الحريقة
اذا ما قدرت عليهم خلهم يعطونك تعويض وعطهم الارض يسوون فيها اللي يبونه