رجال طول و عرض حاط حرمتة بدون اية خجل و لا مستحا و يحوطبها في نصف
الكوفيات و المطاعم من جابنغو الى بيلا و من ستار بوكس الى جيرارد بدون اية
غيرة على اهل بيتة و عندما ينظر غالبية الشباب في هذة المطاعم و القهواي
الى زوجتة تشاهدة اشتد غضب و زعل ((( يا اخي يايب الحرمة الى معقل الشباب
و لا طالعونها اما مبدئك غريب يا طيب )))
رجل اخر و هو من انصاف الرجال يصر ان تلبس زوجتة بنطلون الجنس و العباة المخصرة
و العيون مكحلة و لا بسة نقاب هذا
الشاذ يلف مع زوجتة في المولات بدون حياء و لا مستحا و عيون الشباب تتغزل
و الحبيب عايبنة المنظر و مرتاح ((( امحق رجال و يا بخت الامارات
بهذة النوعية من انصاف الرجال )))
و الشي بشي يذكر تذكرت رجل اخر لا يذهب الى السينما الا مع زوجتة و المصيبة
انة يختار اكثر السينمات زحمة او بصجيج العبارة اكثر صياعة مثل سينما مول الامارا
و سينما جراند و سينما العين مول و هذة السينمات معقل الصيع و الضايعين و الفاسقين
و الكلامات الخادشة عن الحياة حدث و لا حرج ((( يا حلو اذا تريد تستر على زوجتة
و هي مصممة ان تذهب الى السينما و دها سينما (( صادة )) عن الناس مثل سينما
الغرير او سينما لامسي ))
و من طينة هذا الرجل شخص عندما يسافر الى الخارج يضرب بعرض الحائط جميع المبادئ
الدينة و العادات و التقاليد عرض الحائط و يصر اصرار كبير ان تخلع المرأة جميع ملابس
الامارات في الطائرة و ان تبرز الفتن و الى يريد ان يتفرج فرصة
اتتة من السما و ياللة شاهد العيون الكل عيونة على زوجتة ((( و نحن نقول لة يا رجل
في البلاد و لا خارجها )))
ما اعرف هل انا مغصوب اني اقول كلامكم صحيح ؟؟؟
هل اللي يخالفكم التفكير تكفرونه وتقللون من وازعه الديني ؟؟؟
هل اللي يخالفكم خليتوه صايع ومب متربي واهله فسقه ومب متربين عدل ؟؟؟
لأن الردود واضحه ومبينه
بس عشان الكل يكون بالصوره بحياتي ما جلست مع اهلي بستاربكس واصلا الحرمه ما تحب تشرب كوفي وانا مب متفيج ادفع كل مره 13 ولا 18 درهم على فرابتشينو والكرك ارخص
وصار لنا تقريبا ثلاث سنين ما سرنا السينما والسبب محصلين موقع الافلام فيه يديده وتنزل اول بأول وقبل لا تنزل بالسينما ومركب عندي هوم ثيتر وموصل الكمبيوتر على شاشة التلفزيون ومرتاحين والحمدلله
بس بحياتي ما ظنيت ظن السوء اذا شفت عائله يالسه بستاربكس او سايرين السينما مع بعض
هالنقطه حبيت اوضحها للكل
والحين الرد على ملون المعاني
…
من وجهة نظرك بأن اللي يجلس بستاربكس او مقهى عام واللي يسير السينما مع اهله فاسق وديوث واهله مب متربين عدل … مب شرط تقول هالكلام حرفيا بس اللي يقرا ردك بيفهم وماراح اناقشك فيه مب لعدم قدرتي على النقاش بس لأن اسلوبك انعرف من البداية انك مب مال نقاش ولا حوار فياليت تروح تاخذ لك دوره تعلم فنون الحوار والنقاش عقب تعال
…
سبحانك اللهم وبحمدك … استغفرك وأتوب اليك
أسمع يا دار زايــــد بارك الله فيك ..
الله خلق الدنيا لك أيها الأنسان .. لتعمرها و تسمتع بها ..
ياخي أستمتع و استانس لحد ما يطق فيك عرق !!
لكن .. في طاعة الله !!
مب في ستاربكس تقعد حرمتك بين ألف شاب و تقول حرمتي حشيمه و واثق منها ..!!
أولا .. دافع الغيره ياخوي يمنعك .. ما تييك غيره من شباب يطالعون حرمتك حتى لو هي منقبه و حشيمه !!
ولا عادي عندك ؟!!
ثانيا ..ياخوي لو طقت على موكا فرابتشينو و علقت معاك انت و المدام على هالمشروب .. شمر عن ثوبك إلى الأعلى و أركض وييب ثنين و أقعدوووو أترشفووووووه في السياره على راحتكم .. بدال محد يشوف حرمتك و هي تشربه من المزاز !!
السينما ..
والله ما أعتقد رجل عنده غيره على هله و عنده أدنى علم بدينه يودي حرمته و أم عياله للسينما !!
<<< يمكن تخالفوني .. لكن بيننا الكتاب و السنه ..
أول شي تبرج حريم في القاعه ..
ثانيا الفلم نفسه فيه حريم متبرجات وأغلبية الأفلام تحتوي على لقطات ساخنه و قبلة النهايه كلنا يعرفها ..!!
ثالثا .. الأغاني اللي في الفيلم .. حرام ..بل من الكبائر ..
و أنت أيها الرجل مسؤل و راع و كلكم مسؤول عن رعيته ..
بالله شو تتوقع من حرمه تلفلف بها من دور السينما و من مقهى إلى مقهى!!
.. هل تتوقع أنها بتقومك قيام الليل مثلا أو بتحفظ عيالك القرآن ؟!!
واللي يقولي حر و مدري شو و جونا مدري شو فيه .. الله يرحم زمن أمي و أمك !!!
إذا كانت الحرمه تهون عليك لهالدرجه و كسرت خاطرك .. سير سافر لصلاله .. سير عمره .. سير ماليزيا سير اي مكان في العالم و استمع بما أحل الله و فق ما شرع الله …
يعني نحن الحين قل عندنا الوازع الديني ؟
ما يستوي نحتشم ونلتزم بذكر الله وفي نف سالوقت نسير المولات والسينمات ؟