السلام عليكم و رحمة الله و بركاته
البارحه أجتمعت مع أحد لاصدقاء أيام الطفوله….
و أسترجعنا بعض الذكريات أيام المدارس,(والله أيام حلوه) طبعا كل واحد منا شخبط على طاولته ألي كان يحط حروف و الي يرسم ويه مدرس يكرهه و الي كان يبرشم ….والي لعوز المدرس…والي كان يشرد ….الخ
خلونا نرد كم سنه للخلف و نرد هل ذكريات, كل عضو يذكر الموقف او شيء ظريف صارله أيام الدراسه
ببداها أنا
كنى تقريباً في الاعداديه حصة الجغرافيا وربيعي كان مفتح عينه بس نايم :^7: و فجأه ساله المدرس أين يقع تيار كناري يا حمود؟
حمود: طبعا ما يدري شو سالفه و هو يبى يوقف يأشر لي غششني غششني…….
بو سعود :قلت له قول طب طب نو ……لا تسألوني شو معناها قلت خل أقوله أي شىء أبى أضحك
حمود: بكل ثقه طب طب نو أستاذ
لاستاذ: طب طب نو في عينك يا …. يا …. يا….. و صمه كف و طرده من الحصه :^4:
بو سعود: وين تلقونه طحت من طاولتي من كثر الضحك ما قدرت أتمالك نفسي والله أني قمت أصيح من الضحك….و الطلاب كلهم ماتوا من الضحك:efgh:
لاستاذ: مب قادر يسيطر على الموقف و طبعاً عرف أني أنا مغششه غلط و قالي طب طب نو هاااا
ويدزني برع الصف مع حمود …..:ppnn:
لليوم يوم أشوف حمود يرجع يسألني من وين يبت طبطب نو و نضحك و نضحك
يريت هل أيام ترجع ولو للحضه
أنتظر مواقفكم
تحياتي بو سعود
ما شااء الله الأخوان جنهم ما درسوا الا الجغرافيا
مظهرين ابداعكم في المادة :hhjkl:
يسلموو بو سعود ع الموضووع
احنا المشكله ذكرياتنا غير ما نيسر نسوي مثلكم سيده الخبر عند اهلنا:67eee:
تحيااتي:rose67:
ما عليك أذا تبى قصص غير حصة الجغرافيا حاضرين الMemory عندي Full
و مشكور لمروك الطيب أخوك بو سعود
ههههههههه ديجيتال أحمد ربك مدير السكن ما سولك سالفه كبيره
و زين انها عدت على خير:rofl: :rofl:
ذكرتونا بسوالف الجامعة!
أذكر مرة اتفقنا أنا وزميلي في السكن الجامعي إننا نغير ترتيب الغرفة..شفنا الأثاث وايد ماخذ مساحة من الغرفة..قلنا نسوي شي يديد.. بدينا نفكر شو ممكن نسوي؟ لين ما وصلنا لفكرة اننا نييب سرير طابقين! ولإنه طبعاً مخالف للوائح في جامعة الإمارات.. شو سوينا قلنا بنقلبها نجارة داخل الغرفة..يبنا العدة تهريب بسيارة سيدريك استيشن من واحد من الربع.. واشتغلنا طاخ طيخ طول النهار.. واستوت على احسن ما يكون!! عقب المساحة شفنا وايد طلعت كبيرة داخل الغرفة.. يبنا وحدة من البروجكترات مال العرض.. وقلبناها سينما.. بروجكتر على مساحة الجدار كله.. وسماعات ثري دي..وجمهور ما قصروا الربع.. وأحدث الأفلام الأمريكية الله يخلي البريمي.. ووو.. ونهاية القصة استوت عقب في مكتب مدير السكن.. لكن الحمد لله عدت على خير!
وحده من الذكريات
انا درست في المدارس العسكريه من الابتدائي الى الثانويه…المهم ما اطول عليكم
كان عيد الاتحاد و طبعا كنى هل اليوم المدرسه تحتفل ….المهم أنا و ربيعي حمود مره ثانيه
بو سعود: شو يالسين نسوي ويى هل يهال.. قم خلنى نشرد و نروح الكفتيريا نتريق محد بيحس فينا لان الكل مشغول..وبعدين نروح البيت …. وطبعا بعد الاحتفال بيكون عندنا 3 أيام إجازه….
