السلام عليكم و رحمة الله و بركاته
البارحه أجتمعت مع أحد لاصدقاء أيام الطفوله….
و أسترجعنا بعض الذكريات أيام المدارس,(والله أيام حلوه) طبعا كل واحد منا شخبط على طاولته ألي كان يحط حروف و الي يرسم ويه مدرس يكرهه و الي كان يبرشم ….والي لعوز المدرس…والي كان يشرد ….الخ
خلونا نرد كم سنه للخلف و نرد هل ذكريات, كل عضو يذكر الموقف او شيء ظريف صارله أيام الدراسه
ببداها أنا
كنى تقريباً في الاعداديه حصة الجغرافيا وربيعي كان مفتح عينه بس نايم :^7: و فجأه ساله المدرس أين يقع تيار كناري يا حمود؟
حمود: طبعا ما يدري شو سالفه و هو يبى يوقف يأشر لي غششني غششني…….
بو سعود :قلت له قول طب طب نو ……لا تسألوني شو معناها قلت خل أقوله أي شىء أبى أضحك
حمود: بكل ثقه طب طب نو أستاذ
لاستاذ: طب طب نو في عينك يا …. يا …. يا….. و صمه كف و طرده من الحصه :^4:
بو سعود: وين تلقونه طحت من طاولتي من كثر الضحك ما قدرت أتمالك نفسي والله أني قمت أصيح من الضحك….و الطلاب كلهم ماتوا من الضحك:efgh:
لاستاذ: مب قادر يسيطر على الموقف و طبعاً عرف أني أنا مغششه غلط و قالي طب طب نو هاااا
ويدزني برع الصف مع حمود …..:ppnn:
لليوم يوم أشوف حمود يرجع يسألني من وين يبت طبطب نو و نضحك و نضحك
يريت هل أيام ترجع ولو للحضه
أنتظر مواقفكم
تحياتي بو سعود
شو هالشطاااااانه:075:
:ajeeb1:
عاد انا ما احيد سوالف المدرسه من مليون سنه << عيووووووووووز
بس تذكرت سالفة تنقيعه نقعتها لين الحين ربيعاتي ذاليني عليها..في الكليه طبعا
طبعا في امتحان الايلس Ielts انا يايبه سبعه و ذاله ربيعاتي ذل لاني يايبه اعلى درجه بينهم..لان تسعه هي اللي لغته الاصليه الانجليزي..و سته طلب الكليه لدخول البكالريوس << يحقلي اتخقق اعرف انجليزي:aaddfkl:
الموهيم الاستاذ مره كان ميود ورقه و فيها اسامي بنات مطلوبات لشي..و كنت ابا اسأله اذا اسمي من ضمن اسامي البنات اللي في اللسته… و جان اقوووله : Sir, is me there?
و يا ريتني ما قلت…الاستاذ بحلق عينه و قال لي: who is your english teacher?
يا فضيحتي و انا اخر سنه كليه و يايبه اعلى درجه في الايلس..و بس من هاك اليوم استويت مصخرة الكلاس…كل ما وحده تشووفني تقووول ازز مي ذييييير؟؟
:rrreer:
هههههههههههههههههههههه سوالف حلوه والاحلى تعريف الارخبيل هههههههههههههههههههه
خليتوني اتذكر الايام الحلوه ايام المدرسة والجامعه 🙂
من المواقف اللي في ذاكرتي
” لما رن المنبة الساعه 7 الصبح عندي دوام الساعه 8 مساق جبر خطي شفت المنبة بندته وقلت خل انام رع ساعه ما راح تضر حد
شوي وفزيت شفتها سبع وثلث بسرعه اجهز وانزل ولا طبعا صحيه ما اروح بدون ما افطر الساعه 8الا 10 درقايق انا في المحاضره اول ما دخلت كل البنات يطالعوني و الغريبه انه الدكتور موجود في القاعه ليش ؟؟؟شكله نشيط اليوم وقاعد ينادي الغياب استغربت لانه من عاده ينادي الغياب اخر المحاضره
قعدت مكاني ولا على بالي صدت لي رفيجتي تقول يا قوات عينج شو يايبنج الحين خلصت المحاضره
فتحت عيوني قلت شو ؟؟؟؟؟؟؟؟؟؟؟؟؟؟؟صديت في الساعه الى هي 9 الى عشر مش ثمان انا ما نمت ربع ساعه انا نمت ساعه 🙂
وطبعا رحت اشرح للدكتور اللي كان يضحك والحلو انه ما حسبني غياب 🙂
وموقف ثاني بعد محاضرة تبع الرياضيات لاني ما كنت احبه وايد اسمها كالكولس
المهم انا من عادتي لازم اخذ مجلة ميكي معاي الكلية للتسلية
المهم دخلت المحاضره و كانت ممله فتحت الكتاب وحطيت داخل الكتاب المجله وقعدت اقراء فيها
كان الدكتور شاك انه عندي شيء غير الكتاب لاني كنت اطالع في الكتاب واضحك و كان يروح ويرد علي ولما كنت اشوفه يقترب كنت اسكر الكتاب
المهم اندمجت في مغامرات بطوط والعم ذهب و كنت اضحك وما حسيت الى والدكتور فوق راسي يقول لي وات از ذس ؟؟؟ وياخذ المجله مني
طبعا انا صرت اتصبب عرق واعتذر وما اعرف شو اقول
وهو يقول لي روح حلي المعادله اللي على السبوره طلعت جدام كل البنات واتفشلت لاني ما كنت منتبه
بس كله كوم وانه ياخذ عني مجلة ميكي كوم
ما شااء الله الأخوان جنهم ما درسوا الا الجغرافيا
مظهرين ابداعكم في المادة :hhjkl:
يسلموو بو سعود ع الموضووع
احنا المشكله ذكرياتنا غير ما نيسر نسوي مثلكم سيده الخبر عند اهلنا:67eee:
تحيااتي:rose67:
موضوع رائع ولي عوده باذن الله
خخخخخخخخخخخخخخخخخخخخ
طب طب نوووو
ذكرتني فيما مضى …
المواقف الي تعرضت لها في الراسه كثيره وتحتاج الى منتدى كامل :efgh:
ولاكني اذكر .. قصة احد الطلاب كان معي في نفس الصف وتحديداً قدامي بكرسيين :^5:
(( بايعنها .. دوومه راقد ولايهمه لا درس ولا حصه ولا نجاح ولا حضور ولا غياب )) ..
المهم .. في امتحان الجغرافيا جانا سؤال تعريف عن الارخبيل …
ما هو الارخبيل ؟؟؟
كل الصف جاوب هذا السؤال بالتحديد صح ما عدا هذا الطالب ..
وهذا الشي الي خلا المدرس يفضحه ويراوينا اجابته واحد واحد لووووووووووووول
تصوروو شووو كتب …
الجواب ما نسيته ولا راح انساه طووول عمري خخخخخخخخخخخخخخ
الارخبيل هو حضيره في وسط البحر يكثر فيها الدجاج :rofl:
خخخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخ