السلام عليكم ورحمة الله
بصراحة من كم يوم وأنا أجوف هالعمود وأقول شو هالعمود اليديد أمس بالصدفة جفته ضرب فلاش 
واستغربت من الي جفته جدامي عاد اليوم قلت الا اسير نفس الدرب وقلت بوقف عداله 
، ويوم وقفت عداله استغربت وجفت العجب … الرادار الي موجود فالصور هو رادار يديد حطوه في دبي وما يميز الرادر او انا سميته ( مجمع الرادار ) أنه يحتوي على عدد 4 رادارات أي 4 كاميرات في نفس الرادار يعني يصور في اتجاهين او 3 أتجاهات وحسب المطلوب والجديد في الرادار كذلك أنه يستطيع تصوير السيارات والشاحنات وفي اي اتجاه من ا لامام والخلف وبصراحة استغربت وحتى الحين مستغرب لانه مستحيل حد يركز عليه .
في الصور التالية بتجوفون الرادار وهو فالشارع .
جوفوا الصورة الاخيرة وكيف يبين لنا ان الرادار واقسامه الدور الاول لين الدور الرابع في مجمع الرادار … مستقبلا بدال ان يحطون رادارين او 3 يمكن تركيب واحد ويصور في كل الاتجاهات وبخاصة للشوارع التي تحتوي على عدة شوارع في اتجاهات متوازية يعني ينحط في النص .
ركزوا عدل ولا تسرعون !!! 
مب 6 مسارات بس .. هذا يصور كل الاتجاهات بعد والشاحنات لان رادار الشاحنة يكون تضبيطه غير وسرعته غير ….. والسبب هو طول الشاحنة مقارنة مع السيارات الخفيفة .
__________________
الظاهر انه يصور ال6 مسارات
هذا من زمان موجود … اللي يخليك ما تشك انه رادار انهم محطين رادار عقبه على طول يعني ما تتوقع انه فيه رادار قبله بمسافه قصيره …مشكور على تحذير الشباب..
العفو الغالي … وشكراً ع المرور .
__________________
مشكور يالحبيب ، ولا تسرعون عشان ما يصوركم الرادار