// ذبيحة ثالث يوم في العيد مشواي في التنور طبخها كان علي أنا وختيه // بالصور

51 thoughts on “// ذبيحة ثالث يوم في العيد مشواي في التنور طبخها كان علي أنا وختيه // بالصور”

1. بصراحة ماكنت اتوقع ان في بنات ف هالأيام يسوّن هالشيء

   تسلم الأيادي

   الله يسلمك ويطول بعمرك، لا والله يا خوي ترى وااايد بنات راعيات سنع وبيوت ويعرفن لهالسوالف، بس المشكلة في الأهل يوم إنهم ما يعودون بناتهم على هالسوالف ( لحم / تنور / حطب )، وإنت لو تبا تظهر البنت راعية سنع ساومها في هالشي، يعني قول لها لو تطبخين جيه بظهرج وبسويلج وبييبلج ومن هالأمور، وهي روحها بتحب الطباخ وتتفنن فيه بعد فترة، ترى نحن حالنا حال كل البنات بس نزيد عليهن إن أهلي يموتون في شي إسمه لحم، والتنور كل أسبوعين على الأقل لازم تكون فيه ذبيحه ويطبخنها البنات في البيت، يعني لا مفر من شوفة التنور، والطباخ تسلايه، ثلاث ساعات مرت بسرعه ما حسينابها أنا وإختي، وحياك

   تحياتي

2. معقوووووووووووووووووووووووول؟؟؟؟

   بنات ومن هذا الجيل يسووووون ها الشي ؟؟؟

   ربي يحميكم وتسلم الأيادي

3. حلو ما شاء الله

   بس الذبيحه عوده شوي ولا عيل هذا؟

   حلاته من يكون طلي

   بالعافيه عليكم

4. بصراحة ماكنت اتوقع ان في بنات ف هالأيام يسوّن هالشيء

   تسلم الأيادي

5. 4- يلسنا ساعه على التنور نولع فيه ونكسر الحطب وتكسرت ويا الحطب أظافرنا، وأصواتنا وصلت بيت الييران ضرابه أنا وختيه فوق هالتنور ( الإختلاف في الرأي لا يُفسد للمشواي قضية )

   

   5- هنيه كان التنور جاهز لإستقبال اللحم

   

   6 – سرنا نترابع على المطبخ وقربنا اللحم صوب التنور وجهزناه

   

   7 – أول شي دخلنا المرق ( يتكون من الراس وبعض بقايا اللحم ) عسب الشحم إلي في اللحم ينزل على المرق ويعطيه نكهه روووووعه

   

   8 – يبنا اللحم وحطيناه فوق المرق بكل هدوء عسب ما يطيح علينا

   

   9 – هنيه غطينا اللحم بصحن ويبنا كم زولية وغمسناهن في الماي وفرشناهن مباشرة على الصحن ويبنا كم طابوقه وغطينابهن

   

   10 – بعد ساعه ونص ظهرنا اللحم

   

   11 – الصورة النهائية للمشواي وطبعاً كنا مجهزات العيش في المطبخ

   

   .

Comments are closed.