السلام عليكم ورحمة الله وبركاته
كثير من الناس رواتبهم 20 الف درهم وهذا حالهم تعالوا نتعاون ولكن خل نشوف شو اللى صاير قبل .
اخوانى معوقات السكن كثيره وهى كالتالى :
1- انتظار برنامج الشيخ زايد للاسكان لسنوات طويله
2- ال 500 الف درهم ما عادت تبنى نص بيت
3- الاراضى .. تطلع روحك لحد ما تحصل الارض اللى بتبنى عليها
4- المقاول وما ادراك ما المقاول … ( يكرهك البيت وينشف ريقك ويشفط فلوسك ويعذبك ويمكن يخلص البيت فى موعده )
5- البنك .. ( هيه يا زمن .. يعرف انك محتاج له علشان جي ما يرحمك تاخذ من عندهم 300 الف علشان تسوي البيت وتدفعها 600 الف .. اخ يا القهر الحاجه ذبحتنا )
6- تأثيث البيت .. ( اذا البيت فيه 4 غرف تراك بتاثث غرفتين بالكثير والصاله والباقى لين الله يفرجها عليك لانه فى النهايه ما عندك فلس احمر تمشى فيه حالك )
خلصنا من مشاكل السكن ؟ ما اعتقد لانه اللى سبق ذكره تترتب عليه سلبيات كثيره لا تعد ولا تحصى للمواطن الفقير اللى فكر يستقر ويا عياله ويأمن لهم بيت يحتضنهم
1- كثرة الديون ( اذا راتبك 20 الف بيبقى منه 10 الآف )
2- عدم الاحساس بالسعاده بالبيت الجديد لانه صار هم عليك لانك تعذبت قبل لا تحصله سنوات وبعد ما تحصل بتتعذب ضعفهم من كثرة الديون
3- هبوط المستوى المعيشى لك ولأهلك ( يا حرمة اسمعى تراه راتبج الشهرى 1500 لج ولعيالج ماشى غيرهم ولا تدلعين اصبرى واتحملى )
4- مشتريات التزامات البيت من اكل وشرب لا تقل عن 1500 درهم شهريا
5- سيارتك مديل 1999 وكل يوم طايحه بالكراج ومن خساره لخساره لانك مش قادر تشترى سيارة يديده .
6- فواتير الكهرباء والماء والتيلفون والغاز والشغاله( لا تقل عن 2500)
7- ابوك وامك اللى ربوك وتعبوا فى تربيتكم ما تقدر تفرحهم ( آه يا القهر ) تعطيهم الف رهم شهريا مناصفه .
8- برنامج زايد للاسكان يخصم من راتبك 1660
9- مصاريف متفرقة ( لبسك .. عطرك .. بترول سيارتك .. عشاك مع ربعك .. الخ ) 2000 درهم
10- تضطر فى كثير من الاشهر انك تروح للبنك تكشف حسابك لاشياء خارجة عن ارادتك ومفأجاه وتبدا مشاكلك مع البنك .
شباب اكمل والا بس لحد اهنيه ؟
وايد اشياء ما ذكرتها لخصوصيتها بس بكل امانه بيت الاحلام صار هم وغم وصار ضد الاستقرار الاسرى بالرغم من انه الهدف الاول للحكومة الكريمه .
الله يرحم ابونا الشيخ زايد رحمة الله عليه … كلمته ترن فى اذنى ( زايد ما يباه حقه .. زايد يبا لهذا الشعب التعبان ) يا الله يا زايد نتعذب يوميا من فراقك الله يرحمك ويسكنك جنات النعيم .. وانعم الاب وانعم القائد .
ملاحظة : لو نكتب اهنيه من اليوم لبعد 10 سنوات ما راح يحسون فينا الشيوخ لانه اللى تحتهم يوصلون الفكره غلط عن المواطن الله لا يبارك فيهم .
ملاحظة : تعالوا نجتمع ونتصل فى برنامج البث المباشر ونثير هذة الطامة الكبرى لحكومتنا الرشيده وصدقونى شيوخنا فيهم خير ومحد بيقصر ويانا بس يبا همه من الشباب وعدم التخاذل وخاصه بالاعذار اللى ما تودى ولا اتييب .
ها متى تبونا نحدد موعد الاتصالات فإذاعات البث المباشر ؟ ولمدة اسبوع كامل
الحين كل واحد يقول : يا شيخ وين فينى اتصل واتريا ويمكن يردون ويمكن ما يردون صح ؟
انت حاولت ؟ اتصلت ؟ يمكن تصيب هالمره ؟ واذا ما صابت وياك بتصيب ويا واحد من الشباب المشاركين فليش لا !!!
مستغرب الصراحه نعانى وكلكم ساكتين !
اكيد راتبك فوق السقف المحدد من برنامج زايد للاسكان ( زخيناك هامور ) شيخى تقريبا عرفت هالمشكله باى امارة بس صدقنى هالاماراه بالذات يعل ربي يدوم شيوخها ودورك ياي صدقنى بالاراضى بس ها لازم تركض عليها واذا عندك الكلمة اللى اول احرفها ( واسطه ) فمستحسن فى مثل هالحالات .
الله يعينا ولكن ضم فكره لا تضم صوتك خبرنى شو ممكن نسوي … انا اقترح انه جميع الشباب يتكاتفون وننسق بينا وبين بعض على اساس نجرى اتصالات بالبث المباشر لجميع اذاعات الدوله ولمدة اسبوع وناخذ الموضوع على محمل الجد وعن التهاون او الاستهتار وصدقونى شيوخنا طيبين ولا يرضون على شبابهم وشعبهم وان شاء الله بتنحل واذا ما انحلت فترانا حاولنا وسعينا وبنفكر فى شى ثاني مثل نكتب رساله موقعه من جميع الشباب ونسلمها لديوان رئيس الدوله او نائبه .
يعنى نبا افكار ما تزعل الشيوخ منا لاننا نحبهم ونحترمهم ونحب دولتنا فى الاول والاخير يعنى ما يطلع واحد يقول نسوي مظاهره !!! عمرى ما ارضى اشوف مظاهره فى دولتى الحبيبه الامارات هذة دار زايد اذا صارت مظاهره انا بوقف ضدها بكل الاشكال .
نحن ما نبا مبلغ مالي
أنا ابا ارض و مستعد ابني
حتى ما يعطونا اراضي لبنا مسكن!!
.
.
بالنسبة لي ما بيطلع اسمي في مشروع الشيخ زايد الله يرحمه بسبب الشروط و علشان احصل ارض سكنية لابد احصل على المنحـة.
.
شوفوا البيروقراطية في بعض البلديات في الدولة!
من ردود بعض الاعضاء يحسسونى انه هالمشكله تخصنى انا وبس الظاهر انه الجماعه راعين ملايين !!
عموما االموضوع هذا فتحته علشان كل واحد يفكر ويشغل مخه ( بسه وهو مبند ) ونوصل لطريقه نوصل فيها راينا لشيوخنا لانه فيه بينا وبين الشيوخ حاجز والدليل انه الشيخ محمد بن راشد بروحه يمر على الناس يتفقد احوالهم ولولا الله سبحانه ومن ثم الشيخ محمد جان وايد ناس للحين ميتين ببيوتهم القديمه اللى كل يوم تطيح على روس عيالهم .
فنبقى كل شخص فيكم عنده مشكلة اسكان يحط اقتراح ونتناقش فيه مش كل واحد عايش بكبرياء ويحسسنا انه ما عنده مشكلة اسكان !