السلام عليكم ورحمة الله
بصراحة من كم يوم وأنا أجوف هالعمود وأقول شو هالعمود اليديد أمس بالصدفة جفته ضرب فلاش 
واستغربت من الي جفته جدامي عاد اليوم قلت الا اسير نفس الدرب وقلت بوقف عداله 
، ويوم وقفت عداله استغربت وجفت العجب … الرادار الي موجود فالصور هو رادار يديد حطوه في دبي وما يميز الرادر او انا سميته ( مجمع الرادار ) أنه يحتوي على عدد 4 رادارات أي 4 كاميرات في نفس الرادار يعني يصور في اتجاهين او 3 أتجاهات وحسب المطلوب والجديد في الرادار كذلك أنه يستطيع تصوير السيارات والشاحنات وفي اي اتجاه من ا لامام والخلف وبصراحة استغربت وحتى الحين مستغرب لانه مستحيل حد يركز عليه .
في الصور التالية بتجوفون الرادار وهو فالشارع .
جوفوا الصورة الاخيرة وكيف يبين لنا ان الرادار واقسامه الدور الاول لين الدور الرابع في مجمع الرادار … مستقبلا بدال ان يحطون رادارين او 3 يمكن تركيب واحد ويصور في كل الاتجاهات وبخاصة للشوارع التي تحتوي على عدة شوارع في اتجاهات متوازية يعني ينحط في النص .
ركزوا عدل ولا تسرعون !!! 
انا ابغي من هذا
انا ما اسرع وااااااايد ولله الحمد
لكن كشخه للتنبيه سبحان الله مرات الانسان يغفل
اخوي رحالوووو خبرني
__________________
ما شاء الله عليهم لا شغله ولا مشغله
انا تحريته مصاص “حلاوه” مال لول
يحليلهم شغالين للمحافظة على السلامه
لا تظلمهم يا اخوي
ومشكور على التنبيه
تحياتي
اختكم
سهمي عالي
يالا جهزوا مخابيكم
الله يستر علينا وعليك خوي … بس عني انا بصراحة ما احب أعتمد ع جهاز كشف الرادار …. أمشي على مهلي والسرعات أجوفها طبيعية في هذي الشوارع أكثر عن 120 أجوفها وايد بصراحة .
__________________