السلام عليكم ..
يا اخواني انا راس مالي 350 الف .. وحاب اخذلي سيارة فخمة … تعبت من التفكير كل السيارات فيها
مميزات وعيوب … اتمنى كل حد يقول رايه ويقول لو هو مكاني شو بياخذ …
تحياتي لكم
34 thoughts on “راس المال 350 الف وابا اخذ رايكم … في شو تنصحوني ؟؟”
Comments are closed.
السلام عليكم والله ياخوي انا شراتك محتار بس أستقر الرأي بين البورش كايين أس أو الرنج ،
الكوالتي لصالح البورش كايين ( الله يسامح وكيلنا في بوظبي ) بصراحه السياره حلوه والويه أحلى من الشكل القديم فيه انسيابيه وروعه من الداخل وتغييرات وايد فيها والكراسي ممتازه سبور 100% وأهم شي موضوع الكراسي الصف الثاني يتعدل الكرسي لثلاث درجات ويتحرك للأمام وللخلف وهذا العيب الكبير في الشكل القديم واترفاع السكان والعدادات مقبل الكرس ممتاز مقرانة بالشكل القديم ، بس شي وااااااحد مب حلوو موول ابد الاسطابات الخلفيه تقول كوري بصراحه أسطابات الانفنتي Fx أحلى بمليون مره
بس السيرفس والظمان لصالح الرنج هو الملك دائما بس يترقع مايترقع
الله يوفقك دوووووووووووووم
1) رنج سبورت 2010 ..
2) بورش بنميرا بس ابعيد عن ميزانيتك شوي ..
3) بورش كايين اليديد
اذا سبورت
1) جي تي ار وبدون كلام
بو سعيــد تسلم الغالي
والله هالموتر شكلة طر وبنترياه بنشوفه
uae499994
والله كلامك دش الراس من الخاطر
دام انك انته عندك بي ام ومب عايبنك وتقول البورش احسن اكيد احسن عيل
واسأل مجرب ولا تسأل طبييب
والامبراطور بعد ماعليك قصور
فريتليه مخي فر
اسميكم حطيتوا البورش فراسي … اتصلت عالوكالة توني … قالوا اطلبه الحين
وبيوصل شهر واحد
شكلي هذا الي بسوييه وماقصرتوا يميييع يعطيكم العافيه يالربع
يااااخوي خذلك النيسان اليديد ووفرلك 75 الف موتر يديد وقوة وفيه من الفخااامه…
واذا قفلت وياااك عليك بالكاايين اليديد والله انه خبااال وسمعت انه من دااخل شراات البانميرا وبيكون 400 حصان وانت الله يهديك تقولي بورس توربو بالله عليك منو ياااخذ توربو الحين الناس ياا بورش gts او cayene s محد يااخذ توربو….
واهم شي الاستخااره….الله يوفجك لما فيه الخير
السلام عليكم ورحمة الله وبركاته
بورش اليديد مافيه حيله اذاا ف خاطرك
ما انصحك في البي ام لنا سعره يطيح في الارض يوم بتفكر اتبيعه
اذا في خاطرك x6 عندي وحده 2009 ماشيه شي وعشرين 8 سلندر فل فل اوبشين اباها ب 283
تواصل وياي 0505877448
بسس انصحك في البرورش انا حاجز وحده بتوصل جريب كاايين اس فل اوبشين ما طلعت وايد 330