دايما كنت ارفض العلاج في مستشفياتنا الحكومي بحجة الازدحام الشديد والمواعيد المتأخرة ويعني صارلي فترة كبيره ما اعرف احوالها .. المهم وانا يايه من الدوام باخميس حسيت بدوووووووخه كبيرة بعني مب قادره اركز وادعي الله بس يوصلني بالسلامه وانا عند الاشارات والازدحام شفت سيارة الشرطه عدالي والله من كثر التعب يايه بستنجدبهم لوووووووووووول بس اتلومت ترى صيحتي على طرف اعيوني اخاف اقوله سوق السيارة وانا بركب الدوريه اوياكم بس مجرد ما فكرت تميت اصيح كيف لوو اكلمه المهم اتصبرت لين ما وصلت البيت …
حسيت فيني هبوط لاني مب ماكلة شيء من الصبح تميت اقول يا الله كلي اتقوي اتقوي ما قدرت الساعه 11:00 فليل يوم الخميس الناس في السناتر وانا ادور مستشفى قريب الا وما اطيح الا على مستشفى
خليفه بعجمان
المهم قلت ما احب ها المستشفى اكيد زحمه بس مضطره لازم اشوف شو فيني ..
دشيت اقولكم حسيت اني داشه سكن عمال زحمه وريحه زي الارف ويداحرون على الباب مال النيرس اللي تاخذ الحراره والضغط
المهم درت وراهم قلت احترم القانون بس ما رمت ريحة ازوااااع جان اقول خل اطبق قانون ladies first مدام محد احترمني وحان اتجدم وكسر راسي جدام واحد مصري قالي تفضلي يا انسه احم احم
دشيت طبعا قايست الضغط والحراره قالتلي ( كلش مضبوط انته مافي شيء ) روح انتظر دكتور
عاد رقمي 56 وطابور جدامي اتريت ولاعت جبدي تميت متلثمه في المستشفى واسمع العويل واشوف الحوادث الله يسلمكم قلت براية بصبر كله ولا العوق اخاف اتزيد الدوخه
دشيت على الدكتور اقوله خلاص دكتور ما اقدر اشوف اي شي جدامي تم يسويلي بصبوعه ماحد اثنين وحليله عاد انا ما قلت انعميت قلت من الدوخه ما اشوف شيء
انزين قال انتي مافيييييييكييي شيء روحي بكره اي عياده خارجيه انتي كويسة خوذي ها الحبه ((( حبه بس حبه بالعدد )) وراجعي العيادة الفلانيه باجر
الحين انا لو سايرة مستشفى خاص ابسط شيء تحليل دم بيعرفون ها اللي جدامكم بخير فرضن مت عليكم عفان الله حبه يا ناس هاي لوو طاحت عني وين اييب بديل لها لوووووول المهم كنت ابا اعفص الورقه واضربها الدكتور من الحرجه قلت ماعليه يمكن ارهاق روحي ارقدي
روحت ورقدت نشيت اليوم الثاني الجمعه محد فاتح .. اتريت عياده خاصه العصر فتحت اول ما قلت حق الدكتور حالتي سوالي تحليل دم وحليلي طلعت
عندي نقص في الدم وضغطي نازل واااايد
بس قلت في خاطري حسبي الله ونعم الوكيل
معقولة مارام يقولي اسوي تحليل
بس ودي اسال ليش ها الاهمال في مستشفياتنا الحكوميه لين متى ؟!!
قسم الطوارئ يعينون فيها دكتور واحد بس بالتناوب
هو دكتور عظام وومارس عام ودكتور عيون وانف وحنجرة
اضف الى ذلك لو ساءت حالت احد نزلاء المستشفى اساسا تلاقونه يترك القسم ويصعد فوق
يعنى بمعنى ثاني…….متعاقدين مع سوبرمان
ماتشوفين شر ان شاء الله
وانتي الله يهديك اذا تعبتي وقفي على صوب وخلى حد من خوانك يمر عليك
لآنة السواقة بهالحالة خطر وايد
الدولة هب مقصرة ابد ولله الحمد
المشكلة في الدكاترة
الحين انا ما اقدر اقيم الدكتور لآني هب دكتور
بس اقدر اقيم المهندس الزراعي
الحين بتقول شو لة خص المهندس الزراعي
بقول لك
حسب خبرتي في المزارع والزراعة
كان يمرون علينا مهندسين زراعين
وشهادة المهندس شهادة كبيرة مثل الدكتور
والله العظيم حصلت مهندسين زراعين عندهم شهادات
مايعرف الجت من الملوخية
ومدام السالفة جية
اكيد الدكاترة الموجودين خرطي
والشهادة تباع عادي وبرخص بعد
ثانيا يقول ابوية الله يرحمة
الدكتور الزين مايضهر من بلادة
ياريت يسون مستشفى وحتى لو خاص فية دكاترة مواطنين بالكامل
والله العظيم عدنا دكاترة من احسن الدكاترة في العالم
مثل الدكتور مازن و اختة امنيات بودهيش الهاجري
والدكتور النعيمي دكتور القلب في مستشفى زايد العسكري
وفية دكتور قلب ناسي اسمة
وفية دكتور مواطن راح روسيا بعقد يمكن 10 سنين
دكتور عيون
بالرغم من تطور طب االعيون في روسيا
عطو المواطنين فرصة للأبداع
عطة دعم +تشجيع +لاتتدخل في اختصاصة
وبعدين حاسبة
مستشفياتنا الحكوميه رايحه من زمان
و حتى المستشفيات الخاصه قامو يختربون الحين
الله يكون في العون على مستشفيات الدوله
أني عندي الحل المناسب
ميزانيه وزاره الصحه تتقسم على عدد المواطنين وكل واحد يعالج نفسه في عياده خاصه أحسن لايكون فيه وزاره صحه ولا شئ الميزانيه كلها تتقسم وبتكفي للعلاج
لنها مستشفيات الحكوميه مايفكرون إلى في الراتب عالج عدل أو لا كله واحد أهم شئ الراتب مايفكر في سمعه ولا شهره بندول وروح البيت أنت بخير مافيك ألى العافيه والله مثل هذا وغيره حرام يكون دكتور الله يسامح من شغله
الله يعافيج أختي ماتشوفين شر أن شاء الله