اسمحولي أفتح هالموضوع للنقاش ، وخاصة نبغي رأي المرأه في هذه المسأله
تقدم رجل للزواج من امرأه ( الرجل لديه أطفال من أرملته أو مطلقته ، يعيشون معه ) ويرغب بالزواج + تهتمي بعياله ؟؟؟؟ وانتي يا امرأه بعدج صغيره وتبين تعيشين حياتج ، صح ، فشو ردج بيكون
1- الرفض .
2- آخذه بشرط يصرف عياله يعيشون عند امه ولا شخص ثاني .
3- أوافق عليه وعلى تربية عياله .
بس ها كل واحد يعرف طبيعته وشخصيته ونفسيته ، يعني نبا جواب صريح ، بس أبي أعرف نسبة كل جواب ؟
اختي العزيزه
ليش تقولي اظلم أطفال مالهم ذنب ؟!
زوجـه الأبو … تقدر تصير ام حنون لعيال زوجها …اذا كانت فعلا امرأه صالحه قلبها طيب
الأطفال مالهم ذنب اذا ابوهم وامهم انفصلو .. او توفت امهم ..
الظلم الكبير .. ان نخليهم جذي .. بلا صدر دافي يضمهم او بيت آمن يغنيهم عن الانحراف والفقد
الام مب اللي تنجب الأطفال … الأم تربيه وحنان
إذا كان الرجل طيب ويخاف الله واخلاقه كريمه
بوافـق
وبكسب أجر في تربية عياله
لانهم في الاخير .. عز وظهر لعيالي
آراء متفاوته وتفكير مختلف ، وكل واحد له نظرته الخاصه بالحياه ،
انا بكل صراحة ارفض……….عندي اعنس ولاأظلم أطفال مالهم ذنب
فيه حالات
اذا كان مطلق لاا ،، إذا ارمل هيه
اذا عياله وايد فوق 3 لاا اذا اقل هيه
اذا عياله صغار يعني اروم اربيهم بتربيتي هيه اما اذا عياله في سن المراهقه لاا صعبه
وطبعا في الاول والاخير يعتمد ع الشخص نفسه انه يساعدني وياهم واسمع من الناس انه مهتم فيهم