حمود: والله أنك ريال يالله قم…..
خلوود الدب:سمعتكم وين رايحين بشرد وياكم :vb_comean
حمود : أنتى وين فيك تشرد ويانا يا الدب……ههههه أيلس هني و راقب لنا المكان
خلوود الدب: و الله أن ما خذيتوني بخبر عليكم….
بو سعود: تبى تخبر خبر أحنى ما نخاف يالله يالله روح
المهم تمت عمليت الشرده بخير…وطلبنا من الكفتيريا و مستانسين….والا Land Rover فيه الرائد سيف مدير المدرسه و خلود الدب معاه ………. صااااااادوه
طبعا ركبنا مع المدير و رحنى المكتب عنده وهزء فينا ليما قال بس…طبعاً في عقوبه
العقوبه: بو سعود , حمود
قرعونا جدام الطلاب كلهم والله فشيله
وخلانا نركض على الميدان ليما الله ذلنا
و اخيراً سجن في المعسكر طول الاجازه والله حرام
خلوود الدب: تستاهلون ليش ما خذيتوني معاكم
مدير المدرسه: سمعه وقال عقو خلود معاهم و قرعوه
بو سعود و حمود: أحنى الثلاثه في زنزانه وحده و متنى من الضحك على خلود..لي ما خليناه يصيح
مسكين ما راح الكفتيريا و نسجن ويانا هههههههههههههه
على فكره خلوود الدب ألحين نقيب طيار مع حمود
مجرد ذكريات
أخوكم بو سعود
اشكرك اخوي كل الشكر على الموضوع الرائع
عاد أنا سالفتي شوي فيها شطانه خخخخخخ
أيام حلوه يوم كن في صف أول ثانوي .. طبعاَ كنت طالب ولا أروع.. حق الشردات
المهم كنت مضارب ويا مدرس الجيولوجيا بس ما بقولكم شو امسوي عن الفضايح هههه
المهم نهاية مشكلتي ويا المدرس ( صفعني بككككككككككف ) خلا ويهي يستوي كباب:aaddfkl:
ومن يومها المدرس قالي ( مش عاوز أشوف وشك هنا تاني ) وأنا قلت الحمدلله يت منه ولا مني خخخخ
وفي يوم من الايام وكانت الحصه الثالثه وعلينا جيولوجيا وانا اتريا هالحصه عشان افتك من الحصص
المدرس دخل الصف والتلميذ طالع باحترامه…
طبعاً وقت فراغ طويل 45 دقيقه شو اسوي فيها .. وقلت ماشي إلا أسير صف اخوي وكان في المرحله الثانويه العامه واستأذن من الاستاذ واقوله بغيت أخوي شوي بسالفه..
وانا غرضي عشان نلحق على السندويشات ونتفادى طابور المقصف خخخخخ
ورحت عند صف اخوي بكل أدب واحترام دقيت الباب .. لوسمحت استاذ بغيت اخوي شوي
وفي هذي اللحظه كنت أأشر على أخوي للاستاذ واللي حذال اخوي ربيعنا بس كان راقد
وشو رد علي الاستاذ .. وين اخو هالولد .. تتوقعون منو اللي رد على الاستاذ
هههههههه هههههههه
هههههههههههههههه
ربيعنا اللي كان راقد .. على طول قام يمشي ويقول انا اخوه انا اخوه :rofl:
واخوي مسكين انقهر وقام بعد ..بس شو قال للاستاذ :
أنا ولد عمه انا ولد عمه
ولبسوا المدرس .. والمدرس امبطل حلجه ويود راسه
وقمت في كل حصة جيولوجيا أسوي هالحركه
ههههههههههه ههههههههه
كلهم بصوب و انتى بصوب يا رجل طموح طلعت مب هين :rofl:
أنزين ليش هل نذاله قول للمدرس هذا مب أخوي و لا تخلي أخوك يموت من القهر :rofl:
شاكر لك مشاركتك الحلوه
نورت موضوعي
أخوك بو سعود