السلام عليكم ورحمة الله وبركاته
يااخواني وياخواتي اليوم رحت ابغى اجدد السيارة ولقيت بعض المخالفات الغريب من نوعها !!!
والاكثر غرابة انها كلها غيابية وكلها رادارات مع اني محاسب عدال كل رادار اخف السرعة لكن تفاجئت
من احد الاصداقاء قوله ان في دبي توجد رادارات ذكية !!!
استغربت من الموضوع ان في رادارات ذكية تمسك بمعنى:.
اذا انت جاي مسرع وعند اول رادار خفيت وبعد ماعديت الرادار سرعت وعند الرادار الثاني خفيت وبعد ما
عديت سرعت وهكذا عند كل رادار المشكلة تجي في اخر رادار يقولك انه يحسب الفترة اللي انت خذتها من اول رادار لاخر رادار اذا كنت تسرع 140كم في الساعة مثلا المفروض توصل ب 40 دقيقة :.
لكن انت اخذت الوقت ب 35 دقيقة هذا يعني انك كنت تسرع وتخف تجي المصيبة ان يمسك ويصورك على اول رادار مريت به الى اخر رادار انت واصله .
يعني اذا انت مريت ب10 رادارات يعني مسك على 10 رادارات !!!
يعني من دون زعل مخالفتك بتكون 600*10=6000درهم فقط لاغير ههههههه
واذا كانت الرادارات اكثر الله المستعان.
رادارات مع شوية باكن ممنوع وحط عليها شوية حزام على اشارة حمرا على بعضا من مخالفات التلفون
يااخواني وياخواتي اليوم رحت ابغى اجدد السيارة ولقيت بعض المخالفات الغريب من نوعها !!!
والاكثر غرابة انها كلها غيابية وكلها رادارات مع اني محاسب عدال كل رادار اخف السرعة لكن تفاجئت
من احد الاصداقاء قوله ان في دبي توجد رادارات ذكية !!!
استغربت من الموضوع ان في رادارات ذكية تمسك بمعنى:.
اذا انت جاي مسرع وعند اول رادار خفيت وبعد ماعديت الرادار سرعت وعند الرادار الثاني خفيت وبعد ما
عديت سرعت وهكذا عند كل رادار المشكلة تجي في اخر رادار يقولك انه يحسب الفترة اللي انت خذتها من اول رادار لاخر رادار اذا كنت تسرع 140كم في الساعة مثلا المفروض توصل ب 40 دقيقة :.
لكن انت اخذت الوقت ب 35 دقيقة هذا يعني انك كنت تسرع وتخف تجي المصيبة ان يمسك ويصورك على اول رادار مريت به الى اخر رادار انت واصله .
يعني اذا انت مريت ب10 رادارات يعني مسك على 10 رادارات !!!
يعني من دون زعل مخالفتك بتكون 600*10=6000درهم فقط لاغير ههههههه
واذا كانت الرادارات اكثر الله المستعان.
رادارات مع شوية باكن ممنوع وحط عليها شوية حزام على اشارة حمرا على بعضا من مخالفات التلفون
على العموم حد يفيدنا اذا كان هذا الكلام صحيح لاني بعدني ماجدد السيارة .
هل هناك في رادارات ذكية؟؟
مب صحيح هالكلام .. يعني لو مريت محطة اعبي بترول .. وشوي نزلت اشتري اغراض .. يوم بوصل اخر رادار بيصورني كيف ؟؟!!
كله خريط .. ومن ناحية الفلاش .. الفلاش تماتيك .. لو فيه اناره كافيه ما يظرب فلاش .. بس لو كان ظلام يعطيك فلاش محترم .. ولا يزخ من بعيد ولا شي واذا خففت ما بيصورك .. انا كل يوم اطوف على الخط ونفس الحاله .. وكل يوم اجيك على المخالفات مافيه شي
.. يعني لا تقلقون .. وبعدين السيارة مافيها باركود عسب يقراه الثاني ويخبر لي عقبه .. تخيل السيارة تعطلت .. بييلس يترياني الرادار الاخير لين السنة الياية وعقب بيخالف ..
هذا كله كلام بس .. سوله دعاية اول ما ركبوه
اشوفه مثل الرادارت القديمة .. بس الفرق يمكن يكون انه يصور كل المسارات في الشارع مب مثل القديم بس اول 3
كله خريط الرادارات اليديدة في القايلة
عز النهار يعطي فلاااااش واااضح بعد
بس اللي سمعته ان الرادار اذا صورك
وكنت مب لابس حزام أو تتكلم في الفون
يعطيك مخالفة السرعة +الحزام +الفون
وهكذا والله أعلم هل صحيح أو لا .
يخواني كيف يقولون بدون فلاش والله اكتشفت الكذبه قدام عيني
واحد كان مسرع فوق الميه والاربعين وطلع الفللاش من الرادار اليديد
والله يبالغون وايد في وسايل الاعلام مسخوها الصراحه
مسوين الرادات مصدر دخل والا والله ولاعلى بالهم سلامة الناس
لو يهمهم سلامت الناس صدق ماكان اي واحد مايعرف يسوق يطلع ليسن في شهر وشهرين عن طريق مدرسة الامارات وشوفوا الحوادث منو اكثر المتسببين فيها كلهم الي مطلعين لياسن يديده ماعرف كيف تطلع لهم اللياسن وعلى اي اساس ينجحونه بس يعني لانه دفع 5000 ويبون غيره يديد عشان يدفع ؟؟
هنود وزلمات ومواطنين ولايعرفون اي شي بالسواقه عقب شهر يكون عنده ليسن من مدرسة التعليم
كلام فاضي والله اونه رادارات بتخفف م ن الحوادث
أتوقع هذا الكلام مب صحيح أبدا”,,
عاد قلناا ذكيه بس مب لهذي الدرجه,,!!
يعني الرادار شو عرفه أنك أنته اللي طفت على الرادار اللي قبله وهل خفيت ولا سرعت وشو يعني الرادار يالس يلاحق سياره سياره من مكان لين مكان وكم كانت تمشي وهل سرع عقب الرادار ولا ماسرع,,!!
أسمحولي هذا شي مايدخل العقل,,
وكل يوم أنا أخطف على الرادارات وأسرع وأخف ولا رادار زخني ,,
فكروا فيها الرادار آله مب بني آدم عشان كل رادار يخبر ربيعه,,
تحياتي,,
,