السلام عليكم ورحمة الله
بصراحة من كم يوم وأنا أجوف هالعمود وأقول شو هالعمود اليديد أمس بالصدفة جفته ضرب فلاش 
واستغربت من الي جفته جدامي عاد اليوم قلت الا اسير نفس الدرب وقلت بوقف عداله 
، ويوم وقفت عداله استغربت وجفت العجب … الرادار الي موجود فالصور هو رادار يديد حطوه في دبي وما يميز الرادر او انا سميته ( مجمع الرادار ) أنه يحتوي على عدد 4 رادارات أي 4 كاميرات في نفس الرادار يعني يصور في اتجاهين او 3 أتجاهات وحسب المطلوب والجديد في الرادار كذلك أنه يستطيع تصوير السيارات والشاحنات وفي اي اتجاه من ا لامام والخلف وبصراحة استغربت وحتى الحين مستغرب لانه مستحيل حد يركز عليه .
في الصور التالية بتجوفون الرادار وهو فالشارع .
جوفوا الصورة الاخيرة وكيف يبين لنا ان الرادار واقسامه الدور الاول لين الدور الرابع في مجمع الرادار … مستقبلا بدال ان يحطون رادارين او 3 يمكن تركيب واحد ويصور في كل الاتجاهات وبخاصة للشوارع التي تحتوي على عدة شوارع في اتجاهات متوازية يعني ينحط في النص .
ركزوا عدل ولا تسرعون !!! 
العفو أختي سهم عالي لا وبعد ازيدج من الشعر بيت … شي رادار شكله يديد في شارع رأس الخور بعد منطقة الخيران وواحد ثاني في الدرب الي يودي من الخليج التجاري على شارع راس الخور وكل واحد شكله غير ويختلف عن هذا يعني 3 او اربع انواع غير المتعارف عليها .
ما حصلت مكان اوقف واصوره لكن ان شاء الله قريبا بحط لكم صورته .
__________________
هذا برج الرادارات خخخخخخخخخخ يعني اي سياره مسرعه لازم يصورنها ولا يفوت صوره حشى
والرادارات اليديده يقدرون يلفونها باليد عادي في اي اتجاه واحد من الربع مخبرني
يزاك الله خير
__________________
حراااااااااام عليك في احد يرد اخته الصغيرونه ؟؟؟
انزين ما بخبر احد
اوعدك
انت مب تمساح انت بطل
__________________
سهوم انتي اختي الصغيره ودلعوة المنتدي بس اقوالك
__________________